Jaiminīya Brāhmaṇa of the Sāmaveda (in part) 1.362

तद् आहुः कतिधावकीर्यमाणः प्रविशतीति

tad āhuḥ katidhāvakīryamāṇaḥ praviśatīti

Sanskrit only: no published translation is held for this verse.

चतुर्धेति ब्रूयात्

caturdheti brūyāt

Sanskrit only: no published translation is held for this verse.

चतुर्धा ह वा एष प्रविशति यो ऽवकीर्यत इन्द्रं बलेन मरुतः प्राणेन बृहस्पतिं ब्रह्मवर्चसेनाग्निम् एवेतरेण सर्वेण

caturdhā ha vā eṣa praviśati yo 'vakīryata indraṃ balena marutaḥ prāṇena bṛhaspatiṃ brahmavarcasenāgnim evetareṇa sarveṇa

Sanskrit only: no published translation is held for this verse.

अथाशुक्रः परिशिष्यते

athāśukraḥ pariśiṣyate

Sanskrit only: no published translation is held for this verse.

तस्यैषा प्रायश्चित्तिः

tasyaiṣā prāyaścittiḥ

Sanskrit only: no published translation is held for this verse.

अमावास्यां रात्रिम् अग्निम् उपसमाधाय परिस्तीर्य परिषिच्यैते आहुती जुहुयात्

amāvāsyāṃ rātrim agnim upasamādhāya paristīrya pariṣicyaite āhutī juhuyāt

Sanskrit only: no published translation is held for this verse.

कामावकीर्णो ऽस्म्य् अवकीर्णो ऽस्मि काम कामाय स्वाहा

kāmāvakīrṇo 'smy avakīrṇo 'smi kāma kāmāya svāhā

Sanskrit only: no published translation is held for this verse.

कामाभिद्रुग्धो ऽस्म्य् अभिद्रुग्धो ऽस्मि काम कामाय स्वाहेति

kāmābhidrugdho 'smy abhidrugdho 'smi kāma kāmāya svāheti

Sanskrit only: no published translation is held for this verse.

सो ऽञ्जलिं कृत्वा त्रिर् उपतिष्ठतु

so 'ñjaliṃ kṛtvā trir upatiṣṭhatu

Sanskrit only: no published translation is held for this verse.

सं मा सिञ्चन्तु मरुतः सम् इन्द्रः सं बृहस्पतिस् सं मायम् अग्निः सिञ्चत्व् आयुषा च बलेन च दीर्घम् आयुः कृणोतु म इति

saṃ mā siñcantu marutaḥ sam indraḥ saṃ bṛhaspatis saṃ māyam agniḥ siñcatv āyuṣā ca balena ca dīrgham āyuḥ kṛṇotu ma iti

Sanskrit only: no published translation is held for this verse.

स यद् आह सं मा सिञ्चन्तु मरुत इति मरुत एवास्मै तत् पुनः प्राणं ददति य एवं वेद तस्मै

sa yad āha saṃ mā siñcantu maruta iti maruta evāsmai tat punaḥ prāṇaṃ dadati ya evaṃ veda tasmai

Sanskrit only: no published translation is held for this verse.

स यद् आह सम् इन्द्र इतीन्द्र एवास्मै तत् पुनर् बलं ददाति य एवं वेद तस्मै

sa yad āha sam indra itīndra evāsmai tat punar balaṃ dadāti ya evaṃ veda tasmai

Sanskrit only: no published translation is held for this verse.

स यद् आह सं बृहस्पतिर् इति बृहस्पतिर् एवास्मै तद् ब्रह्मवर्चसं ददाति य एवं वेद तस्मै

sa yad āha saṃ bṛhaspatir iti bṛhaspatir evāsmai tad brahmavarcasaṃ dadāti ya evaṃ veda tasmai

Sanskrit only: no published translation is held for this verse.

स यद् आह सम् अग्निर् इत्य् अग्निर् एवैनं तत् सर्वेणेतरेण समर्धयति येनावकीर्यमाणो व्यृध्यते

sa yad āha sam agnir ity agnir evainaṃ tat sarveṇetareṇa samardhayati yenāvakīryamāṇo vyṛdhyate

Sanskrit only: no published translation is held for this verse.

स त्रिर् अभिमन्त्रयते

sa trir abhimantrayate

Sanskrit only: no published translation is held for this verse.

त्रय इमे लोकाः

traya ime lokāḥ

Sanskrit only: no published translation is held for this verse.

आप्नोतीमांस् त्रीन् लोकान् सर्वम् आयुर् एत्य् अव पाप्मानं हते गच्छति स्वर्गं लोकम्

āpnotīmāṃs trīn lokān sarvam āyur ety ava pāpmānaṃ hate gacchati svargaṃ lokam

Sanskrit only: no published translation is held for this verse.