Jaiminīya Brāhmaṇa of the Sāmaveda (in part) 1.252

स हैवं विद्वान् अहोरात्रशो ऽर्धमासशो मासश ऋतुशः संवत्सरश एतस्मिन् सर्वस्मिन्न् आत्मानम् उपसंधाय तं मृत्युं तरति यः स्वर्गे लोके

sa haivaṃ vidvān ahorātraśo 'rdhamāsaśo māsaśa ṛtuśaḥ saṃvatsaraśa etasmin sarvasminn ātmānam upasaṃdhāya taṃ mṛtyuṃ tarati yaḥ svarge loke

Sanskrit only: no published translation is held for this verse.

न हैवंवित् पुनर् म्रियते

na haivaṃvit punar mriyate

Sanskrit only: no published translation is held for this verse.

तस्य हर्ङ्मयान्य् अस्थानि भवन्ति साममयानि मांसानि

tasya harṅmayāny asthāni bhavanti sāmamayāni māṃsāni

Sanskrit only: no published translation is held for this verse.

स एषो ऽपहतपाप्मा धूतशरीरो ऽतीत्यैतं मृत्युं शरीरं धूनुते

sa eṣo 'pahatapāpmā dhūtaśarīro 'tītyaitaṃ mṛtyuṃ śarīraṃ dhūnute

Sanskrit only: no published translation is held for this verse.

अथैते दैवी च मानुषी च विराजौ

athaite daivī ca mānuṣī ca virājau

Sanskrit only: no published translation is held for this verse.

तयोर् एष एतद् आदित्यो ऽध्यूढस् तपति

tayor eṣa etad ādityo 'dhyūḍhas tapati

Sanskrit only: no published translation is held for this verse.

चतस्रो दिशश् चत्वारो ऽवान्तरदेशा द्वाव् इमौ लोकौ

catasro diśaś catvāro 'vāntaradeśā dvāv imau lokau

Sanskrit only: no published translation is held for this verse.

एषा दैवी विराट्

eṣā daivī virāṭ

Sanskrit only: no published translation is held for this verse.

अथ मानुषी

atha mānuṣī

Sanskrit only: no published translation is held for this verse.

चत्वारो ऽत्तारष् षड् आद्याः

catvāro 'ttāraṣ ṣaḍ ādyāḥ

Sanskrit only: no published translation is held for this verse.

ब्राह्मणश् च राजन्यश् च वैश्यश् च शूद्रश् चैते ऽत्तारः

brāhmaṇaś ca rājanyaś ca vaiśyaś ca śūdraś caite 'ttāraḥ

Sanskrit only: no published translation is held for this verse.

गौश् चाश्वश् चाजा चाविश् च व्रीहिश् च यवश् चैत आद्याः

gauś cāśvaś cājā cāviś ca vrīhiś ca yavaś caita ādyāḥ

Sanskrit only: no published translation is held for this verse.

एतयोर् एष एतद् आदित्यो ऽध्यूढस् तपति

etayor eṣa etad ādityo 'dhyūḍhas tapati

Sanskrit only: no published translation is held for this verse.

तन् न शोको न हिमो नाशनायति न पिपासति नास्य काचनावृत्तिर् अस्ति

tan na śoko na himo nāśanāyati na pipāsati nāsya kācanāvṛttir asti

Sanskrit only: no published translation is held for this verse.

न ह वा अशनायति न पिपासति नास्य काचनावृत्तिर् भवति य एवं वेद

na ha vā aśanāyati na pipāsati nāsya kācanāvṛttir bhavati ya evaṃ veda

Sanskrit only: no published translation is held for this verse.