Jaiminīya Brāhmaṇa of the Sāmaveda (in part) 1.47

अथास्यां दिशि कूपं खात्वा वपन्ति केशश्मश्रूणि

athāsyāṃ diśi kūpaṃ khātvā vapanti keśaśmaśrūṇi

Sanskrit only: no published translation is held for this verse.

उप्त्वा केशश्मश्रूणि नखान् निकृन्तन्ति

uptvā keśaśmaśrūṇi nakhān nikṛntanti

Sanskrit only: no published translation is held for this verse.

नखान् निकृत्य निरान्त्रं कुर्वन्ति

nakhān nikṛtya nirāntraṃ kurvanti

Sanskrit only: no published translation is held for this verse.

निरान्त्रं कृत्वा निष्पुरीषं कुर्वन्ति

nirāntraṃ kṛtvā niṣpurīṣaṃ kurvanti

Sanskrit only: no published translation is held for this verse.

निष्पुरीषं कृत्वा पांसुभिः कूपे पुरीषम् अभिसंवपन्ति

niṣpurīṣaṃ kṛtvā pāṃsubhiḥ kūpe purīṣam abhisaṃvapanti

Sanskrit only: no published translation is held for this verse.

पाप्मानम् एवास्य तत् प्रच्छादयन्ति

pāpmānam evāsya tat pracchādayanti

Sanskrit only: no published translation is held for this verse.

प्रक्षाल्यान्त्राणि प्रत्यवधायैनम् आहरन्ति

prakṣālyāntrāṇi pratyavadhāyainam āharanti

Sanskrit only: no published translation is held for this verse.

तम् अन्तरेणाग्नीन् निधाय गार्हपत्य आज्यं विलाप्योत्पूय चतुर्गृहीतं गृहीत्वा गत्वाहवनीये समिद्वत्य् अन्वारब्धे जुहोति

tam antareṇāgnīn nidhāya gārhapatya ājyaṃ vilāpyotpūya caturgṛhītaṃ gṛhītvā gatvāhavanīye samidvaty anvārabdhe juhoti

Sanskrit only: no published translation is held for this verse.

अयं वै त्वद् अस्माद् असि त्वम् एतद् अयं ते योनिर् अस्य योनिस् त्वं पिता पुत्राय लोककृज् जातवेदो नया ह्य् एनं सुकृतां यत्र लोको ऽस्माद् वै त्वम् अजायथा एष त्वज् जायतां स्वाहेति

ayaṃ vai tvad asmād asi tvam etad ayaṃ te yonir asya yonis tvaṃ pitā putrāya lokakṛj jātavedo nayā hy enaṃ sukṛtāṃ yatra loko 'smād vai tvam ajāyathā eṣa tvaj jāyatāṃ svāheti

Sanskrit only: no published translation is held for this verse.

सो ऽत आहुतिमयो मनोमयः प्राणमयश् चक्षुर्मयः श्रोत्रमयो वाङ्मय ऋङ्मयो यजुर्मयः साममयो ब्रह्ममयो हिरण्मयो ऽमृतः सम्भवति

so 'ta āhutimayo manomayaḥ prāṇamayaś cakṣurmayaḥ śrotramayo vāṅmaya ṛṅmayo yajurmayaḥ sāmamayo brahmamayo hiraṇmayo 'mṛtaḥ sambhavati

Sanskrit only: no published translation is held for this verse.