Jaiminīya Brāhmaṇa of the Sāmaveda (in part) 1.48

अथैतां चितां चिन्वन्ति

athaitāṃ citāṃ cinvanti

Sanskrit only: no published translation is held for this verse.

तस्याम् एनम् आदधति

tasyām enam ādadhati

Sanskrit only: no published translation is held for this verse.

तस्य नासिकयोः स्रुवौ निदध्याद् दक्षिणहस्ते जुहूं सव्य उपभृतम् उरसि ध्रुवां मुखे ऽग्निहोत्रहवणीं शीर्षतश् चमसम् इडोपहवनं कर्णयोः प्राशित्रहरणे उदरे पात्रीं समवत्तधानीम् आण्डयोर् दृषदुपले शिश्ने शम्याम् उपस्थे कृष्णाजिनम् अनुपृष्ठं स्फ्यं पार्श्वयोर् मुसले च शूर्पे च पत्त उलूखलम्

tasya nāsikayoḥ sruvau nidadhyād dakṣiṇahaste juhūṃ savya upabhṛtam urasi dhruvāṃ mukhe 'gnihotrahavaṇīṃ śīrṣataś camasam iḍopahavanaṃ karṇayoḥ prāśitraharaṇe udare pātrīṃ samavattadhānīm āṇḍayor dṛṣadupale śiśne śamyām upasthe kṛṣṇājinam anupṛṣṭhaṃ sphyaṃ pārśvayor musale ca śūrpe ca patta ulūkhalam

Sanskrit only: no published translation is held for this verse.

परिशिष्टानि यज्ञपात्राण्य् उपरि दधति

pariśiṣṭāni yajñapātrāṇy upari dadhati

Sanskrit only: no published translation is held for this verse.

अपो मृन्मयान्य् अभ्यवहरन्ति ददत्य् एवायस्मयानि

apo mṛnmayāny abhyavaharanti dadaty evāyasmayāni

Sanskrit only: no published translation is held for this verse.

अथैनं सर्पिषाभ्युत्पूरयन्ति

athainaṃ sarpiṣābhyutpūrayanti

Sanskrit only: no published translation is held for this verse.

यज्ञपात्रेषु सर्पिर् आसिञ्चन्ति

yajñapātreṣu sarpir āsiñcanti

Sanskrit only: no published translation is held for this verse.