Jaiminīya Brāhmaṇa of the Sāmaveda (in part) 1.75

कुसुर्बिन्दो हौद्दालकिः सोमानाम् उज्जगौ

kusurbindo hauddālakiḥ somānām ujjagau

Sanskrit only: no published translation is held for this verse.

तम् उ हासितमृगा इति कश्यपानां पुत्रा ऊचुः को नु नो ऽयं नृशंसको ऽन्त उद्गायत्य् एत इमम् अनुव्याहरिष्याम इति

tam u hāsitamṛgā iti kaśyapānāṃ putrā ūcuḥ ko nu no 'yaṃ nṛśaṃsako 'nta udgāyaty eta imam anuvyāhariṣyāma iti

Sanskrit only: no published translation is held for this verse.

ते ऽनुव्याहरिष्यन्त आस्तावम् उपसेदुः

te 'nuvyāhariṣyanta āstāvam upaseduḥ

Sanskrit only: no published translation is held for this verse.

स होवाच नमो ब्राह्मणा अस्तु पुरा वा अहम् अद्य प्रातरनुवाकाद् गायत्रेण विश्वरूपासु यज्ञं समस्थापयं स यथा गोभिर् गवायम् इत्वा श्रमणम् अबलम् अनुसंनुदेद् एवं वावेदं यज्ञशरीरम् अनुसंनुदाम इति

sa hovāca namo brāhmaṇā astu purā vā aham adya prātaranuvākād gāyatreṇa viśvarūpāsu yajñaṃ samasthāpayaṃ sa yathā gobhir gavāyam itvā śramaṇam abalam anusaṃnuded evaṃ vāvedaṃ yajñaśarīram anusaṃnudāma iti

Sanskrit only: no published translation is held for this verse.

ते होत्थाय प्रवव्रजुर् नमो ऽस्मै ब्राह्मणायास्तु विदां वा अयम् इदं चकारेति

te hotthāya pravavrajur namo 'smai brāhmaṇāyāstu vidāṃ vā ayam idaṃ cakāreti

Sanskrit only: no published translation is held for this verse.

पुरा ह वा अस्य प्रातरनुवाकाद् गायत्रेण विश्वरूपासु यज्ञः संस्थितो भवति य एवं वेद

purā ha vā asya prātaranuvākād gāyatreṇa viśvarūpāsu yajñaḥ saṃsthito bhavati ya evaṃ veda

Sanskrit only: no published translation is held for this verse.