Library·Jaiminīya Brāhmaṇa of the Sāmaveda (in part)·1·1.232
तद् आहुर् यद् एकविंशम् अनु सर्वे यज्ञक्रतवः संतिष्ठन्ते ऽत्य् उ वा एकविंशान्य् उक्थानि रात्रिर् एत्य् अथ केनैषाम् एकविंशम् अनु रात्रिः संतिष्ठत इति
tad āhur yad ekaviṃśam anu sarve yajñakratavaḥ saṃtiṣṭhante 'ty u vā ekaviṃśāny ukthāni rātrir ety atha kenaiṣām ekaviṃśam anu rātriḥ saṃtiṣṭhata iti
Sanskrit only: no published translation is held for this verse.
स ब्रूयाद् यद् एवैत एकविंशतिश् च त्रिवृतो भवन्ति नव चैकविंशा इति
sa brūyād yad evaita ekaviṃśatiś ca trivṛto bhavanti nava caikaviṃśā iti
Sanskrit only: no published translation is held for this verse.
अथ ह स्माह भाल्लबेयः क उ स्विद् अद्योभयतोज्योतिषा यज्ञक्रतुना यक्ष्यत इति
atha ha smāha bhāllabeyaḥ ka u svid adyobhayatojyotiṣā yajñakratunā yakṣyata iti
Sanskrit only: no published translation is held for this verse.
एष ह वा उभयतोज्योतिर् यज्ञक्रतुर् यद् अतिरात्रः
eṣa ha vā ubhayatojyotir yajñakratur yad atirātraḥ
Sanskrit only: no published translation is held for this verse.
त्रिवृत् पुरस्ताद् बहिष्पवमानं भवति त्रिवृद् उपरिष्टाद् राथन्तरः संधिः
trivṛt purastād bahiṣpavamānaṃ bhavati trivṛd upariṣṭād rāthantaraḥ saṃdhiḥ
Sanskrit only: no published translation is held for this verse.
अग्निर् वै पूर्वस् त्रिवृद् आदित्य उत्तरः
agnir vai pūrvas trivṛd āditya uttaraḥ
Sanskrit only: no published translation is held for this verse.
अग्निना वा अयं लोको ज्योतिष्मान् आदित्येनासौ
agninā vā ayaṃ loko jyotiṣmān ādityenāsau
Sanskrit only: no published translation is held for this verse.
उभयतोज्योतिषास्य यज्ञक्रतुनेष्टं भवति ज्योतिष्मान् अस्मिंश् च लोके ऽमुष्मिंश् च भवति य एवं वेद
ubhayatojyotiṣāsya yajñakratuneṣṭaṃ bhavati jyotiṣmān asmiṃś ca loke 'muṣmiṃś ca bhavati ya evaṃ veda
Sanskrit only: no published translation is held for this verse.
तौ वा एतौ ब्रह्म चैव क्षत्रं च
tau vā etau brahma caiva kṣatraṃ ca
Sanskrit only: no published translation is held for this verse.
ब्रह्म वै त्रिवृत् क्षत्रं पञ्चदशः
brahma vai trivṛt kṣatraṃ pañcadaśaḥ
Sanskrit only: no published translation is held for this verse.
तद् एतद् ब्रह्म च क्षत्रं च संधाय रात्रिं वहतः
tad etad brahma ca kṣatraṃ ca saṃdhāya rātriṃ vahataḥ
Sanskrit only: no published translation is held for this verse.
तद् एतद् ब्रह्म च क्षत्रं च संधायान्ततः पाप्मानम् अपहतः
tad etad brahma ca kṣatraṃ ca saṃdhāyāntataḥ pāpmānam apahataḥ
Sanskrit only: no published translation is held for this verse.
तद् यद् एतौ स्तोमाव् अन्ततः क्रियेते पाप्मन एवापहत्यै
tad yad etau stomāv antataḥ kriyete pāpmana evāpahatyai
Sanskrit only: no published translation is held for this verse.
अप पाप्मानं हते य एवं वेद
apa pāpmānaṃ hate ya evaṃ veda
Sanskrit only: no published translation is held for this verse.
तौ यद् गायत्रीं सम्पद्येते तेजो वै ब्रह्मवर्चसं गायत्री तेजस्य् एव तद् ब्रह्मवर्चसे प्रतितिष्ठति
tau yad gāyatrīṃ sampadyete tejo vai brahmavarcasaṃ gāyatrī tejasy eva tad brahmavarcase pratitiṣṭhati
Sanskrit only: no published translation is held for this verse.
अथो यजमानम् एव तद् आयुषि प्रतिष्ठापयति सर्वायुष्टायै
atho yajamānam eva tad āyuṣi pratiṣṭhāpayati sarvāyuṣṭāyai
Sanskrit only: no published translation is held for this verse.
प्राणो हि गायत्री
prāṇo hi gāyatrī
Sanskrit only: no published translation is held for this verse.
सर्वम् आयुर् एति य एवं वेद
sarvam āyur eti ya evaṃ veda
Sanskrit only: no published translation is held for this verse.