Jaiminīya Brāhmaṇa of the Sāmaveda (in part) 1.351

अतिरिक्तम् अनुबुध्यन्ते

atiriktam anubudhyante

Sanskrit only: no published translation is held for this verse.

अथ ब्रूयान् मानुवषट्कार इति

atha brūyān mānuvaṣaṭkāra iti

Sanskrit only: no published translation is held for this verse.

तान् सर्वहुतो हुत्वाभ्युत्पूर्यानुवषट्कारे जुहुयात्

tān sarvahuto hutvābhyutpūryānuvaṣaṭkāre juhuyāt

Sanskrit only: no published translation is held for this verse.

यद्य् उ भूयान् एवातिरिच्येत सहैव कलशेन प्रतितिष्ठेत्

yady u bhūyān evātiricyeta sahaiva kalaśena pratitiṣṭhet

Sanskrit only: no published translation is held for this verse.

यदि राजानम् अववर्षेद् इन्दुर् इन्दुम् अवागात् तस्य त इन्दव् इन्द्रियावतो मधुमतो विचक्षणस्योपहूतस्योपहूतो भक्षयामि वाग् जुषाणा सोमस्य तृप्यत्व् इति

yadi rājānam avavarṣed indur indum avāgāt tasya ta indav indriyāvato madhumato vicakṣaṇasyopahūtasyopahūto bhakṣayāmi vāg juṣāṇā somasya tṛpyatv iti

Sanskrit only: no published translation is held for this verse.

तद् आहुः कृत्स्नं वा एतद् अमृतम् अन्नाद्यम् इमं लोकम् आगच्छति यद् आपः

tad āhuḥ kṛtsnaṃ vā etad amṛtam annādyam imaṃ lokam āgacchati yad āpaḥ

Sanskrit only: no published translation is held for this verse.

कृत्स्नं वावेदम् अमृतम् अन्नाद्यम् इमं लोकम् आगाद् इत्य् एव मन्यमानो भक्षयेत्

kṛtsnaṃ vāvedam amṛtam annādyam imaṃ lokam āgād ity eva manyamāno bhakṣayet

Sanskrit only: no published translation is held for this verse.

सैव तत्र प्रायश्चित्तिः

saiva tatra prāyaścittiḥ

Sanskrit only: no published translation is held for this verse.

यदि चमसम् अभ्युपाकुर्युस् तम् उत्तरवर्गेणाभिप्रावृत्यासीत

yadi camasam abhyupākuryus tam uttaravargeṇābhiprāvṛtyāsīta

Sanskrit only: no published translation is held for this verse.

राजा हैतद् ऋचा मिथुनीभवति

rājā haitad ṛcā mithunībhavati

Sanskrit only: no published translation is held for this verse.

तम् अध्वर्युः प्रत्याकीर्य यन्न् आदायेयात्

tam adhvaryuḥ pratyākīrya yann ādāyeyāt

Sanskrit only: no published translation is held for this verse.

यद्य् उ मार्ज्यः स्याद् य एवैनं सम्प्रति धिष्ण्यः स्यात् तं प्रति सदसो वियुत्य प्रयच्छेत्

yady u mārjyaḥ syād ya evainaṃ samprati dhiṣṇyaḥ syāt taṃ prati sadaso viyutya prayacchet

Sanskrit only: no published translation is held for this verse.

तं मार्जयित्वा यद्विधा इतरे चमसास् तद्विधं कुर्युः

taṃ mārjayitvā yadvidhā itare camasās tadvidhaṃ kuryuḥ

Sanskrit only: no published translation is held for this verse.

सैव तत्र प्रायश्चित्तिः

saiva tatra prāyaścittiḥ

Sanskrit only: no published translation is held for this verse.