Jaiminīya Brāhmaṇa of the Sāmaveda (in part) 1.326

यो वा ऋक्सामाभ्याम् आयतनवद्भ्याम् आर्त्विज्यं करोत्य् आयतनवान् भवति

yo vā ṛksāmābhyām āyatanavadbhyām ārtvijyaṃ karoty āyatanavān bhavati

Sanskrit only: no published translation is held for this verse.

प्रस्ताव एवर्चः सामन्न् आयतनम्

prastāva evarcaḥ sāmann āyatanam

Sanskrit only: no published translation is held for this verse.

यद् ऊर्ध्वं प्रस्तावाच् छन्नं गायति तत् साम्न ऋच्य् आयतनम्

yad ūrdhvaṃ prastāvāc channaṃ gāyati tat sāmna ṛcy āyatanam

Sanskrit only: no published translation is held for this verse.

प्रतिहार एवर्चः सामन्न् आयतनम्

pratihāra evarcaḥ sāmann āyatanam

Sanskrit only: no published translation is held for this verse.

यद् ऊर्ध्वं प्रतिहाराच् छन्नं गायति तत् साम्न ऋच्य् आयतनम्

yad ūrdhvaṃ pratihārāc channaṃ gāyati tat sāmna ṛcy āyatanam

Sanskrit only: no published translation is held for this verse.

निधनम् एवर्चः सामन्न् आयतनम्

nidhanam evarcaḥ sāmann āyatanam

Sanskrit only: no published translation is held for this verse.

यन् निधनम् अतिस्वरति तत् साम्न ऋच्य् आयतनम्

yan nidhanam atisvarati tat sāmna ṛcy āyatanam

Sanskrit only: no published translation is held for this verse.

स य एवम् एताभ्याम् ऋक्सामाभ्याम् आयतनवद्भ्याम् आर्त्विज्यं करोत्य् आयतनवान् एव भवति

sa ya evam etābhyām ṛksāmābhyām āyatanavadbhyām ārtvijyaṃ karoty āyatanavān eva bhavati

Sanskrit only: no published translation is held for this verse.

तद् वा एतद् द्वयम् एवर्क् चैव साम च

tad vā etad dvayam evark caiva sāma ca

Sanskrit only: no published translation is held for this verse.

तयोर् यत् सत्यं प्रजासु भवति जयति तं लोकं यः सत्येन जेयः

tayor yat satyaṃ prajāsu bhavati jayati taṃ lokaṃ yaḥ satyena jeyaḥ

Sanskrit only: no published translation is held for this verse.

वाग् वा ऋचः सत्यम्

vāg vā ṛcaḥ satyam

Sanskrit only: no published translation is held for this verse.

मनः साम्नः

manaḥ sāmnaḥ

Sanskrit only: no published translation is held for this verse.

एते ह वा ऋक्सामयोः सत्ये

ete ha vā ṛksāmayoḥ satye

Sanskrit only: no published translation is held for this verse.

सत्यं प्रजासु भवति जयति तं लोकं यः सत्येन जेयः

satyaṃ prajāsu bhavati jayati taṃ lokaṃ yaḥ satyena jeyaḥ

Sanskrit only: no published translation is held for this verse.

ऋचः सत्येन साम गायात्

ṛcaḥ satyena sāma gāyāt

Sanskrit only: no published translation is held for this verse.

साम्नः सत्येनर्चम्

sāmnaḥ satyenarcam

Sanskrit only: no published translation is held for this verse.

ऋक्साम्ने उ ह वै स्वर्गस्य लोकस्येशाते

ṛksāmne u ha vai svargasya lokasyeśāte

Sanskrit only: no published translation is held for this verse.

तं ह वा एते स्वर्गं लोकं गमयतः

taṃ ha vā ete svargaṃ lokaṃ gamayataḥ

Sanskrit only: no published translation is held for this verse.

स स्वर्गस्य लोकस्येशे य एने एवं गायति

sa svargasya lokasyeśe ya ene evaṃ gāyati

Sanskrit only: no published translation is held for this verse.

तस्माद् एवम् एव गेये

tasmād evam eva geye

Sanskrit only: no published translation is held for this verse.