अथ प्रजापतिः प्राजिजनिषत
atha prajāpatiḥ prājijaniṣata
Sanskrit only: no published translation is held for this verse.
Library·Jaiminīya Brāhmaṇa of the Sāmaveda (in part)·1·1.357
Jaiminīya Brāhmaṇa of the Sāmaveda (in part) 1.357
स तपो ऽतप्यत
sa tapo 'tapyata
Sanskrit only: no published translation is held for this verse.
स ऐक्षत हन्त नु प्रतिष्ठां जनयै
sa aikṣata hanta nu pratiṣṭhāṃ janayai
Sanskrit only: no published translation is held for this verse.
ततो याः प्रजाः स्रक्ष्ये ता एतद् एव प्रतिष्ठास्यन्ति नाप्रतिष्ठिताश् चरन्तीः प्रदघिष्यन्त इति
tato yāḥ prajāḥ srakṣye tā etad eva pratiṣṭhāsyanti nāpratiṣṭhitāś carantīḥ pradaghiṣyanta iti
Sanskrit only: no published translation is held for this verse.
स इमं लोकम् अजनयद् अन्तरिक्षलोकम् अमुं लोकम् इति
sa imaṃ lokam ajanayad antarikṣalokam amuṃ lokam iti
Sanskrit only: no published translation is held for this verse.
तान् इमांस् त्रीन् लोकाञ् जनयित्वाभ्यश्राम्यत्
tān imāṃs trīn lokāñ janayitvābhyaśrāmyat
Sanskrit only: no published translation is held for this verse.
तान् समतपत्
tān samatapat
Sanskrit only: no published translation is held for this verse.
तेभ्यः संतप्तेभ्यस् त्रीणि शुक्राण्य् उदायन्न् अग्निः पृथिव्या वायुर् अन्तरिक्षाद् आदित्यो दिवः
tebhyaḥ saṃtaptebhyas trīṇi śukrāṇy udāyann agniḥ pṛthivyā vāyur antarikṣād ādityo divaḥ
Sanskrit only: no published translation is held for this verse.
स एतानि शुक्राणि पुनर् अभ्य् एवातपत्
sa etāni śukrāṇi punar abhy evātapat
Sanskrit only: no published translation is held for this verse.
तेभ्यः संतप्तेभ्यस् त्रीण्य् एव शुक्राण्य् उदायन्न् ऋग्वेद एवाग्नेर् यजुर्वेदो वायोः सामवेद आदित्यात्
tebhyaḥ saṃtaptebhyas trīṇy eva śukrāṇy udāyann ṛgveda evāgner yajurvedo vāyoḥ sāmaveda ādityāt
Sanskrit only: no published translation is held for this verse.
स एतानि शुक्राणि पुनर् अभ्य् एवातपत्
sa etāni śukrāṇi punar abhy evātapat
Sanskrit only: no published translation is held for this verse.
तेभ्यः संतप्तेभ्यस् त्रीण्य् एव शुक्राण्य् उदायन् भूर् इत्य् एवर्ग्वेदाद् भुव इति यजुर्वेदात् स्वर् इति सामवेदात्
tebhyaḥ saṃtaptebhyas trīṇy eva śukrāṇy udāyan bhūr ity evargvedād bhuva iti yajurvedāt svar iti sāmavedāt
Sanskrit only: no published translation is held for this verse.
तद्ध वै त्रय्यै विद्यायै शुक्रम्
taddha vai trayyai vidyāyai śukram
Sanskrit only: no published translation is held for this verse.
एतावद् इदं सर्वम्
etāvad idaṃ sarvam
Sanskrit only: no published translation is held for this verse.
स यो वै त्रयीं विद्यां विदुषो लोकः सो ऽस्य लोको भवति य एवं वेद
sa yo vai trayīṃ vidyāṃ viduṣo lokaḥ so 'sya loko bhavati ya evaṃ veda
Sanskrit only: no published translation is held for this verse.