Jaiminīya Brāhmaṇa of the Sāmaveda (in part) 1.284

सवनान्य् एवेन्द्राग्नी अनुप्राविशताम्

savanāny evendrāgnī anuprāviśatām

Sanskrit only: no published translation is held for this verse.

ततो वै तान् मृत्युः पाप्मा न निरजानात्

tato vai tān mṛtyuḥ pāpmā na nirajānāt

Sanskrit only: no published translation is held for this verse.

कुतो हि तस्य मृत्युः पाप्मेशिष्यते यं न निर्जानाति

kuto hi tasya mṛtyuḥ pāpmeśiṣyate yaṃ na nirjānāti

Sanskrit only: no published translation is held for this verse.

न हैनं मृत्युः पाप्मानुविन्दति य एवं वेद

na hainaṃ mṛtyuḥ pāpmānuvindati ya evaṃ veda

Sanskrit only: no published translation is held for this verse.

छन्दांसि वाव तान् मृत्योः पाप्मनो ऽच्छादयन्

chandāṃsi vāva tān mṛtyoḥ pāpmano 'cchādayan

Sanskrit only: no published translation is held for this verse.

तद् यद् एनाञ् छन्दांसि मृत्योः पाप्मनो ऽच्छादयंस् तच् छन्दसां छन्दस्त्वम्

tad yad enāñ chandāṃsi mṛtyoḥ pāpmano 'cchādayaṃs tac chandasāṃ chandastvam

Sanskrit only: no published translation is held for this verse.

छादयन्त्य् एवैनं छन्दांसि मृत्योः पाप्मनो य एवं वेद

chādayanty evainaṃ chandāṃsi mṛtyoḥ pāpmano ya evaṃ veda

Sanskrit only: no published translation is held for this verse.

तद् येन येन ह वै छन्दसैवंविद् आर्त्विज्यं करोति तत् तद् एव स तर्हि प्रपन्नो भवति

tad yena yena ha vai chandasaivaṃvid ārtvijyaṃ karoti tat tad eva sa tarhi prapanno bhavati

Sanskrit only: no published translation is held for this verse.

येन येन ह्य् एवैनं छन्दसा कुर्वन्तम् उपवदति तस्माद् आवृश्च्यते

yena yena hy evainaṃ chandasā kurvantam upavadati tasmād āvṛścyate

Sanskrit only: no published translation is held for this verse.

तस्य हैतस्य नैव का चनार्तिर् अस्ति य एवं वेद

tasya haitasya naiva kā canārtir asti ya evaṃ veda

Sanskrit only: no published translation is held for this verse.

य एवैनम् उपवदति स आर्तिम् आर्च्छति

ya evainam upavadati sa ārtim ārcchati

Sanskrit only: no published translation is held for this verse.

अथ होर्जो जानायनः कपिवनं भौवायनं पप्रच्छ यद् गायत्रं प्रातस्सवनं त्रैष्टुभं माध्यंदिनं सवनं जागतं तृतीयसवनम् अथ केयम् अनुष्टुब् अयातयाम्नी सवनमुखान्य् उपापतत्य् आन्ताद् यज्ञं वहतीति

atha horjo jānāyanaḥ kapivanaṃ bhauvāyanaṃ papraccha yad gāyatraṃ prātassavanaṃ traiṣṭubhaṃ mādhyaṃdinaṃ savanaṃ jāgataṃ tṛtīyasavanam atha keyam anuṣṭub ayātayāmnī savanamukhāny upāpataty āntād yajñaṃ vahatīti

Sanskrit only: no published translation is held for this verse.

स होवाच वाग् वा अनुष्टुप्

sa hovāca vāg vā anuṣṭup

Sanskrit only: no published translation is held for this verse.

वाचो यज्ञस् तायते

vāco yajñas tāyate

Sanskrit only: no published translation is held for this verse.

तद् यथा वा अदो भद्रबलीवर्देन रज्ज्वभिहितेन पुनः पुनः प्रतिधावन्ति प्रतिकूलाय वा गुरवे वोद्वोढव एवं वा एतां वाचम् अनुष्टुभं सवनमुखेषु परियाणायैव युञ्जन्ति

tad yathā vā ado bhadrabalīvardena rajjvabhihitena punaḥ punaḥ pratidhāvanti pratikūlāya vā gurave vodvoḍhava evaṃ vā etāṃ vācam anuṣṭubhaṃ savanamukheṣu pariyāṇāyaiva yuñjanti

Sanskrit only: no published translation is held for this verse.

प्रतिकूलानीव वा एतानि यत् सवनमुखानि

pratikūlānīva vā etāni yat savanamukhāni

Sanskrit only: no published translation is held for this verse.

सैषा वाग् एवायातयाम्न्य् आन्ताद् यज्ञं वहति

saiṣā vāg evāyātayāmny āntād yajñaṃ vahati

Sanskrit only: no published translation is held for this verse.

यो वा अनुष्टुभं सर्वत्रापीदं वेद सर्वत्र हास्यापि पुण्ये भवति

yo vā anuṣṭubhaṃ sarvatrāpīdaṃ veda sarvatra hāsyāpi puṇye bhavati

Sanskrit only: no published translation is held for this verse.

अष्टाक्षरा गायत्री

aṣṭākṣarā gāyatrī

Sanskrit only: no published translation is held for this verse.

एकादशाक्षरा त्रिष्टुप्

ekādaśākṣarā triṣṭup

Sanskrit only: no published translation is held for this verse.

द्वादशाक्षरा जगती

dvādaśākṣarā jagatī

Sanskrit only: no published translation is held for this verse.

वाग् इति यज्ञायज्ञीयस्य निधनम्

vāg iti yajñāyajñīyasya nidhanam

Sanskrit only: no published translation is held for this verse.

तद् द्वात्रिंशत्

tad dvātriṃśat

Sanskrit only: no published translation is held for this verse.

द्वात्रिंशदक्षरानुष्टुप्

dvātriṃśadakṣarānuṣṭup

Sanskrit only: no published translation is held for this verse.

अपि वा एतस्यै प्रातस्सवने ऽपि माध्यंदिने सवने ऽपि तृतीयसवने

api vā etasyai prātassavane 'pi mādhyaṃdine savane 'pi tṛtīyasavane

Sanskrit only: no published translation is held for this verse.

अपि वा एतस्यै ब्रह्मण्य् अपि क्षत्रे ऽपि विशि

api vā etasyai brahmaṇy api kṣatre 'pi viśi

Sanskrit only: no published translation is held for this verse.

अपि वा एतस्या अस्मिन् लोके ऽप्य् अन्तरिक्षे ऽप्य् अमुष्मिन्

api vā etasyā asmin loke 'py antarikṣe 'py amuṣmin

Sanskrit only: no published translation is held for this verse.

स य एवम् एताम् अनुष्टुभं सर्वत्रापीदं वेद सर्वत्र हैवास्यापि पुण्ये भवति

sa ya evam etām anuṣṭubhaṃ sarvatrāpīdaṃ veda sarvatra haivāsyāpi puṇye bhavati

Sanskrit only: no published translation is held for this verse.