Jaiminīya Brāhmaṇa of the Sāmaveda (in part) 1.67

अस्थूरिर् वा एष यज्ञः पुरुषसम्मितः

asthūrir vā eṣa yajñaḥ puruṣasammitaḥ

Sanskrit only: no published translation is held for this verse.

यत्काम एनम् आहरते सम् अस्मै काम ऋध्यते

yatkāma enam āharate sam asmai kāma ṛdhyate

Sanskrit only: no published translation is held for this verse.

अस्थूरिणा हि तत्र गच्छति यत्र जिगमिषति

asthūriṇā hi tatra gacchati yatra jigamiṣati

Sanskrit only: no published translation is held for this verse.

प्रजापतिर् यत् प्रजा असृजत ता अग्निष्टोमेनासृजत

prajāpatir yat prajā asṛjata tā agniṣṭomenāsṛjata

Sanskrit only: no published translation is held for this verse.

दशमेन च वै स ता अग्निष्टोमस्य स्तोत्रेणासृजत दशमेन च मासा संवत्सरस्य

daśamena ca vai sa tā agniṣṭomasya stotreṇāsṛjata daśamena ca māsā saṃvatsarasya

Sanskrit only: no published translation is held for this verse.

तद् द्वादशेन चैवाग्निष्टोमस्य स्तोत्रेण पर्यगृह्णाद् द्वादशेन च मासा संवत्सरस्य

tad dvādaśena caivāgniṣṭomasya stotreṇa paryagṛhṇād dvādaśena ca māsā saṃvatsarasya

Sanskrit only: no published translation is held for this verse.

तस्मात् पशवो दश मासो गर्भान् बिभ्रति

tasmāt paśavo daśa māso garbhān bibhrati

Sanskrit only: no published translation is held for this verse.

त एकादशम् अनुप्रजायन्ते

ta ekādaśam anuprajāyante

Sanskrit only: no published translation is held for this verse.

न काचन द्वादशम् अतिहरति परिगृहीता हि तेन

na kācana dvādaśam atiharati parigṛhītā hi tena

Sanskrit only: no published translation is held for this verse.

तासां परिगृहीतानाम् अश्वतरो ऽत्यप्लवत

tāsāṃ parigṛhītānām aśvataro 'tyaplavata

Sanskrit only: no published translation is held for this verse.

तस्यानुहाय रेत आदत्त

tasyānuhāya reta ādatta

Sanskrit only: no published translation is held for this verse.

तद् गर्दभे न्यमार्ट् तद् वडबायां तत् पशुषु तद् ओषधीषु

tad gardabhe nyamārṭ tad vaḍabāyāṃ tat paśuṣu tad oṣadhīṣu

Sanskrit only: no published translation is held for this verse.

तस्माद् गर्दभो द्विरेतास् तस्माद् वडबा द्विरेताः

tasmād gardabho dviretās tasmād vaḍabā dviretāḥ

Sanskrit only: no published translation is held for this verse.

तस्मात् पशवो द्वौ द्वौ जनयन्ति

tasmāt paśavo dvau dvau janayanti

Sanskrit only: no published translation is held for this verse.

तस्माद् ओषधयो ऽनभ्यक्ता रेभन्ति

tasmād oṣadhayo 'nabhyaktā rebhanti

Sanskrit only: no published translation is held for this verse.

तस्माद् अश्वतरो बर्हिषि न देयो ऽति ह्य् अप्लवताप ह्य् अक्रामत् आत्तरेता ह्य् अप्रजा हि

tasmād aśvataro barhiṣi na deyo 'ti hy aplavatāpa hy akrāmat āttaretā hy aprajā hi

Sanskrit only: no published translation is held for this verse.

षोडशिनः स्तोत्रे देयः

ṣoḍaśinaḥ stotre deyaḥ

Sanskrit only: no published translation is held for this verse.

अतिरिक्तो वै षोडशी स्तोत्राणाम् अतिरिक्तो ऽश्वतरः पशूनाम्

atirikto vai ṣoḍaśī stotrāṇām atirikto 'śvataraḥ paśūnām

Sanskrit only: no published translation is held for this verse.

अतिरिक्त एव तद् अतिरिक्तं दधति यज्ञस्य सलोमतायै

atirikta eva tad atiriktaṃ dadhati yajñasya salomatāyai

Sanskrit only: no published translation is held for this verse.

स य एवं विद्वान् अग्निष्टोमेनोद्गायति प्राजाताः प्रजा जनयति परि प्रजाता गृह्णाति

sa ya evaṃ vidvān agniṣṭomenodgāyati prājātāḥ prajā janayati pari prajātā gṛhṇāti

Sanskrit only: no published translation is held for this verse.

ज्येष्ठयज्ञो वा एष प्रजापतियज्ञो यद् अग्निष्टोमः

jyeṣṭhayajño vā eṣa prajāpatiyajño yad agniṣṭomaḥ

Sanskrit only: no published translation is held for this verse.

अश्नुते ज्यैष्ठ्यं श्रैष्ठ्यं य एवं वेद

aśnute jyaiṣṭhyaṃ śraiṣṭhyaṃ ya evaṃ veda

Sanskrit only: no published translation is held for this verse.