Library·Jaiminīya Brāhmaṇa of the Sāmaveda (in part)·1·1.69
स उदराद् एव मध्यतः सप्तदशं स्तोमम् असृजत जगतीं छन्दो वामदेव्यं साम विश्वान् देवान् देवतां वैश्यं मनुष्यं गां पशुम्
sa udarād eva madhyataḥ saptadaśaṃ stomam asṛjata jagatīṃ chando vāmadevyaṃ sāma viśvān devān devatāṃ vaiśyaṃ manuṣyaṃ gāṃ paśum
Sanskrit only: no published translation is held for this verse.
तस्माद् वैश्यो जगतीच्छन्दा वैश्वदेवो देवतया
tasmād vaiśyo jagatīcchandā vaiśvadevo devatayā
Sanskrit only: no published translation is held for this verse.
तस्माद् उ प्रजनिष्णुर् उदराद्ध्य् एनं प्रजननाद् असृजत
tasmād u prajaniṣṇur udarāddhy enaṃ prajananād asṛjata
Sanskrit only: no published translation is held for this verse.
सो ऽकामयत प्रैव जायेयेति
so 'kāmayata praiva jāyeyeti
Sanskrit only: no published translation is held for this verse.
स पद्भ्याम् एव प्रतिष्ठाया एकविंशं स्तोमम् असृजतानुष्टुभं छन्दो यज्ञायज्ञीयं साम न कांचन देवतां शूद्रं मनुष्यम् अविं पशुम्
sa padbhyām eva pratiṣṭhāyā ekaviṃśaṃ stomam asṛjatānuṣṭubhaṃ chando yajñāyajñīyaṃ sāma na kāṃcana devatāṃ śūdraṃ manuṣyam aviṃ paśum
Sanskrit only: no published translation is held for this verse.
तस्माच्छूद्रो ऽनुष्टुप्छन्दा वेश्मपतिदेवः
tasmācchūdro 'nuṣṭupchandā veśmapatidevaḥ
Sanskrit only: no published translation is held for this verse.
तस्माद् उ पादावनेज्येनैव जिजीविषति पद्भ्यां ह्य् एनं प्रतिष्ठाया असृजत
tasmād u pādāvanejyenaiva jijīviṣati padbhyāṃ hy enaṃ pratiṣṭhāyā asṛjata
Sanskrit only: no published translation is held for this verse.
एतया वै सृष्ट्या प्रजापतिः प्रजा असृजत
etayā vai sṛṣṭyā prajāpatiḥ prajā asṛjata
Sanskrit only: no published translation is held for this verse.
स य एतद् एवं वेद भूमानम् एव प्रजया पशुभिर् गच्छति
sa ya etad evaṃ veda bhūmānam eva prajayā paśubhir gacchati
Sanskrit only: no published translation is held for this verse.
तस्माद्वेतं यज्ञं भूयिष्ठं प्रशंसन्ति यद् अग्निष्टोमं प्रजापतियज्ञो ह्य् एषः
tasmādvetaṃ yajñaṃ bhūyiṣṭhaṃ praśaṃsanti yad agniṣṭomaṃ prajāpatiyajño hy eṣaḥ
Sanskrit only: no published translation is held for this verse.