Jaiminīya Brāhmaṇa of the Sāmaveda (in part) 1.54

अथैतानि कपालानि संचित्य यत्राहवनीयस्य भस्मोद्धृतं स्यात् तद् उपनिकिरेत्

athaitāni kapālāni saṃcitya yatrāhavanīyasya bhasmoddhṛtaṃ syāt tad upanikiret

Sanskrit only: no published translation is held for this verse.

एतद् एवात्र कर्म

etad evātra karma

Sanskrit only: no published translation is held for this verse.

अथो खल्व् आहुर् यत् प्राच उद्द्रुतस्य स्कन्देत् किं तत्र कर्म का प्रायश्चित्तिर् इति

atho khalv āhur yat prāca uddrutasya skandet kiṃ tatra karma kā prāyaścittir iti

Sanskrit only: no published translation is held for this verse.

यद् एव तत्र स्रुचि परिशिष्टं स्यात् तेन जुहुयात्

yad eva tatra sruci pariśiṣṭaṃ syāt tena juhuyāt

Sanskrit only: no published translation is held for this verse.

यद्य् उ नीची स्रुक् स्याद् अपि वा भिद्येत किं तत्र कर्म का प्रायश्चित्तिर् इति

yady u nīcī sruk syād api vā bhidyeta kiṃ tatra karma kā prāyaścittir iti

Sanskrit only: no published translation is held for this verse.

तस्योक्तः प्रत्यभिमर्शः

tasyoktaḥ pratyabhimarśaḥ

Sanskrit only: no published translation is held for this verse.

तद् उ हैके तत एव प्रत्येत्योन्नयन्ति

tad u haike tata eva pratyetyonnayanti

Sanskrit only: no published translation is held for this verse.

तद् उ तथा न कुर्यात्

tad u tathā na kuryāt

Sanskrit only: no published translation is held for this verse.

यो ह तत्र ब्रूयाद् यद् अनेनाग्निहोत्रेणाचिकीर्षीन् न्यवृतत् तस्मान् नास्येदं स्वर्ग्यम् इव भविष्यतीति तथा हैव स्यात्

yo ha tatra brūyād yad anenāgnihotreṇācikīrṣīn nyavṛtat tasmān nāsyedaṃ svargyam iva bhaviṣyatīti tathā haiva syāt

Sanskrit only: no published translation is held for this verse.

इत्थम् एव कुर्यात्

ittham eva kuryāt

Sanskrit only: no published translation is held for this verse.

यत्रैव स्कन्देत् तद् उपविशेत्

yatraiva skandet tad upaviśet

Sanskrit only: no published translation is held for this verse.

अथास्मिन् स्थालीम् आहरेयुः स्रुवं च स्रुचं च निर्णिज्य

athāsmin sthālīm āhareyuḥ sruvaṃ ca srucaṃ ca nirṇijya

Sanskrit only: no published translation is held for this verse.

तद् अद एवास्योन्नेष्यामीत्य् उक्तं भवति

tad ada evāsyonneṣyāmīty uktaṃ bhavati

Sanskrit only: no published translation is held for this verse.

अथ यथोन्नीतम् उन्नीय समिधम् आदाय प्राक् प्रेयात्

atha yathonnītam unnīya samidham ādāya prāk preyāt

Sanskrit only: no published translation is held for this verse.

तद् यथा प्रत्युत्थायामित्रान् पचेद् एवम् एवैतद् अवृत्तिं पाप्मानम् अपहत्याहुतिं प्राप्नोति

tad yathā pratyutthāyāmitrān paced evam evaitad avṛttiṃ pāpmānam apahatyāhutiṃ prāpnoti

Sanskrit only: no published translation is held for this verse.

तद् उ हैक उपेव लभन्ते ऽहुतं तस्य यस्याग्निहोत्रोच्छिष्टेन जुह्वति यातयामं ह्य् एतद् इति वदन्तः

tad u haika upeva labhante 'hutaṃ tasya yasyāgnihotrocchiṣṭena juhvati yātayāmaṃ hy etad iti vadantaḥ

Sanskrit only: no published translation is held for this verse.

तद् उ तथा न विद्यात्

tad u tathā na vidyāt

Sanskrit only: no published translation is held for this verse.

यदा वा एतद् अयातयामं भवत्य् अथैतस्यापि हविरातञ्चनं कुर्वन्ति

yadā vā etad ayātayāmaṃ bhavaty athaitasyāpi havirātañcanaṃ kurvanti

Sanskrit only: no published translation is held for this verse.