Jaiminīya Brāhmaṇa of the Sāmaveda (in part) 2.23

तद् आहुः कां देवतां दीक्षमाणा अनुनिषीदन्ति काम् अनूत्तिष्ठन्तीति

tad āhuḥ kāṃ devatāṃ dīkṣamāṇā anuniṣīdanti kām anūttiṣṭhantīti

Sanskrit only: no published translation is held for this verse.

स ब्रूयाद् अग्निं देवतानां दीक्षमाणा अनुनिषीदन्त्य् आदित्यम् अनूत्तिष्ठन्तीति

sa brūyād agniṃ devatānāṃ dīkṣamāṇā anuniṣīdanty ādityam anūttiṣṭhantīti

Sanskrit only: no published translation is held for this verse.

तस्माद् दीक्षितान् सत आहुर् आसत इति यद्य् अपि ते शयीरन्न् अथोत्तिष्ठेयुः

tasmād dīkṣitān sata āhur āsata iti yady api te śayīrann athottiṣṭheyuḥ

Sanskrit only: no published translation is held for this verse.

अग्निर् हि देवानाम् आसीनानां श्रेष्ठः

agnir hi devānām āsīnānāṃ śreṣṭhaḥ

Sanskrit only: no published translation is held for this verse.

अग्निदेवत्या हि तर्हि भवन्ति

agnidevatyā hi tarhi bhavanti

Sanskrit only: no published translation is held for this verse.

तस्माद् उत्थितान् सत आहुर् उदस्थुर् इति यद्य् अपि त आसीरन्न् अथो शयीरन्

tasmād utthitān sata āhur udasthur iti yady api ta āsīrann atho śayīran

Sanskrit only: no published translation is held for this verse.

आदित्यो हि देवानाम् उत्थितानां श्रेष्ठः

ādityo hi devānām utthitānāṃ śreṣṭhaḥ

Sanskrit only: no published translation is held for this verse.

आदित्यदेवत्या हि तर्हि भवन्ति

ādityadevatyā hi tarhi bhavanti

Sanskrit only: no published translation is held for this verse.

तद् आहुः के भूत्वोत्तिष्ठन्तीति

tad āhuḥ ke bhūtvottiṣṭhantīti

Sanskrit only: no published translation is held for this verse.

स ब्रूयान् मनुष्या भूता दीक्षन्ते देवा भूत्वोत्तिष्ठन्तीति

sa brūyān manuṣyā bhūtā dīkṣante devā bhūtvottiṣṭhantīti

Sanskrit only: no published translation is held for this verse.

त एतद् ऋग्रेतसं यजूरेतसं ब्रह्मणि योनौ रेतो दधतो यन्ति

ta etad ṛgretasaṃ yajūretasaṃ brahmaṇi yonau reto dadhato yanti

Sanskrit only: no published translation is held for this verse.

अग्नाव् एव तद् आहुतीभिर् अभिजुह्वतो यन्ति

agnāv eva tad āhutībhir abhijuhvato yanti

Sanskrit only: no published translation is held for this verse.

तस्माद् दीक्षोपसत्सु वीव ग्लायन्ति

tasmād dīkṣopasatsu vīva glāyanti

Sanskrit only: no published translation is held for this verse.

तरुणम् इव तर्हि रेतो भवति

taruṇam iva tarhi reto bhavati

Sanskrit only: no published translation is held for this verse.

तस्माद् उ स्त्री दुर्हृदिनी वीव ग्लायति

tasmād u strī durhṛdinī vīva glāyati

Sanskrit only: no published translation is held for this verse.

तरुणम् इव हि तर्हि रेतो भवति

taruṇam iva hi tarhi reto bhavati

Sanskrit only: no published translation is held for this verse.

तान् स्तुतिशस्त्रैस् त्रिर् वर्धयन्तो ऽभिशृण्वन्तो यन्ति

tān stutiśastrais trir vardhayanto 'bhiśṛṇvanto yanti

Sanskrit only: no published translation is held for this verse.

तस्माद् गर्भा अनश्नतः सम्भवन्ति

tasmād garbhā anaśnataḥ sambhavanti

Sanskrit only: no published translation is held for this verse.