Library·Jaiminīya Brāhmaṇa of the Sāmaveda (in part)·1·1.296
आरुणिं ह यान्तम् उदीच्याः परिप्रजिघ्युर् आरुण आरुणे कियता बृहद्रथन्तरे प्रजाः प्रजनयतः कियता देवयशसम् आनशाते इति
āruṇiṃ ha yāntam udīcyāḥ pariprajighyur āruṇa āruṇe kiyatā bṛhadrathantare prajāḥ prajanayataḥ kiyatā devayaśasam ānaśāte iti
Sanskrit only: no published translation is held for this verse.
तद्ध न प्रत्युवाच
taddha na pratyuvāca
Sanskrit only: no published translation is held for this verse.
स होवाच वेदाहम् एतद् यन् मे ब्रह्म लिप्सध्वं यद् व् एवाहं युष्मभ्यं न वक्ष्यामीति
sa hovāca vedāham etad yan me brahma lipsadhvaṃ yad v evāhaṃ yuṣmabhyaṃ na vakṣyāmīti
Sanskrit only: no published translation is held for this verse.
तम् उ हान्तेवासिन ईक्षांचक्रिरे ऽमेधयेदम् इत्थं प्रत्यवोचत्
tam u hāntevāsina īkṣāṃcakrire 'medhayedam itthaṃ pratyavocat
Sanskrit only: no published translation is held for this verse.
अनवगतम् अह स्विद् अस्याभूत्
anavagatam aha svid asyābhūt
Sanskrit only: no published translation is held for this verse.
हन्तैनं पृच्छाम इति
hantainaṃ pṛcchāma iti
Sanskrit only: no published translation is held for this verse.
तं होचुर् यत् प्रत्यवक्ष्यः कथं प्रत्यवक्ष्य इति
taṃ hocur yat pratyavakṣyaḥ kathaṃ pratyavakṣya iti
Sanskrit only: no published translation is held for this verse.
स होवाच यद् अष्टाक्षरेण प्रथमस्या ऋचः प्रस्तौत्य् अष्टाशफांस् तेन पशून् प्रजनयतः
sa hovāca yad aṣṭākṣareṇa prathamasyā ṛcaḥ prastauty aṣṭāśaphāṃs tena paśūn prajanayataḥ
Sanskrit only: no published translation is held for this verse.
यद् द्व्यक्षरेणोत्तरयोर् द्विपदस् तेन
yad dvyakṣareṇottarayor dvipadas tena
Sanskrit only: no published translation is held for this verse.
निधनेनैव देवयशसम् आनशाते इति प्रत्यवक्ष्यम् इति होवाच यत् प्रत्यवक्ष्यम् इति
nidhanenaiva devayaśasam ānaśāte iti pratyavakṣyam iti hovāca yat pratyavakṣyam iti
Sanskrit only: no published translation is held for this verse.
यो वै बृहद्रथन्तरयोर् देवहूती वेद यन्त्य् अस्य देवा हवम्
yo vai bṛhadrathantarayor devahūtī veda yanty asya devā havam
Sanskrit only: no published translation is held for this verse.
ऊर्ध्वा वै रथन्तरस्य देवहूतिर् अर्वाची बृहतः
ūrdhvā vai rathantarasya devahūtir arvācī bṛhataḥ
Sanskrit only: no published translation is held for this verse.
तद् यद् रथन्तरस्यर्चैवापरिष्टुभ्योर्ध्वम् इव प्रस्तौति तस्माद् अयम् ऊर्ध्वो लोक ऊर्ध्वो ऽयम् अग्निर् दीप्यत ऊर्ध्वा ओषधय ऊर्ध्वा वनस्पतयः सर्वम् एवोर्ध्वम्
tad yad rathantarasyarcaivāpariṣṭubhyordhvam iva prastauti tasmād ayam ūrdhvo loka ūrdhvo 'yam agnir dīpyata ūrdhvā oṣadhaya ūrdhvā vanaspatayaḥ sarvam evordhvam
Sanskrit only: no published translation is held for this verse.
अथ यस्माद् बृहतः स्तोभेन परिष्टुभ्यौ हो इत्य् अर्वाङ् प्रस्तौति तस्माद् असाव् अर्वाङ् लोको ऽर्वाङ् असाव् आदित्यस् तपत्य् अर्वाङ् चन्द्रमा अर्वाञ्चि नक्षत्राण्य् अर्वाची वृष्टिर् एति सर्वम् एवार्वाक्
atha yasmād bṛhataḥ stobhena pariṣṭubhyau ho ity arvāṅ prastauti tasmād asāv arvāṅ loko 'rvāṅ asāv ādityas tapaty arvāṅ candramā arvāñci nakṣatrāṇy arvācī vṛṣṭir eti sarvam evārvāk
Sanskrit only: no published translation is held for this verse.
स य एवम् एते बृहद्रथन्तरयोर् देवहूती वेद यन्त्य् अस्य देवा हवम्
sa ya evam ete bṛhadrathantarayor devahūtī veda yanty asya devā havam
Sanskrit only: no published translation is held for this verse.