Jaiminīya Brāhmaṇa of the Sāmaveda (in part) 1.81

स यत् प्रथमम् अपाहन् सा कृष्णाविरभवत्

sa yat prathamam apāhan sā kṛṣṇāvirabhavat

Sanskrit only: no published translation is held for this verse.

यद् द्वितीयम् अपाहन् सा धूम्राविरभवत्

yad dvitīyam apāhan sā dhūmrāvirabhavat

Sanskrit only: no published translation is held for this verse.

यत् तृतीयम् अपाहन् सा फल्गुन्य् अविरभवत्

yat tṛtīyam apāhan sā phalguny avirabhavat

Sanskrit only: no published translation is held for this verse.

स यं कामयेत पापीयान् स्याद् इति कृष्णम् अस्य पवित्रे ऽप्यस्येत् पापीयान् एव भवति

sa yaṃ kāmayeta pāpīyān syād iti kṛṣṇam asya pavitre 'pyasyet pāpīyān eva bhavati

Sanskrit only: no published translation is held for this verse.

अथ यं कामयेत नार्वाङ् न परः स्याद् इति धूम्रम् अस्य पवित्रे ऽप्यस्येन् नैवार्वाङ् न परो भवति

atha yaṃ kāmayeta nārvāṅ na paraḥ syād iti dhūmram asya pavitre 'pyasyen naivārvāṅ na paro bhavati

Sanskrit only: no published translation is held for this verse.

अथ यं कामयेत श्रेयान् स्याद् रुचम् अश्नुवीतेति फल्गुनम् अस्य पवित्रं कुर्याच्छ्रेयान् एव भवति रुचम् अश्नुते

atha yaṃ kāmayeta śreyān syād rucam aśnuvīteti phalgunam asya pavitraṃ kuryācchreyān eva bhavati rucam aśnute

Sanskrit only: no published translation is held for this verse.

अस्ति हि तत्राप्य् आदित्यस्य न्यक्तं

asti hi tatrāpy ādityasya nyaktaṃ

Sanskrit only: no published translation is held for this verse.

तद् अन्तरेषे अवहृत्य संमार्ष्टि वसवस् त्वा संमृजन्तु गायत्रेण छन्दसा रुद्रास् त्वा संमृजन्तु त्रैष्टुभेन छन्दसादित्यास् त्वा संमृजन्तु जागतेन छन्दसेति

tad antareṣe avahṛtya saṃmārṣṭi vasavas tvā saṃmṛjantu gāyatreṇa chandasā rudrās tvā saṃmṛjantu traiṣṭubhena chandasādityās tvā saṃmṛjantu jāgatena chandaseti

Sanskrit only: no published translation is held for this verse.

तद् उदीचीनदशं पवित्रवत्या वितनोति पवित्रं ते विततं ब्रह्मणस्पत इति समष्ट्यै

tad udīcīnadaśaṃ pavitravatyā vitanoti pavitraṃ te vitataṃ brahmaṇaspata iti samaṣṭyai

Sanskrit only: no published translation is held for this verse.

तपोष् पवित्रं विततं दिवस् पद इति स्वर्गकामस्य

tapoṣ pavitraṃ vitataṃ divas pada iti svargakāmasya

Sanskrit only: no published translation is held for this verse.

अरूरुचद् उषसः पृश्निर् अग्रयुर् इति प्रजाकामस्य

arūrucad uṣasaḥ pṛśnir agrayur iti prajākāmasya

Sanskrit only: no published translation is held for this verse.

सर्वाभिर् एव वितनुयाद् एतेषां सर्वेषां कामानाम् उपाप्त्यै

sarvābhir eva vitanuyād eteṣāṃ sarveṣāṃ kāmānām upāptyai

Sanskrit only: no published translation is held for this verse.

राजानम् आनयति

rājānam ānayati

Sanskrit only: no published translation is held for this verse.

तम् अभिमन्त्रयते स पवस्व सुधामा देवानाम् अभि प्रियाणि धाम त्रिर् देवेभ्यो ऽपवथास् त्रिर् आदित्येभ्यस् त्रिर् अङ्गिरोभ्यो येन तुर्येण ब्रह्मणा बृहस्पतये ऽपवथास् तेन मह्यं पवस्व

tam abhimantrayate sa pavasva sudhāmā devānām abhi priyāṇi dhāma trir devebhyo 'pavathās trir ādityebhyas trir aṅgirobhyo yena turyeṇa brahmaṇā bṛhaspataye 'pavathās tena mahyaṃ pavasva

Sanskrit only: no published translation is held for this verse.

स नः पवस्व शं गवे शं जनाय शम् अर्वते

sa naḥ pavasva śaṃ gave śaṃ janāya śam arvate

Sanskrit only: no published translation is held for this verse.

शं राजन्न् ओषधीभ्य इति

śaṃ rājann oṣadhībhya iti

Sanskrit only: no published translation is held for this verse.

शम् एवोद्गात्रे भवति शं यजमानाय शं प्रजाभ्यः

śam evodgātre bhavati śaṃ yajamānāya śaṃ prajābhyaḥ

Sanskrit only: no published translation is held for this verse.

अध्वर्युर् आग्रयणं ग्रहं गृह्णन् हिंकरोति

adhvaryur āgrayaṇaṃ grahaṃ gṛhṇan hiṃkaroti

Sanskrit only: no published translation is held for this verse.

तद् एव हिंकृतं भवति

tad eva hiṃkṛtaṃ bhavati

Sanskrit only: no published translation is held for this verse.

अथोद्गातैकर्चो गायत्रं गायत्य् उच्चा ते जातम् अन्धसेति

athodgātaikarco gāyatraṃ gāyaty uccā te jātam andhaseti

Sanskrit only: no published translation is held for this verse.

स उद् इत्य् एवेतो देवेभ्यो हव्यं वहति

sa ud ity eveto devebhyo havyaṃ vahati

Sanskrit only: no published translation is held for this verse.

दिवि सद् भूम्य् आ दद इत्य् अमुतो वृष्टिम् आच्यावयति

divi sad bhūmy ā dada ity amuto vṛṣṭim ācyāvayati

Sanskrit only: no published translation is held for this verse.

ताविमौ लोकौ सवासिनौ करोति

tāvimau lokau savāsinau karoti

Sanskrit only: no published translation is held for this verse.

तावस्मै कामं पिन्वाते

tāvasmai kāmaṃ pinvāte

Sanskrit only: no published translation is held for this verse.

कामम् अस्मा इमौ लोकौ पिन्वाते य एवं वेद

kāmam asmā imau lokau pinvāte ya evaṃ veda

Sanskrit only: no published translation is held for this verse.