Library·Jaiminīya Brāhmaṇa of the Sāmaveda (in part)·1·1.234
पुरश् चक्रं पथो बिले तं चक्रम् अभिवर्तते यो ऽसम्पन्नेन यजते ऽपाको यज्ञेन देवैर् यद् ददाति तद् एवास्य न लोकम् अभिगच्छतीति
puraś cakraṃ patho bile taṃ cakram abhivartate yo 'sampannena yajate 'pāko yajñena devair yad dadāti tad evāsya na lokam abhigacchatīti
Sanskrit only: no published translation is held for this verse.
पाकाः सन्तो ऽविजानन्तो ऽदेवायत इति हैनांस् तद् उवाच ये विराजम् अत्ययजध्वम् इति
pākāḥ santo 'vijānanto 'devāyata iti haināṃs tad uvāca ye virājam atyayajadhvam iti
Sanskrit only: no published translation is held for this verse.
तद् आहुः कुतो यज्ञम् अतथाः क्वैनं प्रत्यतिष्ठिप इति
tad āhuḥ kuto yajñam atathāḥ kvainaṃ pratyatiṣṭhipa iti
Sanskrit only: no published translation is held for this verse.
यत एवैनम् अतसीति ब्रूयात् तद् एवैनं प्रत्यतिष्ठिपम् इति
yata evainam atasīti brūyāt tad evainaṃ pratyatiṣṭhipam iti
Sanskrit only: no published translation is held for this verse.
पुरुषाद्ध वै यज्ञस् तायते पुरुषे प्रतितिष्ठति
puruṣāddha vai yajñas tāyate puruṣe pratitiṣṭhati
Sanskrit only: no published translation is held for this verse.
अथ ह हृत्स्वाशया आल्लकेयो माहावृषो राजा पुत्रं दीक्षयांचकार
atha ha hṛtsvāśayā āllakeyo māhāvṛṣo rājā putraṃ dīkṣayāṃcakāra
Sanskrit only: no published translation is held for this verse.
तस्य ह सोमशुष्मः सात्ययज्ञिर् उद्गीथायोढ आस
tasya ha somaśuṣmaḥ sātyayajñir udgīthāyoḍha āsa
Sanskrit only: no published translation is held for this verse.
तम् उ ह महावृषाणां दूता आसस्रुर् आगच्छ समितिर् वा इयम् इति
tam u ha mahāvṛṣāṇāṃ dūtā āsasrur āgaccha samitir vā iyam iti
Sanskrit only: no published translation is held for this verse.
तद्ध प्रधावयन्न् उवाचोद्गातर् एतं ते पुत्रं परिददानीति
taddha pradhāvayann uvācodgātar etaṃ te putraṃ paridadānīti
Sanskrit only: no published translation is held for this verse.
स हेष्टं पुनर् आजगाम
sa heṣṭaṃ punar ājagāma
Sanskrit only: no published translation is held for this verse.
स होवाचोद्गातः क्व यज्ञं प्रत्यतिष्ठिपः क्व यजमानं क्वास्य पशून् इति
sa hovācodgātaḥ kva yajñaṃ pratyatiṣṭhipaḥ kva yajamānaṃ kvāsya paśūn iti
Sanskrit only: no published translation is held for this verse.
तद्ध न प्रत्युवाच
taddha na pratyuvāca
Sanskrit only: no published translation is held for this verse.
स होवाच पुनर् मे पुत्रं दीक्षयत
sa hovāca punar me putraṃ dīkṣayata
Sanskrit only: no published translation is held for this verse.
न वै विद्म यत्र मे पुत्रम् अकृद् इति
na vai vidma yatra me putram akṛd iti
Sanskrit only: no published translation is held for this verse.
तम् उ ह पुनर् दीक्षयांचक्रुः
tam u ha punar dīkṣayāṃcakruḥ
Sanskrit only: no published translation is held for this verse.
तस्य ह स्वयम् एवोज्जगौ
tasya ha svayam evojjagau
Sanskrit only: no published translation is held for this verse.
स यत् प्रत्यवक्ष्यद् यजमान एव यज्ञं प्रत्यतिष्ठिपं यजमानं वामदेव्ये रथन्तरे ऽस्य पशून् इति
sa yat pratyavakṣyad yajamāna eva yajñaṃ pratyatiṣṭhipaṃ yajamānaṃ vāmadevye rathantare 'sya paśūn iti
Sanskrit only: no published translation is held for this verse.