Jaiminīya Brāhmaṇa of the Sāmaveda (in part) 1.308

तानि राथन्तराण्य् एवान्यान्य् आसन् बार्हतान्य् अन्यानि

tāni rāthantarāṇy evānyāny āsan bārhatāny anyāni

Sanskrit only: no published translation is held for this verse.

अथ येषु समपादयेतां तानि राथन्तरबार्हतानि चाभवन् बार्हतराथन्तराणि च

atha yeṣu samapādayetāṃ tāni rāthantarabārhatāni cābhavan bārhatarāthantarāṇi ca

Sanskrit only: no published translation is held for this verse.

तद् यद् ऋचाप्रस्तावम् अन्तर्निधनं तद् राथन्तरम्

tad yad ṛcāprastāvam antarnidhanaṃ tad rāthantaram

Sanskrit only: no published translation is held for this verse.

अथ यत् पुरस्तात्स्तोभं बहिर्निधनं तद् बार्हतम्

atha yat purastātstobhaṃ bahirnidhanaṃ tad bārhatam

Sanskrit only: no published translation is held for this verse.

अथ यद् ऋचाप्रस्तावं बहिर्निधनं तद् राथन्तरबार्हतम्

atha yad ṛcāprastāvaṃ bahirnidhanaṃ tad rāthantarabārhatam

Sanskrit only: no published translation is held for this verse.

अथ यत् पुरस्तात्स्तोभम् अन्तर्निधनं तद् बार्हतराथन्तरम्

atha yat purastātstobham antarnidhanaṃ tad bārhatarāthantaram

Sanskrit only: no published translation is held for this verse.

तद् आहुः कति सामानीति

tad āhuḥ kati sāmānīti

Sanskrit only: no published translation is held for this verse.

चत्वारीति ब्रूयात्

catvārīti brūyāt

Sanskrit only: no published translation is held for this verse.

चत्वार्य् अह वा एव सामानि राथन्तरं बार्हतं राथन्तरबार्हतं बार्हतराथन्तरम्

catvāry aha vā eva sāmāni rāthantaraṃ bārhataṃ rāthantarabārhataṃ bārhatarāthantaram

Sanskrit only: no published translation is held for this verse.

तान्य् उ ह वै यो ऽजामि यथापूर्वं कल्पयेद् राथन्तरम् एव प्रथमं कुर्याद् अथ बार्हतम् अथ राथन्तरबार्हतम् अथ बार्हतराथन्तरम्

tāny u ha vai yo 'jāmi yathāpūrvaṃ kalpayed rāthantaram eva prathamaṃ kuryād atha bārhatam atha rāthantarabārhatam atha bārhatarāthantaram

Sanskrit only: no published translation is held for this verse.

तद् उ चतुर्णां साम्नां षड् रूपाणि व्यतिषजति

tad u caturṇāṃ sāmnāṃ ṣaḍ rūpāṇi vyatiṣajati

Sanskrit only: no published translation is held for this verse.

सर्वं ह खलु वै निधनाजामि कल्पयति यो वै रूपाजामि कल्पयेत्

sarvaṃ ha khalu vai nidhanājāmi kalpayati yo vai rūpājāmi kalpayet

Sanskrit only: no published translation is held for this verse.