Jaiminīya Brāhmaṇa of the Sāmaveda (in part) 2.153

त्रिशीर्षा ह वै त्वाष्ट्र आस

triśīrṣā ha vai tvāṣṭra āsa

Sanskrit only: no published translation is held for this verse.

तस्य ह त्रीणि मुखान्य् आसुस् सोमपानम् एकं सुरापानम् एकम् अन्नादनम् एकम्

tasya ha trīṇi mukhāny āsus somapānam ekaṃ surāpānam ekam annādanam ekam

Sanskrit only: no published translation is held for this verse.

प्रस्तौति ह स्मैकेनैकेन गायति प्रतिहरत्य् एकेनाश्रावयत्य् एकेन प्रत्याश्रावयत्य् एकेन शंसत्य् एकेन

prastauti ha smaikenaikena gāyati pratiharaty ekenāśrāvayaty ekena pratyāśrāvayaty ekena śaṃsaty ekena

Sanskrit only: no published translation is held for this verse.

स ह स्मैकाक्य् एवानुपरिसर्पं सर्वं यज्ञं संस्थापयति

sa ha smaikāky evānuparisarpaṃ sarvaṃ yajñaṃ saṃsthāpayati

Sanskrit only: no published translation is held for this verse.

स हेयद्वीर्यावान् आस

sa heyadvīryāvān āsa

Sanskrit only: no published translation is held for this verse.

स उ हासुरीपुत्र आस

sa u hāsurīputra āsa

Sanskrit only: no published translation is held for this verse.

स ह स्म प्रत्यक्षं देवेभ्यो वदति परोक्षम् असुरेभ्यः

sa ha sma pratyakṣaṃ devebhyo vadati parokṣam asurebhyaḥ

Sanskrit only: no published translation is held for this verse.

यस्मा उ ह वा भूयः कामयते तस्मै परोक्षं वदति

yasmā u ha vā bhūyaḥ kāmayate tasmai parokṣaṃ vadati

Sanskrit only: no published translation is held for this verse.

तस्माद् उ हेन्द्रो बिभयांचकार यच् चासुरीपुत्र आस यद् उ चेयद्वीर्यावान् आस

tasmād u hendro bibhayāṃcakāra yac cāsurīputra āsa yad u ceyadvīryāvān āsa

Sanskrit only: no published translation is held for this verse.

स हेक्षांचक्रे ऽसुर्यो वा अयम् आसुरीपुत्रः

sa hekṣāṃcakre 'suryo vā ayam āsurīputraḥ

Sanskrit only: no published translation is held for this verse.

स प्रत्यक्षम् अस्मभ्यं वदति परोक्षम् असुरेभ्यः

sa pratyakṣam asmabhyaṃ vadati parokṣam asurebhyaḥ

Sanskrit only: no published translation is held for this verse.

हन्तैनं हनानीति

hantainaṃ hanānīti

Sanskrit only: no published translation is held for this verse.