Jaiminīya Brāhmaṇa of the Sāmaveda (in part) 1.302

शार्दूलस् तस्करः

śārdūlas taskaraḥ

Sanskrit only: no published translation is held for this verse.

तस्माद् एतानि निधनानि न समर्पयेन् नेद् असानीति

tasmād etāni nidhanāni na samarpayen ned asānīti

Sanskrit only: no published translation is held for this verse.

एतानि उ ह वै चत्वारि सामानि चतुरार्षेयानि

etāni u ha vai catvāri sāmāni caturārṣeyāni

Sanskrit only: no published translation is held for this verse.

तद् उ वा आहुः को हाप्रमादस्येशे

tad u vā āhuḥ ko hāpramādasyeśe

Sanskrit only: no published translation is held for this verse.

उत वै प्रैव माद्यतीति

uta vai praiva mādyatīti

Sanskrit only: no published translation is held for this verse.

स यदि स्वारे सह कुर्यात् प्राणः स्वरः प्राण एवैतत् प्राणं भूयांसम् अकृषि ज्योग् जीविष्यामीत्य् एव तत्र ध्यायेत्

sa yadi svāre saha kuryāt prāṇaḥ svaraḥ prāṇa evaitat prāṇaṃ bhūyāṃsam akṛṣi jyog jīviṣyāmīty eva tatra dhyāyet

Sanskrit only: no published translation is held for this verse.

यन् निधने सह कुर्यात् प्रजा वै तत् प्रजायाम् एवैतत् प्रजां प्रत्यतिष्ठिपं प्रजावान् एतेन भविष्यामीत्य् एव तत्र ध्यायेत्

yan nidhane saha kuryāt prajā vai tat prajāyām evaitat prajāṃ pratyatiṣṭhipaṃ prajāvān etena bhaviṣyāmīty eva tatra dhyāyet

Sanskrit only: no published translation is held for this verse.

अथो वज्रो वै निधनम्

atho vajro vai nidhanam

Sanskrit only: no published translation is held for this verse.

वज्रम् एवैतद् द्विषते भ्रातृव्याय प्राहार्षम् इति

vajram evaitad dviṣate bhrātṛvyāya prāhārṣam iti

Sanskrit only: no published translation is held for this verse.

यद् ऐडे सह कुर्यात् पशवो वा इडा पशुष्व् एवैतत् पशून् भूयसो ऽकृषि बहुपशुर् भविष्यामीत्य् एव तत्र ध्यायेत्

yad aiḍe saha kuryāt paśavo vā iḍā paśuṣv evaitat paśūn bhūyaso 'kṛṣi bahupaśur bhaviṣyāmīty eva tatra dhyāyet

Sanskrit only: no published translation is held for this verse.

यद् ऋक्समे सह कुर्यात् प्रजननं वा ऋक्समं प्रजनन एवैतत् प्रजननं भूयो ऽकृषि जायां जायायाम् अभ्यावक्ष्ये बहुर् भविष्यामि प्रजनिष्य इत्य् एव तत्र ध्यायेत्

yad ṛksame saha kuryāt prajananaṃ vā ṛksamaṃ prajanana evaitat prajananaṃ bhūyo 'kṛṣi jāyāṃ jāyāyām abhyāvakṣye bahur bhaviṣyāmi prajaniṣya ity eva tatra dhyāyet

Sanskrit only: no published translation is held for this verse.

तथा हैनं तन् नात्येति

tathā hainaṃ tan nātyeti

Sanskrit only: no published translation is held for this verse.

स य एनम् एवं चकृवांसम् उपमीमांसेत तं ब्रूयात् साध्व् एवाहम् एतद् वेद नासाधु

sa ya enam evaṃ cakṛvāṃsam upamīmāṃseta taṃ brūyāt sādhv evāham etad veda nāsādhu

Sanskrit only: no published translation is held for this verse.

स यत् त्वम् अत्रासाधु वेत्थ तुभ्यम् एव तद् भविष्यति

sa yat tvam atrāsādhu vettha tubhyam eva tad bhaviṣyati

Sanskrit only: no published translation is held for this verse.

यद्य् उ वै पुरा साम्नार्त्विज्यं चकर्थ जाम्य् उ एव त्वया तत् कृतम् इति

yady u vai purā sāmnārtvijyaṃ cakartha jāmy u eva tvayā tat kṛtam iti

Sanskrit only: no published translation is held for this verse.

स एवार्तिम् आर्च्छति य एवं विद्वांसम् उपवदति

sa evārtim ārcchati ya evaṃ vidvāṃsam upavadati

Sanskrit only: no published translation is held for this verse.