Jaiminīya Brāhmaṇa of the Sāmaveda (in part) 1.53

तद् आहुर् यद् एतस्य दीर्घसत्त्रिणो ऽग्निहोत्रं जुह्वतो ऽग्निहोत्रं दुह्यमानं स्कन्देत् किं तत्र कर्म का प्रायश्चित्तिर् इति

tad āhur yad etasya dīrghasattriṇo 'gnihotraṃ juhvato 'gnihotraṃ duhyamānaṃ skandet kiṃ tatra karma kā prāyaścittir iti

Sanskrit only: no published translation is held for this verse.

यद् एव तत्र स्थाल्यां परिशिष्टं स्यात् तेन जुहुयात्

yad eva tatra sthālyāṃ pariśiṣṭaṃ syāt tena juhuyāt

Sanskrit only: no published translation is held for this verse.

यद्य् उ नीची स्थाली स्याद् अपि वा भिद्येत किं तत्र कर्म का प्रायश्चित्तिर् इति

yady u nīcī sthālī syād api vā bhidyeta kiṃ tatra karma kā prāyaścittir iti

Sanskrit only: no published translation is held for this verse.

स्कन्नप्रायश्चित्त्यैवाभिमृश्य अस्कन्न् अधित इत्य् अथ यद् अन्यद् विन्देत् तेन जुहुयात्

skannaprāyaścittyaivābhimṛśya askann adhita ity atha yad anyad vindet tena juhuyāt

Sanskrit only: no published translation is held for this verse.

यदा वै स्कन्दत्य् अथ धीयते

yadā vai skandaty atha dhīyate

Sanskrit only: no published translation is held for this verse.

रेतो वै पयो योनिर् इयम्

reto vai payo yonir iyam

Sanskrit only: no published translation is held for this verse.

योन्याम् एवैतद् रेतः प्रतिष्ठापयति

yonyām evaitad retaḥ pratiṣṭhāpayati

Sanskrit only: no published translation is held for this verse.

अनुष्ठ्यास्य रेतः सिक्तं प्रजायते य एवं वेद

anuṣṭhyāsya retaḥ siktaṃ prajāyate ya evaṃ veda

Sanskrit only: no published translation is held for this verse.

अमुतो वै पर्जन्यः स्कन्दतीहौषधयो वनस्पतयो जायन्ते

amuto vai parjanyaḥ skandatīhauṣadhayo vanaspatayo jāyante

Sanskrit only: no published translation is held for this verse.

पुरुषाद् रेतः स्कन्दति पशुभ्यः

puruṣād retaḥ skandati paśubhyaḥ

Sanskrit only: no published translation is held for this verse.

तत इदं सर्वं प्रजातम्

tata idaṃ sarvaṃ prajātam

Sanskrit only: no published translation is held for this verse.

स विद्याद् उप मा देवाः प्राभूवन् प्रजातिर् मे भूयस्य् अभूच् छ्रेयान् भविष्यामीति तथा हैव स्यात्

sa vidyād upa mā devāḥ prābhūvan prajātir me bhūyasy abhūc chreyān bhaviṣyāmīti tathā haiva syāt

Sanskrit only: no published translation is held for this verse.

अथो यत्रैतत् स्कन्नं तद् उदपात्रं वैवोदकमण्डलुं वोपनिनयेद् भूर् भुवः स्वर् इत्य् एताभिर् व्याहृतिभिः

atho yatraitat skannaṃ tad udapātraṃ vaivodakamaṇḍaluṃ vopaninayed bhūr bhuvaḥ svar ity etābhir vyāhṛtibhiḥ

Sanskrit only: no published translation is held for this verse.

एता वै व्याहृतयः सर्वप्रायश्चित्तयः

etā vai vyāhṛtayaḥ sarvaprāyaścittayaḥ

Sanskrit only: no published translation is held for this verse.

तद् अनेन सर्वेण प्रायश्चित्तिं कुरुते

tad anena sarveṇa prāyaścittiṃ kurute

Sanskrit only: no published translation is held for this verse.