Jayadeva (alias Piyusavarsa): Candraloka 10

धर्मं कंचित् पुरस्कृत्य प्रायः शब्दः प्रवर्तते । ययार्थं स्पष्टम् आचष्टे शब्दस् ताम् अभिधां विदुः

dharmaṃ kaṃcit puraskṛtya prāyaḥ śabdaḥ pravartate / yayārthaṃ spaṣṭam ācaṣṭe śabdas tām abhidhāṃ viduḥ

Sanskrit only: no published translation is held for this verse.

जात्या गुणेन क्रियया वस्तुयोगेन संज्ञया । निर्देशेन तथा प्राहुः षड्विधाम् अभिधां बुधाः

jātyā guṇena kriyayā vastuyogena saṃjñayā / nirdeśena tathā prāhuḥ ṣaḍvidhām abhidhāṃ budhāḥ

Sanskrit only: no published translation is held for this verse.

गौर् नीलः पाचको दण्डी डित्थः कंस इति क्रमात् । कं संहिनस्ति कंसारिर् नरं च कं समाश्रितम्

gaur nīlaḥ pācako daṇḍī ḍitthaḥ kaṃsa iti kramāt / kaṃ saṃhinasti kaṃsārir naraṃ ca kaṃ samāśritam

Sanskrit only: no published translation is held for this verse.

न योगादेर् आयतनं न सङ्केतनिकेतनम् । वृत्त्या निर्देशशब्दो ऽयं मुख्यया स्वाभिधेयया

na yogāder āyatanaṃ na saṅketaniketanam / vṛttyā nirdeśaśabdo 'yaṃ mukhyayā svābhidheyayā

Sanskrit only: no published translation is held for this verse.

पीयूषवर्षप्रभवं चन्द्रालोकमनोहरम् । सुधानिधानम् आसाद्य श्रयध्वं विबुधा मुदम्

pīyūṣavarṣaprabhavaṃ candrālokamanoharam / sudhānidhānam āsādya śrayadhvaṃ vibudhā mudam

Sanskrit only: no published translation is held for this verse.

जयन्ति याज्ञिकश्रीमन्-महादेवाङ्गजन्मनः । सूक्तिपीयूषवर्षस्य जयदेवकवेर् गिरः

jayanti yājñikaśrīman-mahādevāṅgajanmanaḥ / sūktipīyūṣavarṣasya jayadevakaver giraḥ

Sanskrit only: no published translation is held for this verse.

महादेवः सत्रप्रमुखमखविद्यैकचतुरः सुमित्रा तद्भक्तिप्रणिहितमतिर् यस्य पितरौ । मयूखस् तेनासौ सुकविजयदेवेन रचिते चिरं चन्द्रालोके महति दशसंख्यः सुखयतु

mahādevaḥ satrapramukhamakhavidyaikacaturaḥ sumitrā tadbhaktipraṇihitamatir yasya pitarau / mayūkhas tenāsau sukavijayadevena racite ciraṃ candrāloke mahati daśasaṃkhyaḥ sukhayatu

Sanskrit only: no published translation is held for this verse.