Jaiminīya Brāhmaṇa of the Sāmaveda (in part) 1.277

पृथुर् ह वैन्यो दिव्यान् व्रात्यान् पप्रच्छ

pṛthur ha vainyo divyān vrātyān papraccha

Sanskrit only: no published translation is held for this verse.

यज्ञस्य धाम परमं गुहायां निर्मितं महतो ऽन्तरिक्षात् कस्माद् यन्ति पवमानाः पराञ्चः कस्माद् उक्थ्याः पुनर् अभ्याकनिक्रदतीति

yajñasya dhāma paramaṃ guhāyāṃ nirmitaṃ mahato 'ntarikṣāt kasmād yanti pavamānāḥ parāñcaḥ kasmād ukthyāḥ punar abhyākanikradatīti

Sanskrit only: no published translation is held for this verse.

देवा अन्यां वर्तनिम् अध्वरस्य मानुषास उपजीवन्त्य् अन्यां तस्माद् यन्ति पवमानाः पराञ्चस् तस्माद् उक्थ्याः पुनर् अभ्याकनिक्रदतीति ह प्रत्यूचुः

devā anyāṃ vartanim adhvarasya mānuṣāsa upajīvanty anyāṃ tasmād yanti pavamānāḥ parāñcas tasmād ukthyāḥ punar abhyākanikradatīti ha pratyūcuḥ

Sanskrit only: no published translation is held for this verse.

यो वै देवान् मनुष्येष्व् आभक्तान् वेद मनुष्यान् उ देवेष्व् आभक्त एव देवेषु भवत्य् आभक्तो मनुष्येषु

yo vai devān manuṣyeṣv ābhaktān veda manuṣyān u deveṣv ābhakta eva deveṣu bhavaty ābhakto manuṣyeṣu

Sanskrit only: no published translation is held for this verse.

गच्छति तं लोकं यत्र देवाः

gacchati taṃ lokaṃ yatra devāḥ

Sanskrit only: no published translation is held for this verse.

नास्माद् देवता अपक्रामन्ति

nāsmād devatā apakrāmanti

Sanskrit only: no published translation is held for this verse.

देवा वै पवमानाः

devā vai pavamānāḥ

Sanskrit only: no published translation is held for this verse.

प्रजाः पृष्ठोक्थानि

prajāḥ pṛṣṭhokthāni

Sanskrit only: no published translation is held for this verse.

साम वै देवाः

sāma vai devāḥ

Sanskrit only: no published translation is held for this verse.

प्रजाश् छन्दांसि

prajāś chandāṃsi

Sanskrit only: no published translation is held for this verse.

तद् यत् पवमानसामानि पराञ्च्य् एव भवन्त्य् अथेयम् ऋग् अनुनिवेष्टते तेन देवा मनुष्येष्व् आभक्ताः

tad yat pavamānasāmāni parāñcy eva bhavanty atheyam ṛg anuniveṣṭate tena devā manuṣyeṣv ābhaktāḥ

Sanskrit only: no published translation is held for this verse.

अथ यद् अभ्यावर्तिष्व् ऋचं निवेष्टमानां सामानुनिवेष्टते तेनो मनुष्या देवेष्व् आभक्ताः

atha yad abhyāvartiṣv ṛcaṃ niveṣṭamānāṃ sāmānuniveṣṭate teno manuṣyā deveṣv ābhaktāḥ

Sanskrit only: no published translation is held for this verse.

स य एतद् एवं वेदाभक्त एव देवेषु भवत्य् आभक्तो मनुष्येषु

sa ya etad evaṃ vedābhakta eva deveṣu bhavaty ābhakto manuṣyeṣu

Sanskrit only: no published translation is held for this verse.

गच्छति तं लोकं यत्र देवाः

gacchati taṃ lokaṃ yatra devāḥ

Sanskrit only: no published translation is held for this verse.

नास्माद् देवता अपक्रामन्ति

nāsmād devatā apakrāmanti

Sanskrit only: no published translation is held for this verse.