Jaiminīya Brāhmaṇa of the Sāmaveda (in part) 1.291

रथन्तरसाम्ना यष्टव्या३ं बृहत्साम्ना३ इति मीमांसन्ते

rathantarasāmnā yaṣṭavyā3ṃ bṛhatsāmnā3 iti mīmāṃsante

Sanskrit only: no published translation is held for this verse.

रथन्तरसाम्नेति हाहुः सावयसाः

rathantarasāmneti hāhuḥ sāvayasāḥ

Sanskrit only: no published translation is held for this verse.

इदं रथन्तरम्

idaṃ rathantaram

Sanskrit only: no published translation is held for this verse.

इदं विद्म

idaṃ vidma

Sanskrit only: no published translation is held for this verse.

को विदिताद् अविदितम् उपेयात्

ko viditād aviditam upeyāt

Sanskrit only: no published translation is held for this verse.

यथा ह वै कूपस्य खातस्य गम्भीरस्य परस् तमिस्रम् इव ददृश एवं ह वै शश्वत् परस्ताद् अन्तरिक्षस्यासौ लोकः

yathā ha vai kūpasya khātasya gambhīrasya paras tamisram iva dadṛśa evaṃ ha vai śaśvat parastād antarikṣasyāsau lokaḥ

Sanskrit only: no published translation is held for this verse.

तत् कस् तद् वेद यदि तत्रास्ति वा न वा

tat kas tad veda yadi tatrāsti vā na vā

Sanskrit only: no published translation is held for this verse.

अध्य् उ ह वै शश्वद् अस्मिन्न् एव लोके ऽसौ लोकः

adhy u ha vai śaśvad asminn eva loke 'sau lokaḥ

Sanskrit only: no published translation is held for this verse.

इतःप्रदानाद्ध्य् असौ लोको जीवति

itaḥpradānāddhy asau loko jīvati

Sanskrit only: no published translation is held for this verse.

या हीत आहुतयो गच्छन्ति ता असौ लोक उपजीवति

yā hīta āhutayo gacchanti tā asau loka upajīvati

Sanskrit only: no published translation is held for this verse.

स यो ऽपि दश कृत्वो यजेत रथन्तरसाम्नैव यजेतेति

sa yo 'pi daśa kṛtvo yajeta rathantarasāmnaiva yajeteti

Sanskrit only: no published translation is held for this verse.

बृहत्साम्ना यष्टव्यम् इत्य् आहुर् आरुणिसात्ययज्ञयः

bṛhatsāmnā yaṣṭavyam ity āhur āruṇisātyayajñayaḥ

Sanskrit only: no published translation is held for this verse.

अदो बृहत्

ado bṛhat

Sanskrit only: no published translation is held for this verse.

तद् अद उपक्रान्तम् अपहतपाप्मं श्वोवसीयसम्

tad ada upakrāntam apahatapāpmaṃ śvovasīyasam

Sanskrit only: no published translation is held for this verse.

नाधिष्ठीवन्ति नाधिचरन्ति नाध्यासते

nādhiṣṭhīvanti nādhicaranti nādhyāsate

Sanskrit only: no published translation is held for this verse.

बहुर् इमं लोकम् अपवदति

bahur imaṃ lokam apavadati

Sanskrit only: no published translation is held for this verse.

बहुर् अवमीमांसते

bahur avamīmāṃsate

Sanskrit only: no published translation is held for this verse.

उभाव् अस्मिञ् जीवतः पुण्यकृच् च पापकृच् च

ubhāv asmiñ jīvataḥ puṇyakṛc ca pāpakṛc ca

Sanskrit only: no published translation is held for this verse.

अथाद उपक्रान्तम् अपहतपाप्मं श्वोवसीयसम्

athāda upakrāntam apahatapāpmaṃ śvovasīyasam

Sanskrit only: no published translation is held for this verse.

नामुष्मिन् पापकृज् जीवति

nāmuṣmin pāpakṛj jīvati

Sanskrit only: no published translation is held for this verse.

अध्य् उ ह वै शश्वद् अमुष्मिन्न् एव लोके ऽयं लोकः

adhy u ha vai śaśvad amuṣminn eva loke 'yaṃ lokaḥ

Sanskrit only: no published translation is held for this verse.

अमुतःप्रदानाद्ध्य् अयं लोको जीवति

amutaḥpradānāddhy ayaṃ loko jīvati

Sanskrit only: no published translation is held for this verse.

या ह्य् अमुतो वृष्टिः प्रदीयते ताम् अयं लोक उपजीवति

yā hy amuto vṛṣṭiḥ pradīyate tām ayaṃ loka upajīvati

Sanskrit only: no published translation is held for this verse.

स यो ऽपि दश कृत्वो यजेत बृहत्साम्नैव यजेतेति

sa yo 'pi daśa kṛtvo yajeta bṛhatsāmnaiva yajeteti

Sanskrit only: no published translation is held for this verse.

उभयसाम्ना यष्टव्यम् इति ह स्माह शाट्यायनिर् एतयोर् उभयोः कामयोर् उपाप्त्यै

ubhayasāmnā yaṣṭavyam iti ha smāha śāṭyāyanir etayor ubhayoḥ kāmayor upāptyai

Sanskrit only: no published translation is held for this verse.

तथेति ताव् उभौ कामाव् उपाप्नोतीति

tatheti tāv ubhau kāmāv upāpnotīti

Sanskrit only: no published translation is held for this verse.

तद् अस्यैतत् साम कृत्स्नं युक्तं यज्ञं वहति

tad asyaitat sāma kṛtsnaṃ yuktaṃ yajñaṃ vahati

Sanskrit only: no published translation is held for this verse.