Jaiminīya Brāhmaṇa of the Sāmaveda (in part) 2.41

अथ ह वै त्रयः पूर्वे ऽग्नय आसुर् भूपतिर् भुवनपतिर् भूतानां पतिः

atha ha vai trayaḥ pūrve 'gnaya āsur bhūpatir bhuvanapatir bhūtānāṃ patiḥ

Sanskrit only: no published translation is held for this verse.

अयं वै लोको भूपतिर् अन्तरिक्षं भुवनपतिर् असाव् एव लोको भूतानां पतिः

ayaṃ vai loko bhūpatir antarikṣaṃ bhuvanapatir asāv eva loko bhūtānāṃ patiḥ

Sanskrit only: no published translation is held for this verse.

अथ हायं भूतिर् नाम

atha hāyaṃ bhūtir nāma

Sanskrit only: no published translation is held for this verse.

तेषां ह वषट्कारः शीर्षाणि चिछेद

teṣāṃ ha vaṣaṭkāraḥ śīrṣāṇi cicheda

Sanskrit only: no published translation is held for this verse.

त इमास् तिस्रः पृथिवीः प्रविविशुः

ta imās tisraḥ pṛthivīḥ praviviśuḥ

Sanskrit only: no published translation is held for this verse.

तस्माद् यद् अग्निहोत्रस्य वाज्यस्य वावस्कन्देत् तद् अभिमृशेद् भूपतये स्वाहा भुवनपतये स्वाहा भूतानां पतये स्वाहेति

tasmād yad agnihotrasya vājyasya vāvaskandet tad abhimṛśed bhūpataye svāhā bhuvanapataye svāhā bhūtānāṃ pataye svāheti

Sanskrit only: no published translation is held for this verse.

एतेषु हैवास्याग्निषु हुतम् अस्कन्नं भवति

eteṣu haivāsyāgniṣu hutam askannaṃ bhavati

Sanskrit only: no published translation is held for this verse.

अथ ह वै त्रयः पूर्व ऋषय आसुः शूर्पंयवम् अध्वाना अन्तर्वान् कृषिः सोल्वालाः

atha ha vai trayaḥ pūrva ṛṣaya āsuḥ śūrpaṃyavam adhvānā antarvān kṛṣiḥ solvālāḥ

Sanskrit only: no published translation is held for this verse.

ते ह यज्ञस्य कृन्तत्राणि ददृशुः

te ha yajñasya kṛntatrāṇi dadṛśuḥ

Sanskrit only: no published translation is held for this verse.

तस्यैताः प्रायश्चित्तीर् ददृशुः शं च म उप च म आयुश् च मे भूयश् च मे यज्ञ शिवो मे संतिष्ठस्व यज्ञ स्विष्टो मे संतिष्ठस्व यज्ञारिष्टो मे संतिष्ठस्वेति

tasyaitāḥ prāyaścittīr dadṛśuḥ śaṃ ca ma upa ca ma āyuś ca me bhūyaś ca me yajña śivo me saṃtiṣṭhasva yajña sviṣṭo me saṃtiṣṭhasva yajñāriṣṭo me saṃtiṣṭhasveti

Sanskrit only: no published translation is held for this verse.

तस्माद् एता दर्शपूर्णमासाभ्यां वा चातुर्मास्यैर् वा पशुबन्धेन वा सौम्येन वाध्वरेणेष्ट्वोपरिष्टाज् जपेत्

tasmād etā darśapūrṇamāsābhyāṃ vā cāturmāsyair vā paśubandhena vā saumyena vādhvareṇeṣṭvopariṣṭāj japet

Sanskrit only: no published translation is held for this verse.

यद् एवात्र यज्ञस्य विधुरं भवति तद् एव तेन शमयति

yad evātra yajñasya vidhuraṃ bhavati tad eva tena śamayati

Sanskrit only: no published translation is held for this verse.

प्राण एवाविषुवतो व्यानो विषुवान् अपानो यद् ऊर्ध्वं विषुवतः

prāṇa evāviṣuvato vyāno viṣuvān apāno yad ūrdhvaṃ viṣuvataḥ

Sanskrit only: no published translation is held for this verse.

अपानो वा इदं सर्वम् आहरति

apāno vā idaṃ sarvam āharati

Sanskrit only: no published translation is held for this verse.

तस्माद् वयं परस्ताद् विषुवतो ऽर्वाचः षडहान् उपैमः

tasmād vayaṃ parastād viṣuvato 'rvācaḥ ṣaḍahān upaimaḥ

Sanskrit only: no published translation is held for this verse.