Jaiminīya Brāhmaṇa of the Sāmaveda (in part) 1.349

तम् उ ह कपिवनो भौवायन उवाचागवायनीभिर् इव बत महा साहश्रवसो ऽगात्

tam u ha kapivano bhauvāyana uvācāgavāyanībhir iva bata mahā sāhaśravaso 'gāt

Sanskrit only: no published translation is held for this verse.

उन्मदिष्णुर् अस्य प्रजा भविष्यति

unmadiṣṇur asya prajā bhaviṣyati

Sanskrit only: no published translation is held for this verse.

ब्रह्मवर्चसिनी त्व् एव भविष्यतीति

brahmavarcasinī tv eva bhaviṣyatīti

Sanskrit only: no published translation is held for this verse.

यन् माम् आमन्त्रयिष्यतेति होवाच द्वादशैवैतान् एकर्चान् उपेत्यैन्द्रं द्वादशम् अग्ने विवस्वद् उषस इत्य् एतस्मिंस् तृचे राथन्तरं संधिम् अस्तोष्यत्

yan mām āmantrayiṣyateti hovāca dvādaśaivaitān ekarcān upetyaindraṃ dvādaśam agne vivasvad uṣasa ity etasmiṃs tṛce rāthantaraṃ saṃdhim astoṣyat

Sanskrit only: no published translation is held for this verse.

अग्न इति तेनाग्नेयाद् रूपान् नैष्यत्

agna iti tenāgneyād rūpān naiṣyat

Sanskrit only: no published translation is held for this verse.

उषस इत्य् उषस्यात्

uṣasa ity uṣasyāt

Sanskrit only: no published translation is held for this verse.

सजूर् अश्विभ्याम् इत्य् आश्विनात्

sajūr aśvibhyām ity āśvināt

Sanskrit only: no published translation is held for this verse.

नास्योन्मदिष्णुः प्रजाभविष्यत्

nāsyonmadiṣṇuḥ prajābhaviṣyat

Sanskrit only: no published translation is held for this verse.

ब्रह्मवर्चसिनी त्व् एवाभविष्यद् इति

brahmavarcasinī tv evābhaviṣyad iti

Sanskrit only: no published translation is held for this verse.

उत हैनम् उवाच नैतद् अपि प्रस्नान्तम् इव ह्वयन्त्व् इति

uta hainam uvāca naitad api prasnāntam iva hvayantv iti

Sanskrit only: no published translation is held for this verse.

तद् वै नानूक्ता इति होवाच

tad vai nānūktā iti hovāca

Sanskrit only: no published translation is held for this verse.

अथ हैके ऽभ्युदिते ऽप्य् एव निलिल्यिरे

atha haike 'bhyudite 'py eva nililyire

Sanskrit only: no published translation is held for this verse.

ते हापरां रात्रिं समेत्य तुष्टुवुर् इयं वाव सा या नः पूर्वात्यगाद् इति

te hāparāṃ rātriṃ sametya tuṣṭuvur iyaṃ vāva sā yā naḥ pūrvātyagād iti

Sanskrit only: no published translation is held for this verse.

ते ह रराधुः

te ha rarādhuḥ

Sanskrit only: no published translation is held for this verse.

ते य एवं विद्वांसः कुर्वन्ति राध्नुवन्त्य् एव

te ya evaṃ vidvāṃsaḥ kurvanti rādhnuvanty eva

Sanskrit only: no published translation is held for this verse.