Jaiminīya Brāhmaṇa of the Sāmaveda (in part) 1.358

स वै खलु प्रजापतिर् यज्ञं सृष्ट्वोर्ध्व उदक्रामत्

sa vai khalu prajāpatir yajñaṃ sṛṣṭvordhva udakrāmat

Sanskrit only: no published translation is held for this verse.

स देवान् अब्रवीद् एतेन यूयं त्रयेण वेदेन यज्ञं तनुध्वम् इति

sa devān abravīd etena yūyaṃ trayeṇa vedena yajñaṃ tanudhvam iti

Sanskrit only: no published translation is held for this verse.

ते देवा अनेन त्रयेण वेदेन यजमाना अप पाप्मानम् अघ्नत प्र स्वर्गं लोकम् अजानन्

te devā anena trayeṇa vedena yajamānā apa pāpmānam aghnata pra svargaṃ lokam ajānan

Sanskrit only: no published translation is held for this verse.

ते ऽब्रुवन् यन् नु वयम् अनेन त्रयेण वेदेन यजमाना अप पाप्मानम् अवधिष्महि प्र स्वर्गं लोकम् अज्ञासिष्म

te 'bruvan yan nu vayam anena trayeṇa vedena yajamānā apa pāpmānam avadhiṣmahi pra svargaṃ lokam ajñāsiṣma

Sanskrit only: no published translation is held for this verse.

यन् नु नो ऽद्यायं यज्ञो भ्रेषं नीयात् केनैनं भिषज्यामेति

yan nu no 'dyāyaṃ yajño bhreṣaṃ nīyāt kenainaṃ bhiṣajyāmeti

Sanskrit only: no published translation is held for this verse.

तान् प्रजापतिर् अब्रवीद् यद् वा एतस्य त्रयस्य वेदस्य तेज इन्द्रियं वीर्यं रस आसीद् इदं वा अहं तत् समुदयच्छम् इति

tān prajāpatir abravīd yad vā etasya trayasya vedasya teja indriyaṃ vīryaṃ rasa āsīd idaṃ vā ahaṃ tat samudayaccham iti

Sanskrit only: no published translation is held for this verse.

एता व्याहृतीः प्रयच्छन्न् एताभिर् एनं भिषज्याथेति

etā vyāhṛtīḥ prayacchann etābhir enaṃ bhiṣajyātheti

Sanskrit only: no published translation is held for this verse.

स यदि यज्ञ ऋक्तो भ्रेषं नीयाद् भूः स्वाहेति गार्हपत्ये जुहवाथ

sa yadi yajña ṛkto bhreṣaṃ nīyād bhūḥ svāheti gārhapatye juhavātha

Sanskrit only: no published translation is held for this verse.

सैव तत्र प्रायश्चित्तिः

saiva tatra prāyaścittiḥ

Sanskrit only: no published translation is held for this verse.

अथ यदि यजुष्टो भुवः स्वाहेत्य् आग्नीध्रे जुहवाथ

atha yadi yajuṣṭo bhuvaḥ svāhety āgnīdhre juhavātha

Sanskrit only: no published translation is held for this verse.

सैव तत्र प्रायश्चित्तिः

saiva tatra prāyaścittiḥ

Sanskrit only: no published translation is held for this verse.

अथ यदि सामतः स्वः स्वाहेत्य् आहवनीये जुहवाथ

atha yadi sāmataḥ svaḥ svāhety āhavanīye juhavātha

Sanskrit only: no published translation is held for this verse.

सैव तत्र प्रायश्चित्तिः

saiva tatra prāyaścittiḥ

Sanskrit only: no published translation is held for this verse.

अथ यदीष्टिपशुबन्धेषु वा दर्शपूर्णमासयोर् वा भुवः स्वाहेत्य् अन्वाहार्यपचने जुहवाथ

atha yadīṣṭipaśubandheṣu vā darśapūrṇamāsayor vā bhuvaḥ svāhety anvāhāryapacane juhavātha

Sanskrit only: no published translation is held for this verse.

सैव तत्र प्रायश्चित्तिः

saiva tatra prāyaścittiḥ

Sanskrit only: no published translation is held for this verse.

अथ यद्य् अनुपस्मृतात् कुत इदम् अजनीति भूर् भुवः स्वः स्वाहेत्य् आहवनीये जुहवाथ

atha yady anupasmṛtāt kuta idam ajanīti bhūr bhuvaḥ svaḥ svāhety āhavanīye juhavātha

Sanskrit only: no published translation is held for this verse.

सैव तस्य सर्वस्य प्रायश्चित्तिः

saiva tasya sarvasya prāyaścittiḥ

Sanskrit only: no published translation is held for this verse.

तद् यथा शीर्णं तत् पर्वणा पर्व संधाय भिषज्येद् एवम् एवैवं विद्वांस् तत् सर्वं भिषज्यति

tad yathā śīrṇaṃ tat parvaṇā parva saṃdhāya bhiṣajyed evam evaivaṃ vidvāṃs tat sarvaṃ bhiṣajyati

Sanskrit only: no published translation is held for this verse.

अथ यस्यैतद् अविद्वान् प्रायश्चित्तिं करोति यथा शीर्णेन शीर्णं संदध्याच्छीर्णे वा गरम् अध्यादध्यात् तादृक् तत्

atha yasyaitad avidvān prāyaścittiṃ karoti yathā śīrṇena śīrṇaṃ saṃdadhyācchīrṇe vā garam adhyādadhyāt tādṛk tat

Sanskrit only: no published translation is held for this verse.

तस्माद् उ हैवंविदम् एव प्रायश्चित्तिं कारयेत

tasmād u haivaṃvidam eva prāyaścittiṃ kārayeta

Sanskrit only: no published translation is held for this verse.

तद् आहुर् यद् ऋचा होतृत्वं क्रियते यजुषाध्वर्यवं साम्नोद्गीथो ऽथ केन ब्रह्मत्वं क्रियत इति

tad āhur yad ṛcā hotṛtvaṃ kriyate yajuṣādhvaryavaṃ sāmnodgītho 'tha kena brahmatvaṃ kriyata iti

Sanskrit only: no published translation is held for this verse.

अनया त्रय्या विद्ययेति ह ब्रूयात्

anayā trayyā vidyayeti ha brūyāt

Sanskrit only: no published translation is held for this verse.

तस्माद् उ यम् एव ब्रह्मिष्ठं मन्येत तं ब्रह्माणं कुर्वीत

tasmād u yam eva brahmiṣṭhaṃ manyeta taṃ brahmāṇaṃ kurvīta

Sanskrit only: no published translation is held for this verse.

स ह वाव ब्रह्मा य एवं वेद

sa ha vāva brahmā ya evaṃ veda

Sanskrit only: no published translation is held for this verse.