Jaiminīya Brāhmaṇa of the Sāmaveda (in part) 1.76

तद् आहुर् अध्वर्यो किं स्तुतं स्तोत्रं होता प्रातरनुवाकेनान्वशंसीद् इति

tad āhur adhvaryo kiṃ stutaṃ stotraṃ hotā prātaranuvākenānvaśaṃsīd iti

Sanskrit only: no published translation is held for this verse.

अकर्म वयं तद् यद् अस्माकं कर्मेत्य् आह होतारं पृच्छतेति

akarma vayaṃ tad yad asmākaṃ karmety āha hotāraṃ pṛcchateti

Sanskrit only: no published translation is held for this verse.

होतः किं स्तुतं स्तोत्रं प्रातरनुवाकेनान्वशंसीर् इति

hotaḥ kiṃ stutaṃ stotraṃ prātaranuvākenānvaśaṃsīr iti

Sanskrit only: no published translation is held for this verse.

अकर्म वयं तद् यद् अस्माकं कर्मेत्य् आहोद्गातारं पृच्छतेति

akarma vayaṃ tad yad asmākaṃ karmety āhodgātāraṃ pṛcchateti

Sanskrit only: no published translation is held for this verse.

उद्गातः किं स्तुतं स्तोत्रं होता प्रातरनुवाकेनान्वशंसीद् इति

udgātaḥ kiṃ stutaṃ stotraṃ hotā prātaranuvākenānvaśaṃsīd iti

Sanskrit only: no published translation is held for this verse.

अकर्म वयं तद् यद् अस्माकं कर्मेति ब्रूयाद् अगासिष्म यद् अत्र गेयम् इति

akarma vayaṃ tad yad asmākaṃ karmeti brūyād agāsiṣma yad atra geyam iti

Sanskrit only: no published translation is held for this verse.

तं यदि ब्रूयुस् तमांसि वा अगासीर् न ज्योतींषीति ज्योतींष्य् एवाहम् अगासिषम् इति ब्रूयान् न तमांसीति

taṃ yadi brūyus tamāṃsi vā agāsīr na jyotīṃṣīti jyotīṃṣy evāham agāsiṣam iti brūyān na tamāṃsīti

Sanskrit only: no published translation is held for this verse.

ज्योतिस् तद् यद् ऋक्

jyotis tad yad ṛk

Sanskrit only: no published translation is held for this verse.

ज्योतिस् तद् यत् साम

jyotis tad yat sāma

Sanskrit only: no published translation is held for this verse.

ज्योतिस् तद् यद् देवता

jyotis tad yad devatā

Sanskrit only: no published translation is held for this verse.

एतानि वा अहम् ज्योतींष्य् अगासिषं युष्मान् एव तमसा पाप्मना विध्यानीति

etāni vā aham jyotīṃṣy agāsiṣaṃ yuṣmān eva tamasā pāpmanā vidhyānīti

Sanskrit only: no published translation is held for this verse.

तमसा चैवैनांस् तत् पाप्मना च विध्यति

tamasā caivaināṃs tat pāpmanā ca vidhyati

Sanskrit only: no published translation is held for this verse.