Jaiminīya Brāhmaṇa of the Sāmaveda (in part) 1.263

कुरवः

kuravaḥ

Sanskrit only: no published translation is held for this verse.

गायत्रं वै प्रातस्सवनं त्रैष्टुभं माध्यंदिनं सवनं जागतं तृतीयसवनम्

gāyatraṃ vai prātassavanaṃ traiṣṭubhaṃ mādhyaṃdinaṃ savanaṃ jāgataṃ tṛtīyasavanam

Sanskrit only: no published translation is held for this verse.

तद् एवानुष्टुब् अन्वायत्ता

tad evānuṣṭub anvāyattā

Sanskrit only: no published translation is held for this verse.

स यद् गायत्रे सति प्रातस्सवने गायत्रीं गायति ब्रह्म वै गायत्री ब्रह्म प्रातस्सवनं स्व एव तद् आयतने ब्रह्म दधाति

sa yad gāyatre sati prātassavane gāyatrīṃ gāyati brahma vai gāyatrī brahma prātassavanaṃ sva eva tad āyatane brahma dadhāti

Sanskrit only: no published translation is held for this verse.

अथ यत् त्रिष्टुभं गायति क्षत्रं वै त्रिष्टुब् एतानि वै क्षत्रे शिल्पानि हस्ती निष्को ऽश्वतरीरथो ऽश्वरथो रुक्मः कंसस् तान्य् एव तद् आहृत्य ब्रह्मण्य् अनक्ति

atha yat triṣṭubhaṃ gāyati kṣatraṃ vai triṣṭub etāni vai kṣatre śilpāni hastī niṣko 'śvatarīratho 'śvaratho rukmaḥ kaṃsas tāny eva tad āhṛtya brahmaṇy anakti

Sanskrit only: no published translation is held for this verse.

अथ यज् जगतीं गायति विड् वै जगत्य् एतानि वै विशि शिल्पानि गोअश्वं हस्तिहिरण्यम् अजाविकं व्रीहियवास् तिलमाषाः सर्पिः क्षीरं रयिः पुष्टिस् तान्य् एव तद् आहृत्य ब्रह्मण्य् अनक्ति

atha yaj jagatīṃ gāyati viḍ vai jagaty etāni vai viśi śilpāni goaśvaṃ hastihiraṇyam ajāvikaṃ vrīhiyavās tilamāṣāḥ sarpiḥ kṣīraṃ rayiḥ puṣṭis tāny eva tad āhṛtya brahmaṇy anakti

Sanskrit only: no published translation is held for this verse.

तद् एवानुष्टुब् अन्वायत्ता

tad evānuṣṭub anvāyattā

Sanskrit only: no published translation is held for this verse.

अथ यद् अनुष्टुभं गायत्य् आनुष्टुभो वै शूद्रश् शूद्राद् एव तद् आहृत्य ब्रह्मण्य् अनक्ति

atha yad anuṣṭubhaṃ gāyaty ānuṣṭubho vai śūdraś śūdrād eva tad āhṛtya brahmaṇy anakti

Sanskrit only: no published translation is held for this verse.