Jaiminīya Brāhmaṇa of the Sāmaveda (in part) 1.28

स ततो रश्मीन् एव रथं समास्थाय चन्द्रमसः सलोकताम् अभिप्रयाति

sa tato raśmīn eva rathaṃ samāsthāya candramasaḥ salokatām abhiprayāti

Sanskrit only: no published translation is held for this verse.

चतुरहं जुहोति

caturahaṃ juhoti

Sanskrit only: no published translation is held for this verse.

षोडशाहुतयः सम्पद्यन्ते

ṣoḍaśāhutayaḥ sampadyante

Sanskrit only: no published translation is held for this verse.

षोडशकलं वै ब्रह्म

ṣoḍaśakalaṃ vai brahma

Sanskrit only: no published translation is held for this verse.

षोडशकला देवाः

ṣoḍaśakalā devāḥ

Sanskrit only: no published translation is held for this verse.

षोडशकलम् इदं सकृत् सर्वम्

ṣoḍaśakalam idaṃ sakṛt sarvam

Sanskrit only: no published translation is held for this verse.

स यद् इह रिप्रं पापं कर्म करोत्य् एकयैव ततः कलया

sa yad iha ripraṃ pāpaṃ karma karoty ekayaiva tataḥ kalayā

Sanskrit only: no published translation is held for this verse.

यथा सुवर्णः प्रवृत्तस् तप्यमानः सुवर्णताम् अभिनिष्पद्यत एवम् एव द्विषत्सु भ्रातृव्येषु मलं पाप्मानं प्रत्यूह्य स्वर्गं लोकम् अभिप्रैति

yathā suvarṇaḥ pravṛttas tapyamānaḥ suvarṇatām abhiniṣpadyata evam eva dviṣatsu bhrātṛvyeṣu malaṃ pāpmānaṃ pratyūhya svargaṃ lokam abhipraiti

Sanskrit only: no published translation is held for this verse.

एष वै शशो य एषो ऽन्तश् चन्द्रमसि

eṣa vai śaśo ya eṣo 'ntaś candramasi

Sanskrit only: no published translation is held for this verse.

एष हीदं सर्वं शास्ति

eṣa hīdaṃ sarvaṃ śāsti

Sanskrit only: no published translation is held for this verse.

एष वै यमो य एषो ऽन्तश् चन्द्रमसि

eṣa vai yamo ya eṣo 'ntaś candramasi

Sanskrit only: no published translation is held for this verse.

एष हीदं सर्वं यमयति

eṣa hīdaṃ sarvaṃ yamayati

Sanskrit only: no published translation is held for this verse.

एष वै मृत्युर् यद् यमो ऽत्स्यन्न् एव नाम

eṣa vai mṛtyur yad yamo 'tsyann eva nāma

Sanskrit only: no published translation is held for this verse.

तम् एव ताभिर् आहुतिभिः शमयित्वोर्जं लोकानां जयति यमं देवं देवानां

tam eva tābhir āhutibhiḥ śamayitvorjaṃ lokānāṃ jayati yamaṃ devaṃ devānāṃ

Sanskrit only: no published translation is held for this verse.

यमस्य देवस्य सायुज्यं सलोकतां समभ्यारोहति य एवं विद्वान् अग्निहोत्रं जुहोति

yamasya devasya sāyujyaṃ salokatāṃ samabhyārohati ya evaṃ vidvān agnihotraṃ juhoti

Sanskrit only: no published translation is held for this verse.