Jaiminīya Brāhmaṇa of the Sāmaveda (in part) 1.46

तस्याग्निर् एवाग्निर् वैश्वानरः

tasyāgnir evāgnir vaiśvānaraḥ

Sanskrit only: no published translation is held for this verse.

तस्यौषधयश् च वनस्पतयश् च समिज् ज्योतिर् एव ज्योतिर् धूम एव धूमो विष्फुलिङ्गा एव विष्फुलिङ्गा अङ्गारा एवाङ्गाराः

tasyauṣadhayaś ca vanaspatayaś ca samij jyotir eva jyotir dhūma eva dhūmo viṣphuliṅgā eva viṣphuliṅgā aṅgārā evāṅgārāḥ

Sanskrit only: no published translation is held for this verse.

तस्मिन्न् एतस्मिन्न् अग्नौ वैश्वानरे ऽहरहर् देवाः पुरुषं जुह्वति

tasminn etasminn agnau vaiśvānare 'harahar devāḥ puruṣaṃ juhvati

Sanskrit only: no published translation is held for this verse.

तस्या आहुतेर् हुतायै पुरुषो ऽमुं लोकं सम्भवति

tasyā āhuter hutāyai puruṣo 'muṃ lokaṃ sambhavati

Sanskrit only: no published translation is held for this verse.

सो ऽस्य लोकः पुनरुत्थायै भवति

so 'sya lokaḥ punarutthāyai bhavati

Sanskrit only: no published translation is held for this verse.

तस्य हैतस्य देवस्याहोरात्रे अर्धमासा मासा ऋतवः संवत्सरो गोप्ता य एष तपति

tasya haitasya devasyāhorātre ardhamāsā māsā ṛtavaḥ saṃvatsaro goptā ya eṣa tapati

Sanskrit only: no published translation is held for this verse.

अहोरात्रे प्रचरे

ahorātre pracare

Sanskrit only: no published translation is held for this verse.

तं हर्तूनाम् एको यः कूटहस्तो रश्मिना प्रत्यवेत्य पृच्छति को ऽसि पुरुषेति

taṃ hartūnām eko yaḥ kūṭahasto raśminā pratyavetya pṛcchati ko 'si puruṣeti

Sanskrit only: no published translation is held for this verse.

स किम् अविद्वान् प्रवृञ्ज्यात्

sa kim avidvān pravṛñjyāt

Sanskrit only: no published translation is held for this verse.

तस्य ह प्रहरति

tasya ha praharati

Sanskrit only: no published translation is held for this verse.

तस्य ह प्रतिराद्धस्य त्रेधा साधुकृत्या विनश्यति

tasya ha pratirāddhasya tredhā sādhukṛtyā vinaśyati

Sanskrit only: no published translation is held for this verse.

स तृतीयम् आदत्ते

sa tṛtīyam ādatte

Sanskrit only: no published translation is held for this verse.

दिशो ऽनु तृतीयम् अप्येति

diśo 'nu tṛtīyam apyeti

Sanskrit only: no published translation is held for this verse.

तृतीयेन सहेमं लोकम् अभ्यवैति

tṛtīyena sahemaṃ lokam abhyavaiti

Sanskrit only: no published translation is held for this verse.

स यो हास्य दानजितो लोको भवति तस्मिन् निरमते

sa yo hāsya dānajito loko bhavati tasmin niramate

Sanskrit only: no published translation is held for this verse.

तम् उ ह वै ततो मृत्युर् एवान्तत आप्नोति

tam u ha vai tato mṛtyur evāntata āpnoti

Sanskrit only: no published translation is held for this verse.

अनवजितो हास्य पुनर्मृत्युर् भवति स य एवंवित् स्यात्

anavajito hāsya punarmṛtyur bhavati sa ya evaṃvit syāt

Sanskrit only: no published translation is held for this verse.

स यदोपतापी स्याद् यत्रास्य समं सुभूमि स्पष्टं स्यात् तद् ब्रूयाद् इह मे ऽग्नीन् मन्थतेति

sa yadopatāpī syād yatrāsya samaṃ subhūmi spaṣṭaṃ syāt tad brūyād iha me 'gnīn manthateti

Sanskrit only: no published translation is held for this verse.

ईश्वरो हागदो भवितोः

īśvaro hāgado bhavitoḥ

Sanskrit only: no published translation is held for this verse.

यद्य् उ तन् न यद् अस्माल् लोकात् प्रेयाद् अथैनम् आददीरन्

yady u tan na yad asmāl lokāt preyād athainam ādadīran

Sanskrit only: no published translation is held for this verse.

नानास्थाल्योर् अग्नी ओप्य हरेयुर् अन्वाहार्यपचनाद् उल्मुकम्

nānāsthālyor agnī opya hareyur anvāhāryapacanād ulmukam

Sanskrit only: no published translation is held for this verse.

आददीरन् यज्ञपात्राणि सर्पिर् अपो दारूण्य् अनुस्तरणीं क्षुरं नखनिकृन्तनम्

ādadīran yajñapātrāṇi sarpir apo dārūṇy anustaraṇīṃ kṣuraṃ nakhanikṛntanam

Sanskrit only: no published translation is held for this verse.

ते यन्ति यत्रास्य समं सुभूमि स्पष्टं भवति

te yanti yatrāsya samaṃ subhūmi spaṣṭaṃ bhavati

Sanskrit only: no published translation is held for this verse.

तद् अस्याग्नीन् विहरन्ति

tad asyāgnīn viharanti

Sanskrit only: no published translation is held for this verse.