Library·Jaiminīya Brāhmaṇa of the Sāmaveda (in part)·1·1.85
प्राणान् वावैतत् संतत्य स्वर्गं लोकं सर्पन्ति यद् अन्तर् हविर्धाने ग्रहान् गृहीत्वा बहिष्पवमानं सर्पन्ति
prāṇān vāvaitat saṃtatya svargaṃ lokaṃ sarpanti yad antar havirdhāne grahān gṛhītvā bahiṣpavamānaṃ sarpanti
Sanskrit only: no published translation is held for this verse.
संतताः सर्पन्ति
saṃtatāḥ sarpanti
Sanskrit only: no published translation is held for this verse.
संतत इव वै स्वर्गो लोकः
saṃtata iva vai svargo lokaḥ
Sanskrit only: no published translation is held for this verse.
स्वर्गस्यैव लोकस्य संतत्या अव्यवच्छेदाय
svargasyaiva lokasya saṃtatyā avyavacchedāya
Sanskrit only: no published translation is held for this verse.
प्रावभ्रा इव सर्पन्ति
prāvabhrā iva sarpanti
Sanskrit only: no published translation is held for this verse.
प्रतिकूल इव वा इतस् स्वर्गो लोकः
pratikūla iva vā itas svargo lokaḥ
Sanskrit only: no published translation is held for this verse.
तद् यथा वा अदः प्रतिकूलम् उद्यन् प्रावभ्र इव भवत्येवम् एवैतत्
tad yathā vā adaḥ pratikūlam udyan prāvabhra iva bhavatyevam evaitat
Sanskrit only: no published translation is held for this verse.
स्वर्गस्य लोकस्य समष्ट्या अनपव्याथाय
svargasya lokasya samaṣṭyā anapavyāthāya
Sanskrit only: no published translation is held for this verse.
अध्वर्युः प्रथमः सर्पति प्राणो यज्ञस्य
adhvaryuḥ prathamaḥ sarpati prāṇo yajñasya
Sanskrit only: no published translation is held for this verse.
तस्माद् यद् अवच्छिद्येरन् प्राणाद् अवच्छिद्येरन् प्रमायुकाः स्युः
tasmād yad avacchidyeran prāṇād avacchidyeran pramāyukāḥ syuḥ
Sanskrit only: no published translation is held for this verse.
प्रस्तोता द्वितीयः सर्पति मुखं साम्नः
prastotā dvitīyaḥ sarpati mukhaṃ sāmnaḥ
Sanskrit only: no published translation is held for this verse.
तस्माद् यद् अवच्छिद्येरन् मुख्याम् आर्तिम् आर्छेयुः
tasmād yad avacchidyeran mukhyām ārtim ārcheyuḥ
Sanskrit only: no published translation is held for this verse.
उद्गाता तृतीयः सर्पति सर्वदेवत्यः प्रजापतिः
udgātā tṛtīyaḥ sarpati sarvadevatyaḥ prajāpatiḥ
Sanskrit only: no published translation is held for this verse.
तस्माद् यद् अवच्छिद्येरन् सर्वज्यानिं जीयेरन्
tasmād yad avacchidyeran sarvajyāniṃ jīyeran
Sanskrit only: no published translation is held for this verse.
प्रतिहर्ता चतुर्थः सर्पति तुरीयं साम्नः
pratihartā caturthaḥ sarpati turīyaṃ sāmnaḥ
Sanskrit only: no published translation is held for this verse.
तस्माद् यद् अवच्छिद्येरंस् तुरीयेणात्मनो यातयेयुः
tasmād yad avacchidyeraṃs turīyeṇātmano yātayeyuḥ
Sanskrit only: no published translation is held for this verse.
यजमानः पञ्चमः सर्पति
yajamānaḥ pañcamaḥ sarpati
Sanskrit only: no published translation is held for this verse.
पाङ्क्तो यज्ञः
pāṅkto yajñaḥ
Sanskrit only: no published translation is held for this verse.
पाङ्क्ताः पशवः
pāṅktāḥ paśavaḥ
Sanskrit only: no published translation is held for this verse.
तस्माद् यद् अवच्छिद्येरन् यज्ञात् पशुभ्यो ऽवच्छिद्येरन्
tasmād yad avacchidyeran yajñāt paśubhyo 'vacchidyeran
Sanskrit only: no published translation is held for this verse.