Jaiminīya Brāhmaṇa of the Sāmaveda (in part) 1.311

त्रीणि ह वै यज्ञस्योदराणि गायत्री बृहत्य् अनुष्टुप्

trīṇi ha vai yajñasyodarāṇi gāyatrī bṛhaty anuṣṭup

Sanskrit only: no published translation is held for this verse.

अत्र ह्य् आवपन्ति

atra hy āvapanti

Sanskrit only: no published translation is held for this verse.

अत उद्धरन्ति

ata uddharanti

Sanskrit only: no published translation is held for this verse.

तद् उ यथा मध्येन पुरुषः सुहितो वा स्याद् अशनायेद् वा तथा तत्

tad u yathā madhyena puruṣaḥ suhito vā syād aśanāyed vā tathā tat

Sanskrit only: no published translation is held for this verse.

अथ यथेतराण्य् अङ्गानि स्थितान्य् एवम् अन्यानि स्तोत्राणि स्थितान्य् एव

atha yathetarāṇy aṅgāni sthitāny evam anyāni stotrāṇi sthitāny eva

Sanskrit only: no published translation is held for this verse.

चत्वार्य् उ ह वै सामान्य् एकर्चेभ्यो ऽतत्स्थानानि बृहद्रथन्तरे वामदेव्यं यज्ञायज्ञीयम् इति

catvāry u ha vai sāmāny ekarcebhyo 'tatsthānāni bṛhadrathantare vāmadevyaṃ yajñāyajñīyam iti

Sanskrit only: no published translation is held for this verse.

तानि यत्र क्व चानुपरिप्लवेरंस् तानि तृचेष्व् एव कल्पयेन् नैकर्चेषु

tāni yatra kva cānupariplaveraṃs tāni tṛceṣv eva kalpayen naikarceṣu

Sanskrit only: no published translation is held for this verse.

अथ ह वै नैकर्चकल्पी स्यात्

atha ha vai naikarcakalpī syāt

Sanskrit only: no published translation is held for this verse.

अवीर्य इव वा एष यद् एकर्चः

avīrya iva vā eṣa yad ekarcaḥ

Sanskrit only: no published translation is held for this verse.

अयं वै लोक एकर्चः

ayaṃ vai loka ekarcaḥ

Sanskrit only: no published translation is held for this verse.

अवच्छिन्न इव वा अयम् आभ्यां लोकाभ्याम्

avacchinna iva vā ayam ābhyāṃ lokābhyām

Sanskrit only: no published translation is held for this verse.

वीर्यसंतततर इव तृचः

vīryasaṃtatatara iva tṛcaḥ

Sanskrit only: no published translation is held for this verse.

त्रयो वा इमे लोकाः

trayo vā ime lokāḥ

Sanskrit only: no published translation is held for this verse.

इमे हि लोकास् तृचः

ime hi lokās tṛcaḥ

Sanskrit only: no published translation is held for this verse.

त्रयो वा एकस्माद् वीर्यवत्तराः

trayo vā ekasmād vīryavattarāḥ

Sanskrit only: no published translation is held for this verse.

एतस्माद्ध वा इदं भूयस्वी कनीयस्विनम् अतिमन्यते

etasmāddha vā idaṃ bhūyasvī kanīyasvinam atimanyate

Sanskrit only: no published translation is held for this verse.

या हि भूयसी गव्यूतिर् भूयस्य् ऋद्धिस् तां तृचेनर्ध्नोति

yā hi bhūyasī gavyūtir bhūyasy ṛddhis tāṃ tṛcenardhnoti

Sanskrit only: no published translation is held for this verse.

अथ या कनीयसी गव्यूतिः कनीयस्य् ऋद्धिस् ताम् एकर्चेनर्ध्नोति

atha yā kanīyasī gavyūtiḥ kanīyasy ṛddhis tām ekarcenardhnoti

Sanskrit only: no published translation is held for this verse.

एकर्चो ह त्वाव तृचाज् ज्यायान्

ekarco ha tvāva tṛcāj jyāyān

Sanskrit only: no published translation is held for this verse.

एकर्च इति त्रीण्य् अक्षराणि

ekarca iti trīṇy akṣarāṇi

Sanskrit only: no published translation is held for this verse.

तृच इति द्वे

tṛca iti dve

Sanskrit only: no published translation is held for this verse.

यो ह त्वावैतान्य् ऋक्तृचांश् चाक्षरतृचांश् च वेदोभये मे तृचाः कृता भवन्तीत्य् उभे हैवास्य तृचाः कृता भवन्ति

yo ha tvāvaitāny ṛktṛcāṃś cākṣaratṛcāṃś ca vedobhaye me tṛcāḥ kṛtā bhavantīty ubhe haivāsya tṛcāḥ kṛtā bhavanti

Sanskrit only: no published translation is held for this verse.

अथो यद् एवर्क्साम हिंकारस् तेनास्य तृचाः कृता भवन्ति

atho yad evarksāma hiṃkāras tenāsya tṛcāḥ kṛtā bhavanti

Sanskrit only: no published translation is held for this verse.

अथो यद् एव प्रस्तावः प्रतिहारो निधनं तेनो एव तृचेभ्यो नैति

atho yad eva prastāvaḥ pratihāro nidhanaṃ teno eva tṛcebhyo naiti

Sanskrit only: no published translation is held for this verse.