Jaiminīya Brāhmaṇa of the Sāmaveda (in part) 1.247

ता एता नव बहिष्पवमान्यः

tā etā nava bahiṣpavamānyaḥ

Sanskrit only: no published translation is held for this verse.

ताष् षड् बृहत्यः

tāṣ ṣaḍ bṛhatyaḥ

Sanskrit only: no published translation is held for this verse.

षड् उ मृत्योर् मुखान्य् ऋतव एव

ṣaḍ u mṛtyor mukhāny ṛtava eva

Sanskrit only: no published translation is held for this verse.

अथ ह वा एतानि मृत्योर् मुखानि बृहत्य् एव प्रतिविभवितुम् अर्हति नान्यच् छन्दः

atha ha vā etāni mṛtyor mukhāni bṛhaty eva prativibhavitum arhati nānyac chandaḥ

Sanskrit only: no published translation is held for this verse.

स बृहत्यैवर्तोर् मुखम् अपिदधाति बृहत्यर्तोर् बृहत्यर्तोः

sa bṛhatyaivartor mukham apidadhāti bṛhatyartor bṛhatyartoḥ

Sanskrit only: no published translation is held for this verse.

स यथा समेन विषमम् अतीत्य प्रत्यवेक्षेतैवम् एवैतं मृत्युं पराङ् अतीत्य प्रत्यवेक्षते

sa yathā samena viṣamam atītya pratyavekṣetaivam evaitaṃ mṛtyuṃ parāṅ atītya pratyavekṣate

Sanskrit only: no published translation is held for this verse.

तम् एतं त्रिवृतं वज्रम् उपप्रवर्तयन्ति

tam etaṃ trivṛtaṃ vajram upapravartayanti

Sanskrit only: no published translation is held for this verse.

स एषो ऽहर् अहर् इमान् लोकान् अनुवर्तते

sa eṣo 'har ahar imān lokān anuvartate

Sanskrit only: no published translation is held for this verse.

तद्ध स्माह नगरी जानश्रुतेयो न हैव तावद् दैवासुरं भविता यावद् एष त्रिवृद् वज्रो ऽहर् अहर् इमान् लोकान् अनुवर्तितेति

taddha smāha nagarī jānaśruteyo na haiva tāvad daivāsuraṃ bhavitā yāvad eṣa trivṛd vajro 'har ahar imān lokān anuvartiteti

Sanskrit only: no published translation is held for this verse.

ऊर्ध्वो ह्य् अयम् अग्निर् दीप्यते तिर्यङ्ङ् अयं वायुः पवते ऽर्वाङ् असाव् आदित्यस् तपति

ūrdhvo hy ayam agnir dīpyate tiryaṅṅ ayaṃ vāyuḥ pavate 'rvāṅ asāv ādityas tapati

Sanskrit only: no published translation is held for this verse.

त एते ऽनिमेषम् अन्योन्यम् ईक्षन्ते

ta ete 'nimeṣam anyonyam īkṣante

Sanskrit only: no published translation is held for this verse.

कथम् एतेष्व् एवं सत्सु दैवासुरं स्याद् इति

katham eteṣv evaṃ satsu daivāsuraṃ syād iti

Sanskrit only: no published translation is held for this verse.

एष उ एवास्य त्रिवृद् वज्रो ऽहर् अहर् इमान् लोकान् अनुवर्तमानः सर्वं पाप्मानम् अपघ्नन् पल्ययते य एवं वेद

eṣa u evāsya trivṛd vajro 'har ahar imān lokān anuvartamānaḥ sarvaṃ pāpmānam apaghnan palyayate ya evaṃ veda

Sanskrit only: no published translation is held for this verse.