Jaiminīya Brāhmaṇa of the Sāmaveda (in part) 1.266

गायत्रं वै प्रातस्सवनं त्रैष्टुभं माध्यंदिनं सवनं जागतं तृतीयसवनम्

gāyatraṃ vai prātassavanaṃ traiṣṭubhaṃ mādhyaṃdinaṃ savanaṃ jāgataṃ tṛtīyasavanam

Sanskrit only: no published translation is held for this verse.

तद् एवानुष्टुब् अन्वायत्ता

tad evānuṣṭub anvāyattā

Sanskrit only: no published translation is held for this verse.

स यद् गायत्रं सत् प्रातस्सवनं सर्वम् एव गायत्रं गायति ब्रह्मण एव तं केवलम् उद्धारम् उद्धरति

sa yad gāyatraṃ sat prātassavanaṃ sarvam eva gāyatraṃ gāyati brahmaṇa eva taṃ kevalam uddhāram uddharati

Sanskrit only: no published translation is held for this verse.

सो ऽस्य ब्रह्मणः केवल उद्धार उद्धृतो भवति

so 'sya brahmaṇaḥ kevala uddhāra uddhṛto bhavati

Sanskrit only: no published translation is held for this verse.

अथ यत् त्रैष्टुभं सन् माध्यंदिनं सवनं गायत्रेणैवानुप्रतिपद्यते ब्राह्मणम् एव तत् क्षत्रियस्य स्वे ऽन्वाभजति

atha yat traiṣṭubhaṃ san mādhyaṃdinaṃ savanaṃ gāyatreṇaivānupratipadyate brāhmaṇam eva tat kṣatriyasya sve 'nvābhajati

Sanskrit only: no published translation is held for this verse.

सो ऽस्मै दित्सति श्रद्धया कर्मणोपचारेण

so 'smai ditsati śraddhayā karmaṇopacāreṇa

Sanskrit only: no published translation is held for this verse.

यदा वै क्षत्रियं श्रद्धा विन्दति ब्राह्मणं वाव स तर्हीच्छति

yadā vai kṣatriyaṃ śraddhā vindati brāhmaṇaṃ vāva sa tarhīcchati

Sanskrit only: no published translation is held for this verse.

सो ऽस्मै ददाति

so 'smai dadāti

Sanskrit only: no published translation is held for this verse.

अथ यज् जागतं सत् तृतीयसवनं गायत्रेणैवानुप्रतिपद्यते ब्राह्मणम् एव तद् वैश्यस्य स्वे ऽन्वाभजति

atha yaj jāgataṃ sat tṛtīyasavanaṃ gāyatreṇaivānupratipadyate brāhmaṇam eva tad vaiśyasya sve 'nvābhajati

Sanskrit only: no published translation is held for this verse.

सो ऽस्मै दित्सति श्रद्धया कर्मणोपचारेण

so 'smai ditsati śraddhayā karmaṇopacāreṇa

Sanskrit only: no published translation is held for this verse.

यदा वै वैश्यं श्रद्धा विन्दति ब्राह्मणं वाव स तर्हीच्छति

yadā vai vaiśyaṃ śraddhā vindati brāhmaṇaṃ vāva sa tarhīcchati

Sanskrit only: no published translation is held for this verse.

सो ऽस्मै ददाति

so 'smai dadāti

Sanskrit only: no published translation is held for this verse.

तद् एवानुष्टुब् अन्वायत्ता

tad evānuṣṭub anvāyattā

Sanskrit only: no published translation is held for this verse.

अथ यद् अनुष्टुभं गायत्य् आनुष्टुभो वै शूद्रो ब्राह्मणम् एव तच् छूद्रस्य स्वे ऽन्वाभजति

atha yad anuṣṭubhaṃ gāyaty ānuṣṭubho vai śūdro brāhmaṇam eva tac chūdrasya sve 'nvābhajati

Sanskrit only: no published translation is held for this verse.

सो ऽस्मै दित्सति श्रद्धया कर्मणोपचारेण

so 'smai ditsati śraddhayā karmaṇopacāreṇa

Sanskrit only: no published translation is held for this verse.

यदा वै शूद्रं श्रद्धा विन्दति ब्राह्मणं वाव स तर्हीच्छति

yadā vai śūdraṃ śraddhā vindati brāhmaṇaṃ vāva sa tarhīcchati

Sanskrit only: no published translation is held for this verse.

सो ऽस्मै ददाति

so 'smai dadāti

Sanskrit only: no published translation is held for this verse.

केवलं स्वं कुरुते

kevalaṃ svaṃ kurute

Sanskrit only: no published translation is held for this verse.

अपित्वी क्षत्रे भवत्य् अपित्वी विशि

apitvī kṣatre bhavaty apitvī viśi

Sanskrit only: no published translation is held for this verse.

यात्य् अन्तस्स्थां नान्तस्स्थायां जीयते

yāty antassthāṃ nāntassthāyāṃ jīyate

Sanskrit only: no published translation is held for this verse.

उप हैनं शतं परिस्कन्दास् तिष्ठन्ते

upa hainaṃ śataṃ pariskandās tiṣṭhante

Sanskrit only: no published translation is held for this verse.

अथो भूयांसो य एवं विद्वान् धुरो न विगायतीति

atho bhūyāṃso ya evaṃ vidvān dhuro na vigāyatīti

Sanskrit only: no published translation is held for this verse.

स यदि विगायेद् अदो विद्वान् विगायेत्

sa yadi vigāyed ado vidvān vigāyet

Sanskrit only: no published translation is held for this verse.

यद्य् उ न विगायेद् इदं विद्वान् न विगायेत्

yady u na vigāyed idaṃ vidvān na vigāyet

Sanskrit only: no published translation is held for this verse.

आर्तिः सा यो ऽन्यतरद् एव वेदेति ह स्माह शाट्यायनिः

ārtiḥ sā yo 'nyatarad eva vedeti ha smāha śāṭyāyaniḥ

Sanskrit only: no published translation is held for this verse.