Jaiminīya Brāhmaṇa of the Sāmaveda (in part) 1.325

अथ निर्बाधापस्तम्भौ

atha nirbādhāpastambhau

Sanskrit only: no published translation is held for this verse.

साम्नो हिंक्रियमाण एतां दिशं यं द्विष्यात् तं मनसा निर्बाधेत

sāmno hiṃkriyamāṇa etāṃ diśaṃ yaṃ dviṣyāt taṃ manasā nirbādheta

Sanskrit only: no published translation is held for this verse.

तत एव स पराभवति

tata eva sa parābhavati

Sanskrit only: no published translation is held for this verse.

प्रतिह्रियमाण एताम् उ एव दिशं यं द्विष्यात् तं मनसापस्तभ्नुयात्

pratihriyamāṇa etām u eva diśaṃ yaṃ dviṣyāt taṃ manasāpastabhnuyāt

Sanskrit only: no published translation is held for this verse.

तत उ एव स पराभवति

tata u eva sa parābhavati

Sanskrit only: no published translation is held for this verse.

अथो त्रयः साम्नः स्वर्गास् त्रयो नारकाः

atho trayaḥ sāmnaḥ svargās trayo nārakāḥ

Sanskrit only: no published translation is held for this verse.

प्रस्तुते पुरादेः स नारकः

prastute purādeḥ sa nārakaḥ

Sanskrit only: no published translation is held for this verse.

तद् द्विषन्तं भ्रातृव्यं पातयित्वा आदिः स्वर्गो लोकस् तस्मिन्न् आत्मानं दध्यात्

tad dviṣantaṃ bhrātṛvyaṃ pātayitvā ādiḥ svargo lokas tasminn ātmānaṃ dadhyāt

Sanskrit only: no published translation is held for this verse.

प्रतिहृते पुरोपद्रवात् स नारकः

pratihṛte puropadravāt sa nārakaḥ

Sanskrit only: no published translation is held for this verse.

तद् द्विषन्तं भ्रातृव्यं पातयित्वा उपद्रवः स्वर्गो लोकस् तस्मिन्न् आत्मानं दध्यात्

tad dviṣantaṃ bhrātṛvyaṃ pātayitvā upadravaḥ svargo lokas tasminn ātmānaṃ dadhyāt

Sanskrit only: no published translation is held for this verse.

उपद्रुते पुरा निधनात् स नारकः

upadrute purā nidhanāt sa nārakaḥ

Sanskrit only: no published translation is held for this verse.

तद् द्विषन्तं भ्रातृव्यं पातयित्वा निधनं स्वर्गो लोकस् तस्मिन्न् आत्मानं दध्यात्

tad dviṣantaṃ bhrātṛvyaṃ pātayitvā nidhanaṃ svargo lokas tasminn ātmānaṃ dadhyāt

Sanskrit only: no published translation is held for this verse.

तद् उ होवाच शाट्यायनिर् अपहतपाप्मैतत् साम्नो यद् ऊर्ध्वं प्रस्तावात्

tad u hovāca śāṭyāyanir apahatapāpmaitat sāmno yad ūrdhvaṃ prastāvāt

Sanskrit only: no published translation is held for this verse.

स्वर्ग एष लोकः

svarga eṣa lokaḥ

Sanskrit only: no published translation is held for this verse.

कस् तस्मिन् द्विषन्तं भ्रातृव्यम् आभजेत्

kas tasmin dviṣantaṃ bhrātṛvyam ābhajet

Sanskrit only: no published translation is held for this verse.

प्रस्तुत एव पुरादेः स एवैको नारकः

prastuta eva purādeḥ sa evaiko nārakaḥ

Sanskrit only: no published translation is held for this verse.

तद् द्विषन्तं भ्रातृव्यं पातयित्वा सर्वस्मिन्न् एव सामन्न् आत्मानं दध्यात्

tad dviṣantaṃ bhrātṛvyaṃ pātayitvā sarvasminn eva sāmann ātmānaṃ dadhyāt

Sanskrit only: no published translation is held for this verse.

अथो यजमानम्

atho yajamānam

Sanskrit only: no published translation is held for this verse.

सो ऽपहत्य पाप्मानं स्वर्गं लोकम् एति

so 'pahatya pāpmānaṃ svargaṃ lokam eti

Sanskrit only: no published translation is held for this verse.

एतत् तद् यत् कृत्वा श्रेयान् मन्यत इति

etat tad yat kṛtvā śreyān manyata iti

Sanskrit only: no published translation is held for this verse.