Jaiminīya Brāhmaṇa of the Sāmaveda (in part) 1.332

छन्दांसि वै सर्वे स्तोमाः सर्वे पशवः सर्वे देवाः सर्वे लोकाः सर्वे कामाः

chandāṃsi vai sarve stomāḥ sarve paśavaḥ sarve devāḥ sarve lokāḥ sarve kāmāḥ

Sanskrit only: no published translation is held for this verse.

तत् सर्वान् स्तोमान् सर्वान् पशून् सर्वान् देवान् सर्वान् लोकान् सर्वान् कामान् आप्नोति

tat sarvān stomān sarvān paśūn sarvān devān sarvān lokān sarvān kāmān āpnoti

Sanskrit only: no published translation is held for this verse.

अग्निर् एष यद् रथन्तरम्

agnir eṣa yad rathantaram

Sanskrit only: no published translation is held for this verse.

अग्निर् वै मृत्युः

agnir vai mṛtyuḥ

Sanskrit only: no published translation is held for this verse.

स यो ऽन्यत्राक्षरेभ्यः स्तोब्धि स एवोद्गाता यजमानं मृत्योर् आस्ये ऽप्यस्यति

sa yo 'nyatrākṣarebhyaḥ stobdhi sa evodgātā yajamānaṃ mṛtyor āsye 'pyasyati

Sanskrit only: no published translation is held for this verse.

अथ यो ऽक्षरेषु स्तोब्ध्य् अन्नम् उ वै स्तोभस् स्तोभेन स्तोभेनैव मृत्योर् आस्यम् अपिधायैतं मृत्युम् अतितरति

atha yo 'kṣareṣu stobdhy annam u vai stobhas stobhena stobhenaiva mṛtyor āsyam apidhāyaitaṃ mṛtyum atitarati

Sanskrit only: no published translation is held for this verse.

अथो समुद्र एष यद् रथन्तरम्

atho samudra eṣa yad rathantaram

Sanskrit only: no published translation is held for this verse.

अथ यो ऽन्यत्राक्षरेभ्यः स्तोब्धि स एवैतं समुद्रं प्रविशति

atha yo 'nyatrākṣarebhyaḥ stobdhi sa evaitaṃ samudraṃ praviśati

Sanskrit only: no published translation is held for this verse.

अथ यो ऽक्षरेषु स्तोब्धि यथा नावा वा प्लवेन वा द्वीपाद् द्वीपं संक्रामेद् एवम् एवैतं समुद्रम् अतितरति

atha yo 'kṣareṣu stobdhi yathā nāvā vā plavena vā dvīpād dvīpaṃ saṃkrāmed evam evaitaṃ samudram atitarati

Sanskrit only: no published translation is held for this verse.

स्वर्दृशम् इति निराह

svardṛśam iti nirāha

Sanskrit only: no published translation is held for this verse.

यदा वै स्वर् गच्छत्य् अथामृतो भवति

yadā vai svar gacchaty athāmṛto bhavati

Sanskrit only: no published translation is held for this verse.

तं सर्वेभ्यो देवेभ्यः सर्वेभ्यो भूतेभ्यः प्राह स्वर् अयं ब्राह्मणो ऽगन्न् अमृतो ऽभूद् इति

taṃ sarvebhyo devebhyaḥ sarvebhyo bhūtebhyaḥ prāha svar ayaṃ brāhmaṇo 'gann amṛto 'bhūd iti

Sanskrit only: no published translation is held for this verse.

स तं सर्वे देवाः सर्वाणि भूतान्य् अनुबुध्यन्ते

sa taṃ sarve devāḥ sarvāṇi bhūtāny anubudhyante

Sanskrit only: no published translation is held for this verse.