Jaiminīya Brāhmaṇa of the Sāmaveda (in part) 1.83

अरण्यम् इव वा एते यन्ति ये बहिष्पवमानं सर्पन्ति

araṇyam iva vā ete yanti ye bahiṣpavamānaṃ sarpanti

Sanskrit only: no published translation is held for this verse.

तान् ईश्वरो रक्षो वा हन्तोर् अन्या वा नंष्ट्रा

tān īśvaro rakṣo vā hantor anyā vā naṃṣṭrā

Sanskrit only: no published translation is held for this verse.

अथ द्वितीयां जुहोति सूर्यो मा देवो दिव्येभ्यो रक्षोभ्यः पातु वात आन्तरिक्षेभ्यो ऽग्निः पार्थिवेभ्यः स्वाहेति

atha dvitīyāṃ juhoti sūryo mā devo divyebhyo rakṣobhyaḥ pātu vāta āntarikṣebhyo 'gniḥ pārthivebhyaḥ svāheti

Sanskrit only: no published translation is held for this verse.

य एवैषां लोकानाम् अधिपतयस् तेभ्य एवैतद् आत्मानं परिदाय सर्पति नार्तिम् आर्च्छति

ya evaiṣāṃ lokānām adhipatayas tebhya evaitad ātmānaṃ paridāya sarpati nārtim ārcchati

Sanskrit only: no published translation is held for this verse.

प्रजापतिर् यद् यज्ञम् असृजत तं हविर्धान एवासृजत

prajāpatir yad yajñam asṛjata taṃ havirdhāna evāsṛjata

Sanskrit only: no published translation is held for this verse.

स सृष्ट उदङ् प्राद्रवत्

sa sṛṣṭa udaṅ prādravat

Sanskrit only: no published translation is held for this verse.

तम् एतद् अत्राप्त्वास्तुवन्

tam etad atrāptvāstuvan

Sanskrit only: no published translation is held for this verse.

यत्रैतद् उदञ्च इत्वा बहिष्पवमानेन स्तुवन्ति यज्ञम् एवैतद् आप्त्वा स्तुवन्ति

yatraitad udañca itvā bahiṣpavamānena stuvanti yajñam evaitad āptvā stuvanti

Sanskrit only: no published translation is held for this verse.

यो वै दैव्यं वाजिनं वेद वाजी भवति

yo vai daivyaṃ vājinaṃ veda vājī bhavati

Sanskrit only: no published translation is held for this verse.

यज्ञो वाव दैव्यो वाजी

yajño vāva daivyo vājī

Sanskrit only: no published translation is held for this verse.

य इन् नु मानुषं वाजिनम् अशान्तम् असंमृष्टम् आरोहति तम् इन् नु स हिनस्ति वा प्र वा क्षिणोति

ya in nu mānuṣaṃ vājinam aśāntam asaṃmṛṣṭam ārohati tam in nu sa hinasti vā pra vā kṣiṇoti

Sanskrit only: no published translation is held for this verse.

अथ किं यो दैव्यं वाजिनम् अशान्तम् असंमृष्टम् आरोहात्

atha kiṃ yo daivyaṃ vājinam aśāntam asaṃmṛṣṭam ārohāt

Sanskrit only: no published translation is held for this verse.