Jayadeva (alias Piyusavarsa): Candraloka 3

अल्पाक्षरा विचित्रार्थ-ख्यातिर् अक्षरसंहतिः । उषाकान्तेनानुगतः शूरः शौरिर् अयं पुनः

alpākṣarā vicitrārtha-khyātir akṣarasaṃhatiḥ / uṣākāntenānugataḥ śūraḥ śaurir ayaṃ punaḥ

Sanskrit only: no published translation is held for this verse.

शोभा ख्यातापि यद्दोषो गुणकीर्त्या निषिध्यते । मुधा निन्दन्ति संसारं कंसारिर् यत्र पूज्यते

śobhā khyātāpi yaddoṣo guṇakīrtyā niṣidhyate / mudhā nindanti saṃsāraṃ kaṃsārir yatra pūjyate

Sanskrit only: no published translation is held for this verse.

अभिमानो विचारश् चेद् ऊहितार्थनिषेधकृत् । इन्दुर् यदि कथं तीव्रः सूर्यो यदि कथं निशि

abhimāno vicāraś ced ūhitārthaniṣedhakṛt / indur yadi kathaṃ tīvraḥ sūryo yadi kathaṃ niśi

Sanskrit only: no published translation is held for this verse.

हेतुस् त्यक्त्वा बहून् पक्षान् युक्त्यैकस्यावधारणम् । नेन्दुर् नार्को ऽयम् और्वाग्निः सागराद् उत्थितो दहन्

hetus tyaktvā bahūn pakṣān yuktyaikasyāvadhāraṇam / nendur nārko 'yam aurvāgniḥ sāgarād utthito dahan

Sanskrit only: no published translation is held for this verse.

प्रतिषेधः प्रसिद्धानां कारणानाम् अनादरः । न युद्धेन भ्रुवोः स्पन्देनैव वीरा निपातिताः

pratiṣedhaḥ prasiddhānāṃ kāraṇānām anādaraḥ / na yuddhena bhruvoḥ spandenaiva vīrā nipātitāḥ

Sanskrit only: no published translation is held for this verse.

निरुक्तं स्यान् निर्वचनं नाम्नः सत्यं तथानृतम् । ईदृशैश् चरितै राजन् सत्यं दोषाकरो भवान्

niruktaṃ syān nirvacanaṃ nāmnaḥ satyaṃ tathānṛtam / īdṛśaiś caritai rājan satyaṃ doṣākaro bhavān

Sanskrit only: no published translation is held for this verse.

स्यान् मिथ्याध्यवसायश् चेद् असती साध्यसाधने । चन्द्रांशुसूत्रग्रथितां नभःपुष्पस्रजं वह

syān mithyādhyavasāyaś ced asatī sādhyasādhane / candrāṃśusūtragrathitāṃ nabhaḥpuṣpasrajaṃ vaha

Sanskrit only: no published translation is held for this verse.

सिद्धिः ख्यातेषु चेन् नाम कीर्त्यते तुल्यतोक्तये । युवाम् एवेह विख्यातौ त्वं बलैर् जलधिर् जलैः

siddhiḥ khyāteṣu cen nāma kīrtyate tulyatoktaye / yuvām eveha vikhyātau tvaṃ balair jaladhir jalaiḥ

Sanskrit only: no published translation is held for this verse.

युक्तिर् विशेषसिद्धिश् चेद् विचित्रार्थान्तरान्वयात् । नवस् त्वं नीरदः को ऽपि स्वर्णैर् वर्षसि यन् मुहुः

yuktir viśeṣasiddhiś ced vicitrārthāntarānvayāt / navas tvaṃ nīradaḥ ko 'pi svarṇair varṣasi yan muhuḥ

Sanskrit only: no published translation is held for this verse.

कार्यं फलोपलम्भश् चेद् व्यापाराद् वस्तुतो ऽथ वा । असाव् उदेति शीतांशुर् मानच्छेदाय सुभ्रुवाम्

kāryaṃ phalopalambhaś ced vyāpārād vastuto 'tha vā / asāv udeti śītāṃśur mānacchedāya subhruvām

Sanskrit only: no published translation is held for this verse.

इत्यादि लक्षणं भूरि काव्यस्याहुर् महर्षयः । स्वर्णभ्राजिष्णुभालत्व-प्रभृतीव महीभुजः

ityādi lakṣaṇaṃ bhūri kāvyasyāhur maharṣayaḥ / svarṇabhrājiṣṇubhālatva-prabhṛtīva mahībhujaḥ

Sanskrit only: no published translation is held for this verse.

महादेवः सत्रप्रमुखमखविद्यैकचतुरः सुमित्रा तद्भक्तिप्रणिहितमतिर् यस्य पितरौ । तृतीयस् तेनासौ सुकविजयदेवेन रचिते चिरं चन्द्रालोके सुखयतु मयूखः सुमनसः

mahādevaḥ satrapramukhamakhavidyaikacaturaḥ sumitrā tadbhaktipraṇihitamatir yasya pitarau / tṛtīyas tenāsau sukavijayadevena racite ciraṃ candrāloke sukhayatu mayūkhaḥ sumanasaḥ

Sanskrit only: no published translation is held for this verse.