Jaiminīya Brāhmaṇa of the Sāmaveda (in part) 1.354

यद्य् अक्रीतं राजानम् अपहरेयुर् आ वेत्तोर् इच्छेयुः

yady akrītaṃ rājānam apahareyur ā vettor iccheyuḥ

Sanskrit only: no published translation is held for this verse.

अपि गिरिं धावेयुः

api giriṃ dhāveyuḥ

Sanskrit only: no published translation is held for this verse.

दीक्षित एव तावद् आसीत

dīkṣita eva tāvad āsīta

Sanskrit only: no published translation is held for this verse.

यदि क्रीतम् अपहरेयुर् यम् एव कं चाधिगत्याभिषुणुयुः

yadi krītam apahareyur yam eva kaṃ cādhigatyābhiṣuṇuyuḥ

Sanskrit only: no published translation is held for this verse.

येनैवास्य पूर्वक्रयेण क्रीतो भवति तेनैवास्यायं क्रीतो भवति

yenaivāsya pūrvakrayeṇa krīto bhavati tenaivāsyāyaṃ krīto bhavati

Sanskrit only: no published translation is held for this verse.

सोमविक्रयिणे तु किंचित् कं देयं नेन् नो ऽभिषवो हतो ऽसद् इति

somavikrayiṇe tu kiṃcit kaṃ deyaṃ nen no 'bhiṣavo hato 'sad iti

Sanskrit only: no published translation is held for this verse.

यदि तं न विन्देयुर् बभ्रुतूलानि फाल्गुनान्य् अभिषुणुयुः

yadi taṃ na vindeyur babhrutūlāni phālgunāny abhiṣuṇuyuḥ

Sanskrit only: no published translation is held for this verse.

इन्द्रो वृत्रं वज्रेणाहन्

indro vṛtraṃ vajreṇāhan

Sanskrit only: no published translation is held for this verse.

तस्य यो नस्तः सोमो निरद्रवत् तान्य् एव बभ्रुतूलानि फाल्गुनान्य् अभवन्

tasya yo nastaḥ somo niradravat tāny eva babhrutūlāni phālgunāny abhavan

Sanskrit only: no published translation is held for this verse.

अथ यो वपाया उत्खेदनतस् तानि रोहिततूलानि

atha yo vapāyā utkhedanatas tāni rohitatūlāni

Sanskrit only: no published translation is held for this verse.

तस्माद् बभ्रुतूलान्य् एवाभिषुत्यानि मेध्यतराणि

tasmād babhrutūlāny evābhiṣutyāni medhyatarāṇi

Sanskrit only: no published translation is held for this verse.

असुर्यस् तेनानभिषुत्य इत्य् आहुः

asuryas tenānabhiṣutya ity āhuḥ

Sanskrit only: no published translation is held for this verse.

असुरेषु वा इदम् अग्र आसीत्

asureṣu vā idam agra āsīt

Sanskrit only: no published translation is held for this verse.

तद् देवा अभिजित्यात्मन्न् अकुर्वत

tad devā abhijityātmann akurvata

Sanskrit only: no published translation is held for this verse.

तस्माद् अभिषुत्य एवेति

tasmād abhiṣutya eveti

Sanskrit only: no published translation is held for this verse.

यदि तं न विन्देयुर् ऊतीकान् अभिषुणुयुः

yadi taṃ na vindeyur ūtīkān abhiṣuṇuyuḥ

Sanskrit only: no published translation is held for this verse.

इन्द्रो वृत्रं वज्रेणाध्यस्य नास्तृषीति मन्यमानः स ऊतीकान् एव प्राविशत्

indro vṛtraṃ vajreṇādhyasya nāstṛṣīti manyamānaḥ sa ūtīkān eva prāviśat

Sanskrit only: no published translation is held for this verse.

तस्मै त एवोतिम् अविन्दन्

tasmai ta evotim avindan

Sanskrit only: no published translation is held for this verse.

ऊतिर् वा एतस्य नश्यति यस्य राजानम् अपहरन्ति

ūtir vā etasya naśyati yasya rājānam apaharanti

Sanskrit only: no published translation is held for this verse.

ऊतिम् एवास्मै विन्दन्ति

ūtim evāsmai vindanti

Sanskrit only: no published translation is held for this verse.

यज्ञस्य वै यत्र शिरो ऽच्छिद्यत तस्य यो रसः प्राणेदत् त एवोतीका अभवन्

yajñasya vai yatra śiro 'cchidyata tasya yo rasaḥ prāṇedat ta evotīkā abhavan

Sanskrit only: no published translation is held for this verse.

तम् उ तद् यज्ञम् एव प्रत्यक्षम् अभिषुण्वन्ति यद् ऊतीकान्

tam u tad yajñam eva pratyakṣam abhiṣuṇvanti yad ūtīkān

Sanskrit only: no published translation is held for this verse.

यदि तं न विन्देयुः

yadi taṃ na vindeyuḥ

Sanskrit only: no published translation is held for this verse.