Jaiminīya Brāhmaṇa of the Sāmaveda (in part) 1.285

अथ हाहीनसम् आश्वत्थिं केशी दार्भ्यः केशिना सात्यकामिना पुरोधाया अपरुरोध

atha hāhīnasam āśvatthiṃ keśī dārbhyaḥ keśinā sātyakāminā purodhāyā aparurodha

Sanskrit only: no published translation is held for this verse.

स ह स्थविरतरो ऽहीना आस कुमारतरः केशी

sa ha sthavirataro 'hīnā āsa kumārataraḥ keśī

Sanskrit only: no published translation is held for this verse.

तं होवाचां केशिन् किं मे विद्वान् राजन्यम् उपाहृथा इति

taṃ hovācāṃ keśin kiṃ me vidvān rājanyam upāhṛthā iti

Sanskrit only: no published translation is held for this verse.

स होवाचां यद् अनुष्टुभम् एव सर्वाणि छन्दांस्य् उपास्महे बृहतीं पशून् यज्ञं स्वर्गं लोकम् इति

sa hovācāṃ yad anuṣṭubham eva sarvāṇi chandāṃsy upāsmahe bṛhatīṃ paśūn yajñaṃ svargaṃ lokam iti

Sanskrit only: no published translation is held for this verse.

तं हांस्रं विवेद

taṃ hāṃsraṃ viveda

Sanskrit only: no published translation is held for this verse.

स ह कृपयांचक्रे

sa ha kṛpayāṃcakre

Sanskrit only: no published translation is held for this verse.

तं होवाच मा कृपयथाः

taṃ hovāca mā kṛpayathāḥ

Sanskrit only: no published translation is held for this verse.

यदि राजन्यकाम्या कृपयस एष ते राजन्यः

yadi rājanyakāmyā kṛpayasa eṣa te rājanyaḥ

Sanskrit only: no published translation is held for this verse.

अपि वै वयम् अन्यं राजन्यम् एषिष्यामहा इति

api vai vayam anyaṃ rājanyam eṣiṣyāmahā iti

Sanskrit only: no published translation is held for this verse.

स होवाच नैतत् केशिन् राजन्यकाम्या

sa hovāca naitat keśin rājanyakāmyā

Sanskrit only: no published translation is held for this verse.

ब्रह्मचर्यम् एव वै मा तद् अनुसंस्मृत्यांस्रम् अविदत्

brahmacaryam eva vai mā tad anusaṃsmṛtyāṃsram avidat

Sanskrit only: no published translation is held for this verse.

चचार वै ब्रह्मचर्यम्

cacāra vai brahmacaryam

Sanskrit only: no published translation is held for this verse.

उपजरसं वावेदम् अशृण्म यद् अयम् इयत्कुमारको ऽभिवेदयत इति

upajarasaṃ vāvedam aśṛṇma yad ayam iyatkumārako 'bhivedayata iti

Sanskrit only: no published translation is held for this verse.

एवम् एवैतद् अनुसंस्मृत्यांस्रम् अविदद् इति

evam evaitad anusaṃsmṛtyāṃsram avidad iti

Sanskrit only: no published translation is held for this verse.

स यद् अनुष्टुभं सर्वाणि छन्दांस्य् उवाच

sa yad anuṣṭubhaṃ sarvāṇi chandāṃsy uvāca

Sanskrit only: no published translation is held for this verse.

अष्टाक्षरा गायत्री

aṣṭākṣarā gāyatrī

Sanskrit only: no published translation is held for this verse.

एकादशाक्षरा त्रिष्टुप्

ekādaśākṣarā triṣṭup

Sanskrit only: no published translation is held for this verse.

द्वादशाक्षरा जगती

dvādaśākṣarā jagatī

Sanskrit only: no published translation is held for this verse.

वाग् इति यज्ञायज्ञीयस्य निधनम्

vāg iti yajñāyajñīyasya nidhanam

Sanskrit only: no published translation is held for this verse.

तद् द्वात्रिंशत्

tad dvātriṃśat

Sanskrit only: no published translation is held for this verse.

द्वात्रिंशदक्षरानुष्टुप्

dvātriṃśadakṣarānuṣṭup

Sanskrit only: no published translation is held for this verse.

एतद् अनुष्टुभं सर्वाणि छन्दांस्य् उवाच

etad anuṣṭubhaṃ sarvāṇi chandāṃsy uvāca

Sanskrit only: no published translation is held for this verse.

बृहतीं पशून् इति

bṛhatīṃ paśūn iti

Sanskrit only: no published translation is held for this verse.

या वा अनुष्टुप् सा बृहती

yā vā anuṣṭup sā bṛhatī

Sanskrit only: no published translation is held for this verse.

चतुष्पात्सु वा एषा पशुषूपहितेषु बृहत्य् अभवत्

catuṣpātsu vā eṣā paśuṣūpahiteṣu bṛhaty abhavat

Sanskrit only: no published translation is held for this verse.

यज्ञम् इति

yajñam iti

Sanskrit only: no published translation is held for this verse.

यो ह्य् एव पशुमान् भवति तं यज्ञ उपनमति

yo hy eva paśumān bhavati taṃ yajña upanamati

Sanskrit only: no published translation is held for this verse.

स्वर्गं लोकम् इति

svargaṃ lokam iti

Sanskrit only: no published translation is held for this verse.

बृहती ह्य् एव स्वर्गो लोकः

bṛhatī hy eva svargo lokaḥ

Sanskrit only: no published translation is held for this verse.

अथ ह संगमनः क्षैमिः सत्ययज्ञं पौलुषिं पप्रच्छाचार्येण प्रहित आरुणिना सत्ययज्ञ पौलुषे यत् स्तुता गायत्री भवति स्तूयते त्रिष्टुब् अस्तुता जगती कथं ताः सर्वाः सम्पद्य माध्यंदिनं सवनम् उद्यच्छन्तीति

atha ha saṃgamanaḥ kṣaimiḥ satyayajñaṃ pauluṣiṃ papracchācāryeṇa prahita āruṇinā satyayajña pauluṣe yat stutā gāyatrī bhavati stūyate triṣṭub astutā jagatī kathaṃ tāḥ sarvāḥ sampadya mādhyaṃdinaṃ savanam udyacchantīti

Sanskrit only: no published translation is held for this verse.

तद्ध न प्रत्युवाच

taddha na pratyuvāca

Sanskrit only: no published translation is held for this verse.

तेन हैनं जिगाय

tena hainaṃ jigāya

Sanskrit only: no published translation is held for this verse.

स यत् प्रत्यवक्ष्यद् यस्माद् ब्राह्मणश् च वैश्यश् च क्षत्रियम् अधस्ताद् उपासाते अथो यद् अस्याद्याव् अभवताम् अथो यद् एवैतद् द्वादशाक्षरं पदम् इति

sa yat pratyavakṣyad yasmād brāhmaṇaś ca vaiśyaś ca kṣatriyam adhastād upāsāte atho yad asyādyāv abhavatām atho yad evaitad dvādaśākṣaraṃ padam iti

Sanskrit only: no published translation is held for this verse.