Jaiminīya Brāhmaṇa of the Sāmaveda (in part) 2.249

इन्द्रो वै मरुतः सहस्रम् अजिनोत् स्वां विशं सोमाय राज्ञे प्रतिप्रोच्य

indro vai marutaḥ sahasram ajinot svāṃ viśaṃ somāya rājñe pratiprocya

Sanskrit only: no published translation is held for this verse.

तदनुकृतीदम् अप्य् एतर्हि राज्ञे प्रतिप्रोच्य विशं जिन्वन्ति

tadanukṛtīdam apy etarhi rājñe pratiprocya viśaṃ jinvanti

Sanskrit only: no published translation is held for this verse.

तद् यमो ऽन्वबुध्यत सहस्रम् अज्यासिष्टाम् इति

tad yamo 'nvabudhyata sahasram ajyāsiṣṭām iti

Sanskrit only: no published translation is held for this verse.

स आगच्छत्

sa āgacchat

Sanskrit only: no published translation is held for this verse.

स एत्याब्रवीद् उप मास्मिन् सहस्रे ह्वयेथाम् इति

sa etyābravīd upa māsmin sahasre hvayethām iti

Sanskrit only: no published translation is held for this verse.

तथेति

tatheti

Sanskrit only: no published translation is held for this verse.

तम् उपाह्वयेताम्

tam upāhvayetām

Sanskrit only: no published translation is held for this verse.

स यमो ऽस्मिन् सहस्रे ऽपि गाम् अपश्यत् सहस्रस्य गवां पयो बिभ्रतीम्

sa yamo 'smin sahasre 'pi gām apaśyat sahasrasya gavāṃ payo bibhratīm

Sanskrit only: no published translation is held for this verse.

ताम् अब्रवीद् इयम् एव मम युवयोर् एतद् इतरद् इति

tām abravīd iyam eva mama yuvayor etad itarad iti

Sanskrit only: no published translation is held for this verse.

ताव् इतराव् अब्रूतां यद् वाव त्वम् एतस्यां पश्यसि तद् आवं पश्याव इति सो ऽब्रवीत् तया वा एता एव विकरवामहा इति

tāv itarāv abrūtāṃ yad vāva tvam etasyāṃ paśyasi tad āvaṃ paśyāva iti so 'bravīt tayā vā etā eva vikaravāmahā iti

Sanskrit only: no published translation is held for this verse.

ते तयैव व्यकुर्वत

te tayaiva vyakurvata

Sanskrit only: no published translation is held for this verse.

ते ऽब्रुवन्न् अंशान् आहरामहै यस्मै नः प्रथमैष्यति

te 'bruvann aṃśān āharāmahai yasmai naḥ prathamaiṣyati

Sanskrit only: no published translation is held for this verse.

ते ऽंशान् आहरन्त

te 'ṃśān āharanta

Sanskrit only: no published translation is held for this verse.

सोमस्य प्रथमैत्

somasya prathamait

Sanskrit only: no published translation is held for this verse.

अथेन्द्रस्याथ यमस्य

athendrasyātha yamasya

Sanskrit only: no published translation is held for this verse.

ताम् अप्सु प्रावेशयन्

tām apsu prāveśayan

Sanskrit only: no published translation is held for this verse.