Jaiminīya Brāhmaṇa of the Sāmaveda (in part) 1.249

तद् उ ह स्माहोपजीवः खाडायनो ऽहम् एवैतं त्रिवृतं वज्रं प्रत्यक्षं वेद

tad u ha smāhopajīvaḥ khāḍāyano 'ham evaitaṃ trivṛtaṃ vajraṃ pratyakṣaṃ veda

Sanskrit only: no published translation is held for this verse.

तस्माद् यम् अहं द्वेष्मि यो मां द्वेष्टि ताव् उभौ श्वश् श्व एव पापीयांसौ भवत इति

tasmād yam ahaṃ dveṣmi yo māṃ dveṣṭi tāv ubhau śvaś śva eva pāpīyāṃsau bhavata iti

Sanskrit only: no published translation is held for this verse.

अग्निर् वा अस्य लोकस्य वज्रो वायुर् अन्तरिक्षस्यादित्यो दिवः

agnir vā asya lokasya vajro vāyur antarikṣasyādityo divaḥ

Sanskrit only: no published translation is held for this verse.

तद् इदम् अध्यात्मम्

tad idam adhyātmam

Sanskrit only: no published translation is held for this verse.

यो ऽग्निर् वाग् एव सा

yo 'gnir vāg eva sā

Sanskrit only: no published translation is held for this verse.

यो वायुः प्राण एव स

yo vāyuḥ prāṇa eva sa

Sanskrit only: no published translation is held for this verse.

य आदित्यश् चक्षुर् एव तत्

ya ādityaś cakṣur eva tat

Sanskrit only: no published translation is held for this verse.

तस्माद् यद् अहं द्विषन्तम् अभिवदामि यद् अभिप्राणिमि यद् अभिवीक्षे वज्रम् एवाहं तस्मै तं प्रहरामि

tasmād yad ahaṃ dviṣantam abhivadāmi yad abhiprāṇimi yad abhivīkṣe vajram evāhaṃ tasmai taṃ praharāmi

Sanskrit only: no published translation is held for this verse.

तस्य न श्रेम्णो ऽल्पिकेव चनाशास्ति

tasya na śremṇo 'lpikeva canāśāsti

Sanskrit only: no published translation is held for this verse.

एता उ एवैनं देवता धूर्वन्ति य एवं विद्वांसं धूर्वतीति

etā u evainaṃ devatā dhūrvanti ya evaṃ vidvāṃsaṃ dhūrvatīti

Sanskrit only: no published translation is held for this verse.

अथ ह स्माह श्वेतकेतुर् आरुणेयो यथाश्वस्य श्वेतस्य कृष्णकर्णस्येत्थादानीतस्य रूपं स्याद् एवम् एवाहम् एतस्य स्तोमस्य रूपं वेद तावद्दृशेन्यं तावद्वपुषेण्यम्

atha ha smāha śvetaketur āruṇeyo yathāśvasya śvetasya kṛṣṇakarṇasyetthādānītasya rūpaṃ syād evam evāham etasya stomasya rūpaṃ veda tāvaddṛśenyaṃ tāvadvapuṣeṇyam

Sanskrit only: no published translation is held for this verse.

तस्मान् मां य एव पूर्वाह्णे दिदृक्षन्ते ते ऽपराह्णे दिदृक्षन्ते

tasmān māṃ ya eva pūrvāhṇe didṛkṣante te 'parāhṇe didṛkṣante

Sanskrit only: no published translation is held for this verse.

नैव सुदृशेन्यम् इव सन्तं नाह कदाचन चक्षुष्मन्तं पर्येमीति

naiva sudṛśenyam iva santaṃ nāha kadācana cakṣuṣmantaṃ paryemīti

Sanskrit only: no published translation is held for this verse.

तद् उ होवाच शाट्यायनिः को ऽश्वश् श्वेतः किम् एकम् इति

tad u hovāca śāṭyāyaniḥ ko 'śvaś śvetaḥ kim ekam iti

Sanskrit only: no published translation is held for this verse.

यथैवास्याग्ने रूपं यथा त्विषिर् यथास्य वायोर् यथामुष्यादित्यस्यैवम् एवैतस्य स्तोमस्य रूपम् एवं त्विषिः

yathaivāsyāgne rūpaṃ yathā tviṣir yathāsya vāyor yathāmuṣyādityasyaivam evaitasya stomasya rūpam evaṃ tviṣiḥ

Sanskrit only: no published translation is held for this verse.

तद् एवैतत् प्रजा अभिपरिवार्य दिदृक्षमाणास् तिष्ठन्ति

tad evaitat prajā abhiparivārya didṛkṣamāṇās tiṣṭhanti

Sanskrit only: no published translation is held for this verse.

तस्माद् बहिष्पवमाने ये च विजानन्ति ये च न ते सर्वे ऽनीशाना अभिपरिवार्य दिदृक्षमाणास् तिष्ठन्तीति

tasmād bahiṣpavamāne ye ca vijānanti ye ca na te sarve 'nīśānā abhiparivārya didṛkṣamāṇās tiṣṭhantīti

Sanskrit only: no published translation is held for this verse.

अथो हैता यश एवाप्य् अन्यासां देवतानाम्

atho haitā yaśa evāpy anyāsāṃ devatānām

Sanskrit only: no published translation is held for this verse.

तासाम् एतद् इन्द्रियं वीर्यं रसस् तेजः संभृतं यद् एता बहिष्पवमान्यः

tāsām etad indriyaṃ vīryaṃ rasas tejaḥ saṃbhṛtaṃ yad etā bahiṣpavamānyaḥ

Sanskrit only: no published translation is held for this verse.

स य एवम् एतद् देवतानाम् इन्द्रियं वीर्यं रसं तेजः संभृतं वेदेन्द्रियावान् एव वीर्यवान् यशस्वी त्विषिमान् भवति

sa ya evam etad devatānām indriyaṃ vīryaṃ rasaṃ tejaḥ saṃbhṛtaṃ vedendriyāvān eva vīryavān yaśasvī tviṣimān bhavati

Sanskrit only: no published translation is held for this verse.