Jaiminīya Brāhmaṇa of the Sāmaveda (in part) 1.246

अथ ह प्रधावयांचकार

atha ha pradhāvayāṃcakāra

Sanskrit only: no published translation is held for this verse.

तस्मिन् ह प्रैष्यन्

tasmin ha praiṣyan

Sanskrit only: no published translation is held for this verse.

इमान् ह स्म पृच्छत्य् आसां विराजाम् ऋद्धिम्

imān ha sma pṛcchaty āsāṃ virājām ṛddhim

Sanskrit only: no published translation is held for this verse.

ते ह स्म नाभ्यापयन्ति

te ha sma nābhyāpayanti

Sanskrit only: no published translation is held for this verse.

य उ ह स्माभ्यापयति यां ह स्मैकाम् अभ्यापयति स ह स्मास्ते

ya u ha smābhyāpayati yāṃ ha smaikām abhyāpayati sa ha smāste

Sanskrit only: no published translation is held for this verse.

ब्राह्मणं बताहं ब्राह्मणम् एतासु मीमांसमानम् अपश्यम् अच्छ धावत शैलनम् इति

brāhmaṇaṃ batāhaṃ brāhmaṇam etāsu mīmāṃsamānam apaśyam accha dhāvata śailanam iti

Sanskrit only: no published translation is held for this verse.

तद् वियजनं हास यथा शैलन इयेष

tad viyajanaṃ hāsa yathā śailana iyeṣa

Sanskrit only: no published translation is held for this verse.

ता एतास् तिस्रो विराजो दैवी यज्ञिया मानुषी

tā etās tisro virājo daivī yajñiyā mānuṣī

Sanskrit only: no published translation is held for this verse.

सैषा दैवी विराड् यद् इमे लोकाः

saiṣā daivī virāḍ yad ime lokāḥ

Sanskrit only: no published translation is held for this verse.

सा न्यूना

sā nyūnā

Sanskrit only: no published translation is held for this verse.

यजमानावधानायैव तन् न्यूना

yajamānāvadhānāyaiva tan nyūnā

Sanskrit only: no published translation is held for this verse.

तद् अन्तर् यजमानम् अवदधाति

tad antar yajamānam avadadhāti

Sanskrit only: no published translation is held for this verse.

तस्या एतस्यै चन्द्रमा एवापिधानम्

tasyā etasyai candramā evāpidhānam

Sanskrit only: no published translation is held for this verse.

एतद्धि देवानां प्रत्यक्षम् अन्नाद्यं यच् चन्द्रमाः

etaddhi devānāṃ pratyakṣam annādyaṃ yac candramāḥ

Sanskrit only: no published translation is held for this verse.

अथैषा यज्ञिया विराड् यद् एता बहिष्पवमान्यः

athaiṣā yajñiyā virāḍ yad etā bahiṣpavamānyaḥ

Sanskrit only: no published translation is held for this verse.

सा न्यूना

sā nyūnā

Sanskrit only: no published translation is held for this verse.

यजमानावधानायैव तन् न्यूना

yajamānāvadhānāyaiva tan nyūnā

Sanskrit only: no published translation is held for this verse.

तद् अन्तर् यजमानम् अवदधाति

tad antar yajamānam avadadhāti

Sanskrit only: no published translation is held for this verse.

तस्या एतस्यै हिंकार एवापिधानम्

tasyā etasyai hiṃkāra evāpidhānam

Sanskrit only: no published translation is held for this verse.

हिंकारेण ह्य् एव देवेभ्यो ऽन्ततो ऽन्नाद्यं प्रदीयते

hiṃkāreṇa hy eva devebhyo 'ntato 'nnādyaṃ pradīyate

Sanskrit only: no published translation is held for this verse.

अथैषा मानुषी विराड् यद् इमे पुरुषे प्राणाः

athaiṣā mānuṣī virāḍ yad ime puruṣe prāṇāḥ

Sanskrit only: no published translation is held for this verse.

सा न्यूना

sā nyūnā

Sanskrit only: no published translation is held for this verse.

स उ एव यजमानः प्रत्यक्षम्

sa u eva yajamānaḥ pratyakṣam

Sanskrit only: no published translation is held for this verse.

तस्या एतस्या अन्नम् एवापिधानम्

tasyā etasyā annam evāpidhānam

Sanskrit only: no published translation is held for this verse.

नाभिर् वा एतास् तिस्रो विराजः

nābhir vā etās tisro virājaḥ

Sanskrit only: no published translation is held for this verse.

अभि ह तान् कामान् आप्नोति य एतासु कामाः

abhi ha tān kāmān āpnoti ya etāsu kāmāḥ

Sanskrit only: no published translation is held for this verse.

अपि त्व् इह तेषु भवति

api tv iha teṣu bhavati

Sanskrit only: no published translation is held for this verse.

अति ह पुनर्मृत्युं मुच्यते

ati ha punarmṛtyuṃ mucyate

Sanskrit only: no published translation is held for this verse.

बहुपुरुषम् अस्मिन् लोके ऽन्नम् अत्ति

bahupuruṣam asmin loke 'nnam atti

Sanskrit only: no published translation is held for this verse.

न ह्य् एतद् एकपुरुषायान्नाद्यं यद् एतासु

na hy etad ekapuruṣāyānnādyaṃ yad etāsu

Sanskrit only: no published translation is held for this verse.

यद्ध वै किं चेदम् अस्मिन् लोक आत्मन्वत् तद्ध सर्वं मृत्युर् एवाभिव्यादाय तिष्ठति

yaddha vai kiṃ cedam asmin loka ātmanvat taddha sarvaṃ mṛtyur evābhivyādāya tiṣṭhati

Sanskrit only: no published translation is held for this verse.

स यो ह स मृत्युः संवत्सर एव स

sa yo ha sa mṛtyuḥ saṃvatsara eva sa

Sanskrit only: no published translation is held for this verse.

तस्य हर्तव एव मुखानि

tasya hartava eva mukhāni

Sanskrit only: no published translation is held for this verse.

तद् यद् वै किं च म्रियत ऋतुष्व् एव म्रियते

tad yad vai kiṃ ca mriyata ṛtuṣv eva mriyate

Sanskrit only: no published translation is held for this verse.

न हास्यानृतौ म्रियते य एवं वेद

na hāsyānṛtau mriyate ya evaṃ veda

Sanskrit only: no published translation is held for this verse.

ऋतुषु वाव प्रजायते प्रजया पशुभिर् य एवं वेद

ṛtuṣu vāva prajāyate prajayā paśubhir ya evaṃ veda

Sanskrit only: no published translation is held for this verse.