Library·Jaiminīya Brāhmaṇa of the Sāmaveda (in part)·1·1.52
तद् उ हैके छादिमुष्टिम् एव निवपन्तो यन्ति गार्हपत्याद् आ आहवनीयाद् इदं विष्णुर् विचक्रम इत्य् एतयर्चा
tad u haike chādimuṣṭim eva nivapanto yanti gārhapatyād ā āhavanīyād idaṃ viṣṇur vicakrama ity etayarcā
Sanskrit only: no published translation is held for this verse.
तद् उ तथा न कुर्यात्
tad u tathā na kuryāt
Sanskrit only: no published translation is held for this verse.
यो ह तत्र ब्रूयाद् आसान् न्वा अयं यजमानस्यावाप्सीत् क्षिप्रे परान् आसान् आवप्स्यते ज्येष्ठगृह्यं रोत्स्यतीति तथा हैव स्यात्
yo ha tatra brūyād āsān nvā ayaṃ yajamānasyāvāpsīt kṣipre parān āsān āvapsyate jyeṣṭhagṛhyaṃ rotsyatīti tathā haiva syāt
Sanskrit only: no published translation is held for this verse.
इत्थम् एव कुर्यात्
ittham eva kuryāt
Sanskrit only: no published translation is held for this verse.
उदपात्रं वैवोदकमण्डलुं वादाय गार्हपत्याद् आ आहवनीयान् निनयन्न् इयाद् इदं विष्णुर् विचक्रम इत्य् एतयैवर्चा
udapātraṃ vaivodakamaṇḍaluṃ vādāya gārhapatyād ā āhavanīyān ninayann iyād idaṃ viṣṇur vicakrama ity etayaivarcā
Sanskrit only: no published translation is held for this verse.
देवपवित्रं वा एतद् यद् ऋक्
devapavitraṃ vā etad yad ṛk
Sanskrit only: no published translation is held for this verse.
देवपवित्रम् एतद् यद् आपः
devapavitram etad yad āpaḥ
Sanskrit only: no published translation is held for this verse.
तद् यद् एवात्र यज्ञस्याशान्तं भवति यद् अमेध्यम् आपो वै तस्य सर्वस्य शान्तिः
tad yad evātra yajñasyāśāntaṃ bhavati yad amedhyam āpo vai tasya sarvasya śāntiḥ
Sanskrit only: no published translation is held for this verse.
अद्भिर् एवैनत् तच्छमयन्ति
adbhir evainat tacchamayanti
Sanskrit only: no published translation is held for this verse.