Jaiminīya Brāhmaṇa of the Sāmaveda (in part) 1.40

स यं प्रथमं स्रुवम् उन्नयति तद् वै दर्शपूर्णमासयो रूपम्

sa yaṃ prathamaṃ sruvam unnayati tad vai darśapūrṇamāsayo rūpam

Sanskrit only: no published translation is held for this verse.

दर्शपूर्णमासाभ्याम् एवास्येष्टं भवति य एवं विद्वान् प्रथमं स्रुवम् उन्नयति

darśapūrṇamāsābhyām evāsyeṣṭaṃ bhavati ya evaṃ vidvān prathamaṃ sruvam unnayati

Sanskrit only: no published translation is held for this verse.

अथ यं द्वितीयं स्रुवम् उन्नयति तद् वै चातुर्मास्यानां रूपम्

atha yaṃ dvitīyaṃ sruvam unnayati tad vai cāturmāsyānāṃ rūpam

Sanskrit only: no published translation is held for this verse.

चातुर्मास्यैर् एवास्येष्टं भवति य एवं विद्वान् द्वितीयं स्रुवम् उन्नयति

cāturmāsyair evāsyeṣṭaṃ bhavati ya evaṃ vidvān dvitīyaṃ sruvam unnayati

Sanskrit only: no published translation is held for this verse.

अथ यं तृतीयं स्रुवम् उन्नयति तद् वा इष्टिपशुबन्धानां रूपम्

atha yaṃ tṛtīyaṃ sruvam unnayati tad vā iṣṭipaśubandhānāṃ rūpam

Sanskrit only: no published translation is held for this verse.

इष्टिपशुबन्धैर् एवास्येष्टं भवति य एवं विद्वांस् तृतीयं स्रुवम् उन्नयति

iṣṭipaśubandhair evāsyeṣṭaṃ bhavati ya evaṃ vidvāṃs tṛtīyaṃ sruvam unnayati

Sanskrit only: no published translation is held for this verse.

अथ यं चतुर्थं स्रुवम् उन्नयति तद् वै त्र्यम्बकवाजपेयाश्वमेधानां रूपम्

atha yaṃ caturthaṃ sruvam unnayati tad vai tryambakavājapeyāśvamedhānāṃ rūpam

Sanskrit only: no published translation is held for this verse.

त्र्यम्बकवाजपेयाश्वमेधैर् एवास्येष्टं भवति य एवं विद्वांश् चतुर्थं स्रुवम् उन्नयति

tryambakavājapeyāśvamedhair evāsyeṣṭaṃ bhavati ya evaṃ vidvāṃś caturthaṃ sruvam unnayati

Sanskrit only: no published translation is held for this verse.

अथ समिधम् आदाय प्राङ् प्रैति

atha samidham ādāya prāṅ praiti

Sanskrit only: no published translation is held for this verse.

पुरुष इत् समित् तम् अन्नम् इन्द्धे ऽन्नस्य मा तेजसा स्वर्गं लोकं गमय यत्र देवानाम् ऋषीणां प्रियं धाम तत्र म इदम् अग्निहोत्रं गमयेति तूष्णीम् उपसादयति

puruṣa it samit tam annam inddhe 'nnasya mā tejasā svargaṃ lokaṃ gamaya yatra devānām ṛṣīṇāṃ priyaṃ dhāma tatra ma idam agnihotraṃ gamayeti tūṣṇīm upasādayati

Sanskrit only: no published translation is held for this verse.

अथ समिधम् अभ्यादधाति स्वर्गस्य त्वा लोकस्य संक्रमणं हिरण्मयं वंशं दधामि स्वाहेति

atha samidham abhyādadhāti svargasya tvā lokasya saṃkramaṇaṃ hiraṇmayaṃ vaṃśaṃ dadhāmi svāheti

Sanskrit only: no published translation is held for this verse.

अथ जुहोति

atha juhoti

Sanskrit only: no published translation is held for this verse.

स यां प्रथमां जुहोति देवांस् तयाप्नोति

sa yāṃ prathamāṃ juhoti devāṃs tayāpnoti

Sanskrit only: no published translation is held for this verse.

अथ यां द्वितीयां जुहोत्य् ऋषींस् तयाप्नोति

atha yāṃ dvitīyāṃ juhoty ṛṣīṃs tayāpnoti

Sanskrit only: no published translation is held for this verse.