Jaiminīya Brāhmaṇa of the Sāmaveda (in part) 1.275

दैवीं ह वा एष संसदम् एति यः पवमानैर् उद्गायति

daivīṃ ha vā eṣa saṃsadam eti yaḥ pavamānair udgāyati

Sanskrit only: no published translation is held for this verse.

स यथा श्रेयांसम् अभ्यायन्न् एवं शिक्षन्न् इवोपनमस्यन्न् इव संसिद्धैश् शक्नुवन्न् उपहन्यमान उद्गायेत्

sa yathā śreyāṃsam abhyāyann evaṃ śikṣann ivopanamasyann iva saṃsiddhaiś śaknuvann upahanyamāna udgāyet

Sanskrit only: no published translation is held for this verse.

यथायन्तम् आमीवेद् यथा यद् याचेत् तद् दद्यात् तादृक् तत्

yathāyantam āmīved yathā yad yācet tad dadyāt tādṛk tat

Sanskrit only: no published translation is held for this verse.

अथ य एतैर् असंसिद्धैर् अशक्नुवन्न् अनुपहन्यमान उद्गायेद् यथायन्तं प्रतिमीवेद् यथा यद् याचेत् तन् न दद्यात् तादृग् उ तत्

atha ya etair asaṃsiddhair aśaknuvann anupahanyamāna udgāyed yathāyantaṃ pratimīved yathā yad yācet tan na dadyāt tādṛg u tat

Sanskrit only: no published translation is held for this verse.

तद् उ हात्रैव यज्ञस्य समृद्धं च व्यृद्धं च विज्ञायते

tad u hātraiva yajñasya samṛddhaṃ ca vyṛddhaṃ ca vijñāyate

Sanskrit only: no published translation is held for this verse.

अतिहार्या ह वा एषा यत् पवमानाः

atihāryā ha vā eṣā yat pavamānāḥ

Sanskrit only: no published translation is held for this verse.

यो वा अतिहार्याम् असंवीतो ऽतिगाहते मृदा वै स लिप्यते नायति वै

yo vā atihāryām asaṃvīto 'tigāhate mṛdā vai sa lipyate nāyati vai

Sanskrit only: no published translation is held for this verse.

अथ यः संवीतो ऽतिगाहते न मृदा लिप्यते न नायति

atha yaḥ saṃvīto 'tigāhate na mṛdā lipyate na nāyati

Sanskrit only: no published translation is held for this verse.

एवम् इव वै पवमाना उपचर्याः

evam iva vai pavamānā upacaryāḥ

Sanskrit only: no published translation is held for this verse.

तद् आहुर् यद् अन्यानि स्तोत्राणि स्तोत्रियप्रतिपदो ऽथ कस्मात् पवमाना अस्तोत्रियप्रतिपद इति

tad āhur yad anyāni stotrāṇi stotriyapratipado 'tha kasmāt pavamānā astotriyapratipada iti

Sanskrit only: no published translation is held for this verse.

स ब्रूयात् प्राणा वै पवमानाः

sa brūyāt prāṇā vai pavamānāḥ

Sanskrit only: no published translation is held for this verse.

प्राणा उ पावमान्यः

prāṇā u pāvamānyaḥ

Sanskrit only: no published translation is held for this verse.

तद् यत् पवमानान् पावमानीभिर् एवानुप्रतिपद्येरन् पराञ्च एव प्राणान् निर्मृज्युर् इति

tad yat pavamānān pāvamānībhir evānupratipadyeran parāñca eva prāṇān nirmṛjyur iti

Sanskrit only: no published translation is held for this verse.

तान् यद् अनुष्टुभानुप्रतिपद्यन्ते वाग् वा अनुष्टुब् वाच्य् अपानो नियतो वाचैव तद् अपानं दधार

tān yad anuṣṭubhānupratipadyante vāg vā anuṣṭub vācy apāno niyato vācaiva tad apānaṃ dadhāra

Sanskrit only: no published translation is held for this verse.