Jaiminīya Brāhmaṇa of the Sāmaveda (in part) 1.335

अथैतत् कालेयम्

athaitat kāleyam

Sanskrit only: no published translation is held for this verse.

विस्तृणन्न् इव व्यवसाययन्न् इवासंरुन्धन्न् इव गायेत्

vistṛṇann iva vyavasāyayann ivāsaṃrundhann iva gāyet

Sanskrit only: no published translation is held for this verse.

यथा यवाचितं वा स्वाचितं यायान् माषाचितं वेति ह स्म पुरा कुरूणां ब्राह्मणा मीमांसन्त एवम् एतद् यत् कालेयम्

yathā yavācitaṃ vā svācitaṃ yāyān māṣācitaṃ veti ha sma purā kurūṇāṃ brāhmaṇā mīmāṃsanta evam etad yat kāleyam

Sanskrit only: no published translation is held for this verse.

तद् विकर्षतेव गेयम् इति

tad vikarṣateva geyam iti

Sanskrit only: no published translation is held for this verse.

तद्धैतद् एके रथन्तरसाम्न ऊर्ध्वाम् इडाम् उपयन्ति नकारिणाम् ओयिडा इति

taddhaitad eke rathantarasāmna ūrdhvām iḍām upayanti nakāriṇām oyiḍā iti

Sanskrit only: no published translation is held for this verse.

तद् उ होवाच शाट्यायनिर् उद्धतेवैषेडा प्रच्युतेव

tad u hovāca śāṭyāyanir uddhatevaiṣeḍā pracyuteva

Sanskrit only: no published translation is held for this verse.

नितताम् एवेडाम् अन्तत उपयन् बृहत्साम्नो द्वितीयस्यै स्तोत्रियायै धोरो इत्य् उद्गृह्णीयात्

nitatām eveḍām antata upayan bṛhatsāmno dvitīyasyai stotriyāyai dhoro ity udgṛhṇīyāt

Sanskrit only: no published translation is held for this verse.

तद् एव बृहतो रूपान् न यन्ति

tad eva bṛhato rūpān na yanti

Sanskrit only: no published translation is held for this verse.

अथ हैके रथन्तरसाम्नश् चैव बृहत्साम्नश् चोर्ध्वाम् एवेडाम् उपयन्त्य् अनवध्मातैषेडा स्वर्ग्येति

atha haike rathantarasāmnaś caiva bṛhatsāmnaś cordhvām eveḍām upayanty anavadhmātaiṣeḍā svargyeti

Sanskrit only: no published translation is held for this verse.

तद् उ होवाच शाट्यायनिर् अग्निर् वै रथन्तरम्

tad u hovāca śāṭyāyanir agnir vai rathantaram

Sanskrit only: no published translation is held for this verse.

वायुर् वामदेव्यम्

vāyur vāmadevyam

Sanskrit only: no published translation is held for this verse.

इन्द्रो नौधसम्

indro naudhasam

Sanskrit only: no published translation is held for this verse.

विश्वे देवाः कालेयम्

viśve devāḥ kāleyam

Sanskrit only: no published translation is held for this verse.

अथैष स्वर्ग एव लोको विश्व एव देवाः

athaiṣa svarga eva loko viśva eva devāḥ

Sanskrit only: no published translation is held for this verse.

स्वर्ग एव तल् लोके विश्वेषु देवेषु प्रतितिष्ठन्ति

svarga eva tal loke viśveṣu deveṣu pratitiṣṭhanti

Sanskrit only: no published translation is held for this verse.

स य एनांस् तथा चक्रुषो ऽनुव्याहरेद् इति वेति वा भविष्यन्तीति तथा हैव स्युः

sa ya enāṃs tathā cakruṣo 'nuvyāhared iti veti vā bhaviṣyantīti tathā haiva syuḥ

Sanskrit only: no published translation is held for this verse.

तस्माद् एषा निततैवेडान्तत उपेत्या सर्वायुष्टाया अस्य लोकस्यानुद्घातायेति

tasmād eṣā nitataiveḍāntata upetyā sarvāyuṣṭāyā asya lokasyānudghātāyeti

Sanskrit only: no published translation is held for this verse.