Jaiminīya Brāhmaṇa of the Sāmaveda (in part) 1.79

संमुखान् ग्राव्णः कृत्वाभिमृशति श्येना अजिरा ऋतस्य गर्भाः प्रयुतो नपातः पर्वतानां ककुभ आ नस् तं वीरं वहत यं बहव उपजीवामो ऽभिशस्तिकृतम् अनभिशस्तेन्यम् अन्यस्याभिशस्त्याः कर्तारम् इति

saṃmukhān grāvṇaḥ kṛtvābhimṛśati śyenā ajirā ṛtasya garbhāḥ prayuto napātaḥ parvatānāṃ kakubha ā nas taṃ vīraṃ vahata yaṃ bahava upajīvāmo 'bhiśastikṛtam anabhiśastenyam anyasyābhiśastyāḥ kartāram iti

Sanskrit only: no published translation is held for this verse.

आ हैवास्य वीरो जायते ऽभिशस्तिकृद् अनभिशस्तेन्यो ऽन्यस्याभिशस्त्याः कर्ता

ā haivāsya vīro jāyate 'bhiśastikṛd anabhiśastenyo 'nyasyābhiśastyāḥ kartā

Sanskrit only: no published translation is held for this verse.

द्रोणकलशम् अध्यूहतीदम् अहं मां ब्रह्मवर्चसे ऽध्यूहामीति

droṇakalaśam adhyūhatīdam ahaṃ māṃ brahmavarcase 'dhyūhāmīti

Sanskrit only: no published translation is held for this verse.

यद्य् अस्यावरुद्धो राजन्यः स्याद् विमुखान् ग्राव्णः कृत्वा तूष्णीं द्रोणकलशम् अध्यूह्य तम् अवह्वारयन् दक्षिणा निरूहेद् इदम् अहम् अमुं विशो निरूहामीदम् अस्य राष्ट्रं न्युब्जामीति न्यञ्चं द्रोणकलशं न्युब्जेत्

yady asyāvaruddho rājanyaḥ syād vimukhān grāvṇaḥ kṛtvā tūṣṇīṃ droṇakalaśam adhyūhya tam avahvārayan dakṣiṇā nirūhed idam aham amuṃ viśo nirūhāmīdam asya rāṣṭraṃ nyubjāmīti nyañcaṃ droṇakalaśaṃ nyubjet

Sanskrit only: no published translation is held for this verse.

सम्मुखान् ग्राव्णः कृत्वा यो ऽस्य राजन्यः स्यात् तस्य नाम गृहीत्वा द्रोणकलशम् अध्यूहेद् इदम् अहम् अमुं विश्य् अध्यूहामीति

sammukhān grāvṇaḥ kṛtvā yo 'sya rājanyaḥ syāt tasya nāma gṛhītvā droṇakalaśam adhyūhed idam aham amuṃ viśy adhyūhāmīti

Sanskrit only: no published translation is held for this verse.

अपेतरो रुध्यते ऽवेतरो गच्छति

apetaro rudhyate 'vetaro gacchati

Sanskrit only: no published translation is held for this verse.

स यद्य् एनम् अवगत्य नाद्रियेत तं कामयेतात्रैवान्तरवरुद्धो ऽस्त्व् इति

sa yady enam avagatya nādriyeta taṃ kāmayetātraivāntaravaruddho 'stv iti

Sanskrit only: no published translation is held for this verse.

विमुखान् ग्राव्णः कृत्वा तूष्णीं द्रोणकलशम् अध्यूह्योपांशुसवन इति ग्रावा तम् उपरिष्टाद् अभिनिदध्याद् इदम् अहम् अमुष्मिन् विशम् अध्यूहामीति

vimukhān grāvṇaḥ kṛtvā tūṣṇīṃ droṇakalaśam adhyūhyopāṃśusavana iti grāvā tam upariṣṭād abhinidadhyād idam aham amuṣmin viśam adhyūhāmīti

Sanskrit only: no published translation is held for this verse.

अभिप्रक्षीणानाहीनं विट् तिष्ठति

abhiprakṣīṇānāhīnaṃ viṭ tiṣṭhati

Sanskrit only: no published translation is held for this verse.

स यद्य् एनं विदित्वोपधावेद् अस्मिन् वावेदं ब्राह्मणे ऽध्य् आस यद् इदम् अस्येव च नेव चेति सम्मुखान् ग्राव्णः कृत्वा द्रोणकलशम् अध्यूहेद् इदम् अहम् अमुं विश्य् अध्यूहामीति

sa yady enaṃ viditvopadhāved asmin vāvedaṃ brāhmaṇe 'dhy āsa yad idam asyeva ca neva ceti sammukhān grāvṇaḥ kṛtvā droṇakalaśam adhyūhed idam aham amuṃ viśy adhyūhāmīti

Sanskrit only: no published translation is held for this verse.

ईशे स्वानाम् अपैनं स्वाश् चायन्त्य् अनन्तरवरुद्धो भवति

īśe svānām apainaṃ svāś cāyanty anantaravaruddho bhavati

Sanskrit only: no published translation is held for this verse.