Jaiminīya Brāhmaṇa of the Sāmaveda (in part) 1.341

तद् एव सूद्गीतम्

tad eva sūdgītam

Sanskrit only: no published translation is held for this verse.

अथो अहोरात्रे एव तद् अन्योन्यस्मिन् प्रतिष्ठापयन् गायति

atho ahorātre eva tad anyonyasmin pratiṣṭhāpayan gāyati

Sanskrit only: no published translation is held for this verse.

तद् यद् अहर् आविः सत् तच् छन्नं गायति तस्माद् असाव् आदित्य इदं सर्वं न प्रदहति

tad yad ahar āviḥ sat tac channaṃ gāyati tasmād asāv āditya idaṃ sarvaṃ na pradahati

Sanskrit only: no published translation is held for this verse.

अथ यद् रात्रिं छन्नां सतीं ताम् आविर् गायति तस्माद् उ हेदं नक्तं किं च निर्ज्ञायते

atha yad rātriṃ channāṃ satīṃ tām āvir gāyati tasmād u hedaṃ naktaṃ kiṃ ca nirjñāyate

Sanskrit only: no published translation is held for this verse.

यद्ध तां छन्नाम् एव गायेद् अन्धम् एव तमः स्यात्

yaddha tāṃ channām eva gāyed andham eva tamaḥ syāt

Sanskrit only: no published translation is held for this verse.

अथ राजानो ऽग्निष्टोमसामानि

atha rājāno 'gniṣṭomasāmāni

Sanskrit only: no published translation is held for this verse.

राजपुत्रा द्वादशाहीयानि

rājaputrā dvādaśāhīyāni

Sanskrit only: no published translation is held for this verse.

विशश् छन्दस्यानि

viśaś chandasyāni

Sanskrit only: no published translation is held for this verse.

तस्माद् एतानि त्रयाणि सामानि संवत्सरे कार्याणि

tasmād etāni trayāṇi sāmāni saṃvatsare kāryāṇi

Sanskrit only: no published translation is held for this verse.

यद् वै क्षत्रं विड्वद् राजपुत्रवद् भवति तत् समृद्धम्

yad vai kṣatraṃ viḍvad rājaputravad bhavati tat samṛddham

Sanskrit only: no published translation is held for this verse.

स यथा क्षत्रं विड्वद् राजपुत्रवत् स्यात् तादृक् तत्

sa yathā kṣatraṃ viḍvad rājaputravat syāt tādṛk tat

Sanskrit only: no published translation is held for this verse.

तद् यद् एतानि सामानि संवत्सरे क्रियन्ते ऽथातो ऽग्निष्टोमसाम्नाम् एव गानम्

tad yad etāni sāmāni saṃvatsare kriyante 'thāto 'gniṣṭomasāmnām eva gānam

Sanskrit only: no published translation is held for this verse.

यथा राज्ञः परिष्कारश् शामूलाजिनं मणिहिरण्यं हस्ती निष्को ऽश्वतरीरथो ऽश्वरथो रुक्मः कंसस् त एवम् एष एतेषां साम्नां परिष्कारः

yathā rājñaḥ pariṣkāraś śāmūlājinaṃ maṇihiraṇyaṃ hastī niṣko 'śvatarīratho 'śvaratho rukmaḥ kaṃsas ta evam eṣa eteṣāṃ sāmnāṃ pariṣkāraḥ

Sanskrit only: no published translation is held for this verse.

तस्माद् अग्निष्टोमसामान्य् एव गानीकृत्य गायेद् यथागीतम् इतराणि यथागीतम् इतराणि

tasmād agniṣṭomasāmāny eva gānīkṛtya gāyed yathāgītam itarāṇi yathāgītam itarāṇi

Sanskrit only: no published translation is held for this verse.